عرض للطباعة
معلومات المتقدم بالاستفسار :
العمر : 18 , الجنس : ذكر
الطول :170 متر
الوزن : 52 كيلوجرام
نسبة الدهون : قليل
و الاستفسار كالتالي :
السلام عليكم ورحمة الله وبركاته
بصراحه انا لم اعرف الشوفان الا هذا الاسبوع من المنتدى فشريت علبه فاكن لا اعرف استخدامه هل يؤكل نيئ ام يطبخ على نار
مثلا هل يصلح اضيفه على عصير موز وهو نيء وكم ملعقة اضيف
ومع مذا استخدمه ايضا وكيف اصنع منه شوربه
واليك هذا الرابط ايضاً للاستزاده .اقتباس:
المشاركة الأصلية كتبت بواسطة مبتددي
http://www.montada2.com/showthread.php?t=679286
عن نفسي اكله مباشرة .. احط ملعقة كبيرة في فمي وابلعه مع ماي وانتهت السالفه P: ..
مواصل عليه 4 ملاعق كبيرة صباحاً مع الفطور وبنص اليوم بعد .
انا عن نفسي اضيفه مع الزبادي واخلطهم مع بعض +عسل
واحلا طعم
طرق اكله كثييييرة جدا
تقدر مطبوخ وتقدر ني
مثلا تقدر تطبخه 5 ملاعق مع كوب ماء مع مخلوط البصل والطماطم مع حبة ماجي وتخليه على النار لين يصير ثقيل وطبعا تقدر تزيد الماء حسب رغبتك
او مثل ماقالوا الشباب 4 ملاعق مع حليب على نار لحد مايبدا يسخن وبعد كذا تحط عليه قرفة لتحسين الطعم
او بالخلاط مع حبتين موز وحليب
واحيانن انا احطه بالخلاط مع البروتين
اما عن افضل طريقة جربتها
3 ملاعق مع زبادي وعسل واخلطهم بالملعقة وبسم الله
اسهل طريقة ، وافضل طريقة ، واسرع طريقة : )
أخوي خذ لك 5 ملاعق الى 7 ملاعق ، لأتعدي أكثر لأن 7 ملاعق يعتبر كوب ، والسعرات في هالكوب 145 سعرة حرارية
حط الشوفان في الصحن ، وحط نص كوب حليب ونص كوب ماي ، تقدر تضيف لة قطع صغيرة من التفاح + البروتين اذا عندك
وتقدر تضيف مكسرات ( كازو أو شيء مثل كذا ) أو فول سوداني ( بينات بتر )
وتحطة في المايكرويف لمدة دقيقتين ، راح تشوفة حار ومستوي ، وهذة افضل طريقة ، ومعروفة جدا !
وطبعا الإضافات على حسب ماتبي ، أهم شيء يكون شيء مفيد وأنت تضيفة للطبق ، يعني شيء بروتيني ،
أو فاكهة معينة مثل الموز أو التفاح ، أو المكسرات و غيرة !
أتمنى أفدناك في الموضوع
عن نفسي ..
أخذ منه 100 جرام تقريبآ واصب عليه نص لتر من الحليب وبالعافيه
==
طريقه الدكتور نجر عجبتي جـــآري التجربته هههههههه
٤ ملاعق شوفان عليهم ٢٠٠ مل حليب ودخلهم المايكروويف لمدة دقيقة، طلع الزبدية من الماكروويف واخلط المزيج واضف عليه ملعقة فول سوداني ورجعه في الخلاط ٣٠ ثانية، وعليك بالعافية
والله يا خوي عندي طريقتين وكلها سريعة وبسيطه
الطريقة الاولى
اخذ الكمية الي ابيها من الشوفان ( كل ملعقة كبيرة من الشوفان = 10 جرام )
واحطها مع مويه وااحركه شوي ثم اكلها
والطريقة الثانية الي عادة اخذاه قيل التمرين بساعة ونص تقريبا
اخذ الواي بروتين واحط الشوفان معه في نفس الشيكر مع ماء ثم ارج العلبة واشربها والصراحة يعجبني طعمه اكثر مع الواي بروتين
اقتباس:
المشاركة الأصلية كتبت بواسطة بردان1
1+ نفس الوضع
موفق