جدولي الغذائي + اذا في خطأ او تعديل

معلومات المتقدم بالاستفسار :
العمر : 17 , الجنس : ذكر

الطول :170 متر
الوزن : 73 كيلوجرام

نسبة الدهون : 6

و الاستفسار كالتالي :
السلام عليكم ورحمة الله


كباتن انا بحط جدولي الغذائي واذا فيه تعديل او غلط ياريت تعدلونه لي


الجدول التمريني :- ضخامة عضلية صافية


الوجبة الأولى :- 4 بياض بيض + كورن فليكس مع حليب + كوب حليب قليل الدسم

سناك :- كوب حليب قليل الدسم + مكسرات بدون ملح + برتقالة

الغداء :- صدر دجاج او لحم او سمك + رز اسمر او خبز اسمر + سلطة خضراء + قطعة بطاطس او شوفان
وهذي هي الوجبة اللي قبل التمرين اللي هي وجبة الغداء

بعد التمرين :_ موزة او ملعقة عسل

العشاء :- ستيك لحم او تونة + سلطة خضراء + ملعقة فول سوداني


هل هذا جدول مناسب للضخامة العضلية الصافية

+

استفسار بسيط لا هنتو

من عمري 16 سنة وانا استخدم مكملات مثل بروتين او امينو وملتي فيتامين بهذا الشكل يعني

واخذ شهرين و اوقف شهر ومرات اخذ ثلاث شهور و اوقف شهر وهكذا

الحين انا دخلت 17 سنة من كم يوم وصار لي شهر تقريبا وانا ما استعملت اي مكمل

هل استعمل مكمل ولا ؟؟

والسموحة على الأطالة

دمتم بوود

وعليكم السلام

جدولك معقول جدا لو كنت راح تستخدم مكملات
اما لو كان لا فا اتوقع يلزمك ضروري اضافة وجبة بروتينيه ايضا
بعد العشاء بساعتين لو افترضنا أن العشاء بعد التمرين بساعه او 45 دقيقة

تسلم كابتن عمر على الرد الله يخليك لنا

بس لو ما عليك امر تعطيني فكرة عن الوجبة اللي بعد العشا.. وتكون خفيفة يعني :أفكر:

تبي خفيفة وبروتينيه ومناسبة لقبل النوم
جبنة قريششش ( أريش )
عاد وتضيف عليها على رغبتك البعض ياخذها مع زعتر وتقدر تاخذ معاها حبة توست اسمر

ان شاءالله اكون افدتك :D

تسلم كابتن ربي يحفظك

جربتها :32: مع توست اسمر .. حلو طعمها ..

اشكرك مرة ثانية