اعاني من كثرة الدهون حول الخصر

معلومات المتقدم بالاستفسار :
العمر : 23 , الجنس : ذكر

الطول :179 متر
الوزن : 92 كيلوجرام



و الاستفسار كالتالي :
السلام عليكم ورحمة الله وبركاته

كيف حالكم ياوحوش ان شاء الله بخير

انا عندي مشكلة ياشباب ماني عارف اكمل حديد ولا اوقف
المهم انا العب حديد لي اسبوع تقريباً عند مدرب خبير ومركز ممتاز لكني العب حديد وعندي دهون في منطقة الخصر وتحت عضلة الباي لكن ماعندي كرش والحمد لله انا ابغى نصيحتكم اوقف حديد واسوي تخسيس ولا اكمل حديد واسوي تخسيس مع بعض وش رايكم ترى حاس اني قاعد العب حديد بدون فايدة عشان خوياي كلهم انحاف وصارو معضلين وطلعت عروق يدهم وطلعت لهم عضلات في اسبوع !!! اما انا ماصارلي شي وحاس جسمي نفسه ماتغير
ابغى نصيحتكم وشكراً

والله مستغرب من هذا المدرب الخبير ، يلعبك حديد وانت وزنك كذا زايد
شيئ طبيعي انك تدخل تخسيس بالاول تشيل هذا الوزن والدهون وبعدين تلعب حديد فكيف هو دخلك على الحديد على طول
أخوي أجعل كل همك الان كيف أنزل من وزني ؟؟

الجواب بالكارديو والدايت . ان شاء الله اني افدتك .

شكراً اخوي على الاجابة بس حبيت اسأل يعني مايجي العب حديد واسوي تخسيس في نفس الوقت :28:

انت الان ركز على اللي قلت لك عليه ، ولاحق على الحديد ، لو لعبت الان حديد السستم مابيكون صح معاك لان بناء الجسم هو تغذية بالاساس وبعدين حديد ، انت بتجي تخسيس نظامه دايت قاسي ، وبناء الجسم نظام ثاني فخلك انت على نظام واحد ولا تضيع بين الاثنين .

شكرا على تجاوبك اخوي
اوكي يعني اكمل على الحديد ولا اوقف واروح للتخسيس :ponder:

نصيحتي لك مثل ما قال الاخ ابداء تخسيس ونزل وزنك على الاقل الى 79 كيلو لان وزنك زايد 13 كيلو
ولا تستعجل على الحديد مشاء الله سنك 23 سنة ومازلت صغير راح تقدر تبني الجسم اللي انت تبيه والعمر قدامك بعد

لكن المهم انزال الوزن
ابداء برنامج غائي + الكارديو ( سير ولياقة بدنية ...... الخ )

ولازم تصبر على التخسيس

الطريقتين صحيحه.
تلعب حديد+كارديو.
او تلعب تخسيس

لكن التخسيس هو الي ينزل وزنك اسرع من التكنيك الاول لأنك تفقد دهون وعضلات بنفس الوقت.
طبعا على حسب نظامك الغذائي الي ماشي عليه انت........والله أعلم.

ما اشوف مشكله في انك تلعب حديد .. لكن خلي هدفك من الحديد هو ( خساره الدهون )
يعني لا تقول ليش ماطلعت لي عضلات ومن هالكلام ! .. العب حديد مع دايت قليل الكاربوهيدرات كثير البروتين ومعدوم الدهون
والأفضل تلعب بعدات كثيره وأوزان معقوله ( مو اجباري ) .. والعب كارديو 30 دقيقه بعد الحديد .. ووضعك بالسليم ان شاءالله

مشكورين شباب على نصائحكم
وانا كل همي في انزال وزني في الأول بعدين همي الثاني الحديد
استفدت من نصائحكم
بعدين حبيت اسألكم عن الشاهي الاخضر بدون سكر هل يساعد في تنزيل الدهون ولا لا وابغى اشياء ثانية تساعد في انزال الدهون لأن انا ماامشي كثير بس امشي ربع ساعة يومياً على الدراجة في النادي
وشكراً لكم احبتي

ما قصروا الشباب في النصايح الله يوفقهم ..


الأمور التي تساعد على تنزيل الوزن

الشاي الأخضر - الزنجبيل - الليمون - الأناناس - القليل من الأفوكادو - ورق الغار في الأكل - اشرب الزعتر ( ورق مجفف ) ..

ولكن يا كابتن ربع ساعة لا تكفي أبداا ... حاول تزيدها على أقل تقدير نصف ساعة ..


ما قصروا الشباب في النصايح الله يوفقهم ..


الأمور التي تساعد على تنزيل الوزن

الشاي الأخضر - الزنجبيل - الليمون - الأناناس - القليل من الأفوكادو - ورق الغار في الأكل - اشرب الزعتر ( ورق مجفف ) ..

ولكن يا كابتن ربع ساعة لا تكفي أبداا ... حاول تزيدها على أقل تقدير نصف ساعة ..



وأهم شي برنامجك الغذائي وازن أكلك

ان شاء الله اخليها نص ساعة يومياً وبالنسبة للاكل الحمد لله كل شي خفيف وحق الرجيم وكل الاشياء بدون سكر
مشكور ياغالي شكراً على الافادة