من 134 الى 107 في تقريبا 4 اشهر ...

معلومات المتقدم بالاستفسار :
العمر : 35 , الجنس : ذكر

الطول :168 متر
الوزن : 123 كيلوجرام

نسبة الدهون : --

و الاستفسار كالتالي :
.



السلام عليكم ورحمة الله وبركاته ...

واسعد الله صباحكم بكل خير .. ونسأل الله ان يتقبل منا ويجعلنا من عتقائه في هذا الشهر الكريم ويعيده علينا وعليكم وعلى الامه الاسلاميه بكل خير ..


بداية مشواري في تاريخ 21/8/2011 رحت لدكتور عندنا بالكويت اسمه فهد العنزي هذا الدكتور قمه بالاخلاق شرواكم ان شاء الله وقست وزني عنده طلع ( 134 ) نصحني بأبره عنده هي منظم للي فيهم سكري ينظم عندهم السكر وقال بعد اكتشاف الابره لقوها تنفع للتخسيس وناس واجد جربوها ومافيها مضار واخوكم على طول اشتراها :)

هذي صورة الابره ..

http://www12.0zz0.com/2012/08/17/02/512194538.jpg



بتاريخ 22/8/2011 بديت استخدام الابره والحمدلله لاحظت فرق في اكلي ونزول الوزن وهذا اهم شي وكنت قاطع السكريات بأنواعها والنشويات والفواكه ماعدا التفاح الاحمر والاخضر والفراوله والجريب فروت واكلي كله لحوم وخضار وبعض الفواكه اللي ذكرت وقطعت الغازيات وبتاريخ 20/11/2011 وقفت استخدام الابر وكان وزني يومها ( 113 ) وكملت نظام غذائي من غير الابر تقريبا شهر زياده ونزلت ( 6 كيلو ) وفي يوم زرت بعض الشباب في مخيم وهي عشوه وحده وفتحت عقبها بشراهه ماقدرت اقفل فمي وزاد الوزن الى ( 123 كيلو ) :(

دخلت قبل فتره المنتدى وسألت عن الليبو 6 وعن شراب ال كرنتين 1500 ودخلت نادي واستعملت الليبو وال كرنتين وللاسف ما استفدت اي شي لأني وبكل اسف ماقدرت اسكر فمي .

الان يا اخوان تعبت من السمنه وابي اخس الايام هذي استعمل حبوب اسمها سوبر فات بيرنر تسد الشهيه ومادري عنها خطره ولا لا لأني افكر بعملية تكميم المعده او القص الطولي ..

فيه بعض الاخوان نصحوني فيهم اللي قال ليبو 6 بلاك الترا وفيهم اللي قال اوكسليت برو وفيهم اللي دخلي معاهم ايزو 100 وال كرنتين 1500 وفيه بعض الاسماء ماتحظرني وقلت مالي الا الله ثم انتوا واتمنى تفيدوني .

ياليت لو تذكرولي افضل هالمكملات واللي اقدر اخذهم واخس عليهم ومايكونون يتعارضون مع بعض واكون شاكرلكم مع العلم يوم كنت في النادي مالي في الحديد ولا السويدي بس مشي ودراجه وشوي جهاز الغزال وياطيبي اذا شوي خواصر .



في امان الله .



.

اللي فهمته ان مشكلتك فالاكل وعدم الانتظام فالرياضة

من الاخر اخوي انت مالك خلق رياضة ولا دايت

توكل على الله واعمل ربط معدة او تكميم وريح نفسك

مشكور على الرد السريع ولاكن الله يطول عمرك ليش التحطيم ؟

انا سالت سؤال عن مكملات وبغيت نصيحه وانت شخص خبير المفروض تعطي النصيحه وانا ذكرت بموضوعي اني امشي والمشي بالنادي وبالممشى نفس الشي وذكرت الدراجه وغزال يعني اعتقد هذا كافي للتخسيس انا ماطلبت ابني عظل.

المهم شكرا على الرد ويعطيك العافيه .

عندكم دكتور مميز في تدبيس المعدة اذكر مسوين معاه لقاء في قناة الوطن في برنامج تو الليل مع المحامي خالد عبدالجليل ...

اقتباس:

---

المشاركة الأصلية كتبت بواسطة fawaz0

مشكور على الرد السريع ولاكن الله يطول عمرك ليش التحطيم ؟

انا سالت سؤال عن مكملات وبغيت نصيحه وانت شخص خبير المفروض تعطي النصيحه وانا ذكرت بموضوعي اني امشي والمشي بالنادي وبالممشى نفس الشي وذكرت الدراجه وغزال يعني اعتقد هذا كافي للتخسيس انا ماطلبت ابني عظل.

المهم شكرا على الرد ويعطيك العافيه .

---

السموحة اخوي

انا نادراً انصح حد بعملية بس اللي فهمته من موضوعك انك مب مشتط ولا راح تسوي شي قلت افضل تخلص نفسك من الاخر وتسوي ربط معدة ..

عموماً وزنك زايد كثير الافضل تنزل بدايت ولا انصح تلعب رياضة حاليا لانك بتأثر ع المفاصل ..

وبالنسبة للحوارق فماهي بسحر يعني بدون رياضة ودايت ماتسوي ولا شي

وان شاء الله الاخوان يفيدونك

المكملآت ليست أبداً الطـريقة السحـرية لحـرق الدهـون من دون إقتـرآنهآ بـ دآيت صحّي و ريـآضة منآسبة .

مشكلـة الإقبـآل على الأكـل بشكـل كبيـر لهـآ حلـول ؛ ومنهآ :
* إختيـآر نوعيــة الـطعآم ؛ فـ لو زدت على طعآمكـ سلطـة خضـرآء بكمية تملأ معدتكـ مآرآح تشعر بالـجوع .
* الالتـزآم بدآيت غذآئـي مُعتَدل ؛ لأنه في حال إنخفآض السكـر بالدم بشكـل عآلي سوف يرغمك على أكل كميآت عآلية من الأطعمـة السكرية .

ولا تنسى أخي العزيـز ؛ فالقلــيل المتّصل دآئماً خيرٌ من الكـثير المنقطـع
فحآفظ على نزول وزنك بشكـل معتـدل وليكن هدفكـ هو تغييـر نظآم حيآتك للأبد وليس فقط محدوداً لفترة تخسيس معيّنة .

الف شكر للاخوان اللي افادوني بردودهم وجزاكم الله خير

وعيدكم مبارك وتقبل الله طاعتكم.