هل ينفع استخدم انيمال ستاك منتهي تاريخه من اسبوعين

معلومات المتقدم بالاستفسار :
العمر : 25 , الجنس : ذكر

الطول :168 متر
الوزن : 71 كيلوجرام

نسبة الدهون : 17

و الاستفسار كالتالي :
السلام عليكم ورحمه الله وبركاته ,

يا اخوان انا شريت ( انيمال ستاك ) من GNC لكن للأسف ما امداني استخدمه برمضان ..
المهم ان تاريخه انتهى قبل اسبوعين .. وسألت البائعه في المحل قالتلي عادي لأن مثل هالشغلات
صالحه لمده 3 شهور من انتهاء تاريخها .. والتاريخ المكتوب عالعلبه مبكرين فيه من باب الاحتياط

فهل هالشي صحيح ؟ اقدر استخدمه الـ 3 اسابيع القادمه ؟

ويعطيكم العافيه ..

وعليكم السلام ...الي تبيع كذابه بس تبي تمشي بضاعتها ...نصيحه سلامتك اهم ..

اقتباس:

---

المشاركة الأصلية كتبت بواسطة مملوح بالسكر

. وسألت البائعه في المحل قالتلي عادي لأن مثل هالشغلات
صالحه لمده 3 شهور من انتهاء تاريخها .. والتاريخ المكتوب عالعلبه مبكرين فيه من باب الاحتياط

---

روح وقول لها هذا المنتج هدية مني لج أستعمليه وبعد أسبوع برجع وبشوفج على خير ..
هذي من صجها تقول المنتج صالح لمدة 3 شهور من تاريخ انتهائه ، الله يسلمك اللعبة مكشوفة هي ماتبي انك ترجع المنتج
وتبي تمشي بضاعتها وبس ومو هامها صحة الزباين ... أخ لو كنت انا مكانك .. :12:

اخوي ياضلوم .. يعطيك العافيه عالتوضيح , وعلى قولتك الصحه اهم .. برميها والشكوى لله ..

اخوي عيسى .. عاد لو تدري اني شاريه من GNC فرع البحرين لول .. والمشكله اني الحين رجعت استراليا .. والا والله كان ارجع لها وارجعه
هي كانت قايله ان كل الادويه اصلا صالحه لما بعد 3 اشهر .. بس عموما بعد كلامك وكلام ياضلوم .. الأكيد اني ماراح استخدمها
اهم ما على الواحد صحته .. ويعطيك العافيه ياكابتن وموفق بالتحدي :09:

هههه
انا استعمل متي فيتامين منتهي من 10 ايام
وان شاء الله مايصير فيني شيء
مسجل عليه
8/12

أخوى الله يعوضك عليك , أتركه صحتك اهم من كل شي .

مؤفق ياوحــــش ..

اتركها الله يعوض عليك

ولو كان كلامها صحيح

كان خلوه لنفس التاريخ

اضمن لهم ان المنتج يكون اطول مده

ولا يشيلون هم التصريف

الله يعطيكم العافيه يا اخوان
ومشكورين على نتبيهكم وحرصكم على صحه الشخص قبل كل شيء ..

والحمدلله رميت العلبه .. وجبتلي وحده جديده ينتهي تاريخها ب2015

جزاكم الله خير

اقتباس:

---

المشاركة الأصلية كتبت بواسطة مملوح بالسكر

الله يعطيكم العافيه يا اخوان
ومشكورين على نتبيهكم وحرصكم على صحه الشخص قبل كل شيء ..

والحمدلله رميت العلبه .. وجبتلي وحده جديده ينتهي تاريخها ب2015

جزاكم الله خير

---

زين ماسويت ..