بخصوص الايزو 100 بالشوكولاته !

معلومات المتقدم بالاستفسار :
العمر : 18 , الجنس : ذكر

الطول :170 متر
الوزن : 65 كيلوجرام

نسبة الدهون : 11

و الاستفسار كالتالي :
السلام عليكم


اخواني انا حاليا في فتره تنشيف , وناوي اطلع الـ سكس باك في اسرع وقت
والحمدالله محصل نتايج , وشايف جسمي


المهم انا حاب اني ازيد وزني ولكن اقلل نسبه الدهون , كانت 16% والحين نزلتها لـ 11% .. وناوي انزلها اكثر ولكن وزني ماينزل معاها , لان الوزن ينزل


المهم , حاب اكل اكل كثير بسعرات حررايه قليله , وازيد وزني واقلل نسبه الدهون


لكن , الحين حبيت اخذ بروتين ايزو 100 وينصحونه الكثير بالتنشيف , فشفت كلهم بلا سكر ولا فات ولا كارب , لكن الوحيد الشوكليت فيه كارب 1g !!!


هل هذا يسبب شي ؟ وشو الافضل اني اخذ الـ 0 ولا الـ 1 كارب ؟ لاني مستعد اخذ الفانيلا لو ان الـ 0 افضل لتنشيف البطن والجسم بشكل عام !




وبخصوص التنشيف السريع , ( استخدم ايزو 100 + امينو 2222 ) يكفي ؟

تزيد وزنك وتنزل نسبة الدهون والله لو تقلب التنين الأزرق أحمر العينين مهي صايره :)
بالنسبة للـ1غرام كارب لا ما تأثر ولو تاخذ جينر بروتين كمان ما يأثر, التنشيف بيعتمد على عدد السعرات الي تاكلها
بخصوص التنشيف السريع تكفي المكملات,

وعليكم السلام
اخوي لاتحاوووول تطلع عن المألوف وتوهق نفسك بخسارة عضلية + مضيعة للوقت ومضيعة للجهد

اما انك تزيد وزنك بمرحلة تنشيف فهذي من سابع المستحيلات
اهم شي للضخامة العضلية الكارب
انظمة التضخيم الغذائية كلها 50% كارب , 35% بروتين
لا والبعض يقول الكارب يفترض يكون 60% من مجمل سعراتك الحرارية

ايضا لو كانت الفكرة ممكنة تتوقع الابطال الي يتنافسون بمراحل التنشيف عن ( اقل خسارة عضلية ممكنه ) وش الي مانعهم مايمسكون نفس الطريق .

شوف علميييا ورياضيا
تقدر تنزل نسبة الدهون + وزنك يرتفع
لكن هذا مو بالتنشيف هذا بالتضخيم الصافي .. وانا هنا اتكلم عن نزووول ( نسبة الدهون ) وليس الدهون ..
لانه مثلا شخص وزنه 50 ونسبة الدهون عنده 10% معناته كتلة الدهون بجسمه هي 5 كيلو
فا ارتفع وزن هذا الشخص ووصل وزنه الى 60 مثلا وكتلة الدهون عنده لازالت 5 كيلو فالزيادة كانت كلها عضل .. فهنا نسبة الدهون تصير 8 % لكن تتوقع فيه احد يقدر يبني 10 كيلو عضل دون زيادة 1 كيلو دهون !! هنا الكلام


انصحك تواصل المرحلة الي انت فيها ولاتستعجل
واذا خلصت ابدا بمرحلة الضخامة الصافية مع اقل زيادة دهنية ممكنه .. وطبعا تحتاج وقتها للكارب لكن يكون كارب نظيف
دائما عند الاجانب التضخيم له اسمين clean bulk و dirty bulk طبعا الفرق بين الثنتين هو بنظام التغذية الكلين يكون اكله صحي وموزون وزن دقييييق من سعرات واحتياجات وهذي تحتاج لمختص بهالامور ومطلع على كامل الجسم ,, اما الاخرى فهي شغل تأكل كل ماهو امامك :) ( بس باهتمام طبعا )



اتمنى يكون كلامي افادك لو بشي بسيط


موفق

تسلم اخوي عمر على ردك



====



اخوي بردان1


تسلم على ردك الطويل , والله افادني كثير , بس حاب اسأل يعني حاليا استخدم الايزو 100 , وبعدين لو ابغى اضخكم عضل صافي اخذ لي شي فيه فات قليل جدا جدا اقل شي احصله , بس تكون الكايربوهدرات عاليه فيه صحيح ؟

الكارب = الكيربوهيدرات ؟؟




لان تعرف والله انا تعبت وانا اطلع الـ 4 باك , والحين طالعات والحمدالله ولكن مو واضحات ذاك الوضوح , والمشكله وزني نزل من 74 لـ 65 , صار شكلي ضعيف جدا وسلق , بنفس الحاله ابغى وزني يزيد ولكن النسبه ماتزيد او تقل حتى !

اذا تبي شي قوي وومضون لاتتعب نفسك بكثر الاساله وتشتت حالك

ضخم وتدرب زين حتى لو ترتفع نسبه الدهون وبعد فترة سنه سنتين نشف وتشوف جسمك كيف يصير

مو مثل ماتقول ضعيف وسلق

موفيق

اهلا وسهلا اخوي

بغض النظر عن ما اذا اخذت منتج قينر كارب عالي او غير عالي
المهم المجمل العام من الكارب الي تاخذه يكون مرتفع باقل تقدير يكون 40 % من مجمل سعراتك الحرارية وانت احسبها بنظامك الغذائية
بالنسبة لي كا نصيحة انك تبعد عن مكملات القينر خااااصة ذات الكارب المبالغ فيه مثل السيريس ماس واشباهه ,, انا ما اعيبها لكن لانك راح تحصل منها دهون
فلو اخذت منتج قينر لاتطلع عن البروكمبلكس قينر او التروماس او اشباههم
لانه هذه المنتجات تعطيك الكارب بالمعقول + نظام غذائي ممتاز راح تشوف احلى ضخامة
على سبيل المثال الترو ماس بمقدار 100 قرام من البودر يعطيك 40 قرام كارب تقريبا + 30 قرام بروتين ,, نسب جدا معقولة بينما بالسيريس ماس يعطيك لكل 170 قرام بودر 25 قرام بروتين فقط + 126 قرام كاااارب !! ,,


ولاتشغل نفسك حاليا بهالامور وتشتت نفسك
ومثل ماقلتلك بما انك ضحيت وخسرت واجد احسن من تتخسر عضل بعد وتتحسف اكثر . اسلك طريق واحد
واتفق مع اخوي مشاري ضخم ضخم وبعد فترررررررة فكر تنشف وطبعا كل ما قدرت تنتظم باكلك ويكون اكلك صحي اكثر كلما كان هالشي افضل لك وتلقى فضله بالاخير بالتنشيف


موفق واي استفسار بالخدمة

والله انك افدتني كثير , وجعلها في ميزان حسناتك يارب


طيب بس ابغى منك اخر نصيحه , الحين انت تنصحني بالتروماس !



اوك , بس اضن ان الفات فيه 4.5 !

تقدر تقولي شو افضل منتج في كارب عالي وبروتين تمام بس الفات اقل , يعني اقل منتج فيه كارب عالي وفات قليل ! وله نتايج طبعا


بانتظارك , وتسلم والله

اخواني نزلت موضوع ولكن انغلق وقالو لي ناقش هنا , وحقهم علي ( المهم لو ممكن تقرون وتجاوبوني الله يخليكم :( )


السلام عليكم


اخواني انا حاليا دخلت في رجيم ونزلت وزني من 74 لـ 65 , ونزلت نسبه الدهون لـ 11%

بس العضل الي فيني كله راح واستويت ضعيف مره !


هالكلام ذكرته في موضوع لي امس , ولكن هالمره سؤالي غير ( فقط الي فوق للتوضيح )


انا حاب احافظ على عضلات بطني الي تعبت وانا اطلعها ولكن بنفس الوقت اطلع لي عضل كبير , يعني اضخم بس بنفس الوقت ماتطلع لي كرشه التضخيم , بالعكس ابغى احافظ عليها وازيدها واخليها بدال الـ 4 لـ 6 !


اقدر ولا هالامر صعب ؟


للعلم بستخدم بروتين ايزو 100 + امينو 2222


ومااكل مقليات ولا حلويات ولا رز



اقدر اني ادخل ضخامه واوصل وزني لـ 72 او 73 ولكن بنسبه الدهون هذي او اقل , اهم شي اني احافظ على بطني لاني والله تعبت وانا اطلعها فتره طويله , واخاف ادخل تضخيم واسمن ! وتروح علي :(


او اني اكون مستعد , لو في منتج فقط يكون فيه كارب , حبوب او بودر ماعندي مشكله , يعني فقط تخصصه الكارب , واخذه مع الايزو 100 , وكذا بيكون بروتين + فات 0 + كارب عالي
واضن هذا الي يحقق الجسم الضخم بلا زياده في نسبة الدهون !

اخوي ابوظبي

انا لم اذكر مطلقا ان الدهون يجب ان تكون صفر يعني صفر

للعلم
اكثثثثثثثر مكمل راح يزيدك فات هو السيريس ماس ,, تعتبر نسبة الدهون فيه اقل نسبيا من الواي بروتين ومن جميع البروتينات !!
مثال اخر السينثا 6 نسبة الدهون فيه تتجاوز الـ 12 بالمية فيه بكل سكوب 6 قرام دهون , مع ذلك ممكن يستخدم في برامج التنشيف

اخوي الكارب هو الي يزيدك دهون احيانن وغالبا هذا مايحدث عند لاعبي كمال الاجسام يمتنع عن الدهون ويسرف بالكارب فتأتيه الدهون من الباب الاخر



انا كل الي ذكرته انه لو تبي زيادة مع نسبة دهون قليلة تكون مقلل من الدهون طبيعي وماراح تعيقك 4.5 قرام بالتروماس او غيره
الكارب هناك كارب معقد وكارب بسيط ,,, الجسم في حالات يحول الكارب للدهون بشكل سريع وفيه حالات يبطء العملية حتى يستفيد الجسم من الكارب كا طاقة


انا لازلت على رأيي لك

انك تكمل مشوارك الان بالتنشيف وبعده اذا شفت نفسك وصلت لمرحلة كويسة
ماله داعي القلق الزايد ابدا ضخم وخل نظامك بالمعقول مجمل سعرات حرارية حسب احتياجك ويكون 40% كارب 40% بروتين 20% دهون ولو زدت الكارب فما فيه مشكلة

وانا لما اذكر الكارب لازم انت تكون عارف اوقات الكارب وانواع الكارب


جمييييييييييع منتجات الكارب الموجودة هذي سكريات وكارب بسيط تتحول لدهون بسرعة
لازم تعتمد ع الكارب من اكلك وتركز على البطيء ماعدا في اوقات معروفة مثل الصباح وبعد التمرين مباشرة تاخذ بسيط
والكارب معروف بالماكرونا والشوفان والبطاطس والارز وكثييييييرة هي المأكولات الكاربوهيدراتيه المعقدة


وان شاءالله الاخوان يشاركونك موضوعك


موفق

تسلم يالغالي ,


طيب انا لو وزني 65 , كم غرام كارب لازم اخذ يومياَ ؟

وتنصحني بالسيريوس ماس ؟ ( لان الي اعرفه ان السيريوس ماس لزياده الوزن )

+ اخوي اقدر اخذ بروتين الايزو 100 + في منتج شفته في المنتدى مع واحد من الاعضاء الله يطول بعمره
اسمه carbo max , ينفع اخذه مع الايزو 100 ؟


بهالطريقه بكون جبت الي اريده والفات صفر , ونفس ماقلت زياده الكارب تتحول دهون , ولكن افضل من دهون عامه اخذها من بروتين ثاني فيه فات


بانتظار ردك يالغالي

اوكي تقدر
لكن ليش تاخذ منتج كارب ؟
الكارب مافيه اسهل منه
خلنا نعيد من جديد لاني صرااااااحه تشتت ذهنيا ههههههه

سؤالك : كيف اضخم بدون زيادة دهون ؟
جوابي لك تستطيع لكن راح تلاحظ زيادة دهنية لو بسيطة عن طريق برنامج غذائي منظم من مختص مثل ماذكرت بردودي الاولى
لكن مافيه مشكلة انت متى مالاحظت انك زدت دهون زيد حصص اللياقة والحركة لو يوم او يومين تاخذ سير بعد التمرين راح يفيدك كثير


نظامك الغذائي

1- صباحا اول شي تبدا الفطور بكارب سريع على سبيل المثال 5 حبات تمر او ملعقة عسل طبيعي
وبعده بروتين عالي + كارب بطيء عااالي
2- وجبة سناك : تركز ع البروتين وتقدر تضيف فاكهه
3-الغداء : بروتين عالي + كارب بطيء
بعد كذا تروح للتمرين
4-بعد التمرين مباشرة كااارب بسيط عالي ,, يعني تقدر تاخذ ملعقتين عسل او فنجانين سكر ابيض تضيفهم مع البروتين , + البروووتين ( حصة المكمل )
5- وجبة العشاء بروتين + كارب بطيء بشكل متوسط او اقل من متوسط كامثال حبتين توست اسمر كافيه

6- اخر وجبة قبل النوم بروووتين + لامانع من الكارب البطيء فقط الغني بالالياف لكن بشكل بسيط جدا .. حسب قراءتي قبل النوم ينفع لعدم تحول الكارب البسيط لدهون ,,
كا مثال للوجبة الاخيرة جبن ئريش مع علبة زبادي خالي الدسم + ملعقة شوفان تخلطها مع الزبادي




حاولت انظملك القيم وانت ركب جدولك على حسب العناصر الي تقدر توفرها والعناصر الي انت تحبها تكون موجودة
والمكملات تقدر تاخذ مكمل قليل الدهون ومنتجات الكارب ابعد عنننها اذا تبي تاخذ منتج كارب خذ منتج بروتين قينر وقضينا وبعد القينر ارحم شوي

موفق

تسلم والله , واسف لاني تعبتك معاي

يعني تقريبا في الـ 5 وجبات او الـ 6 وجبات اليوميه لازم يتوفر الكارب !


طيب
شوف , التمر انا احبه مره مره مره ,


الصبح قول 5 تمرات + بعد الغدا 5 تمرات + بعد التمرين 5 تمرات ! تمام ؟

بقولك جدولي الي بمشي عليه بأذن الله



1- الصبح اول مااقوم على الساعه 6 ونص اكل 3 بياض البيض مفور + سكوب بروتين ايزو 100 + حبتين امينو 2222 + 5 تمرات + كوب حليب خالي الدسم + ملعقه عسل + تفاحه خضرا
2- الوجبه الثانيه على الساعه 10 , اكل توست اسمر داخله 3 بياض البيض مفور + شوي كاتشاب قليل جداَ للنكه فقط + نص خياره
3- اتغدا على الساعه 2 ونص , صدر دجاجه مشوي + شوي كاتشاب قليل جدا للنكه فقط , وبعدها ربع ساعه اشرب حليب خالي الدسم + 5 تمرات + ملعقه عسل ( وانصحني لو اكل صدرين او صدر للفائده اكثر , اقصد بالصدر يعني نصف الصدر طبعا اليمين او اليسار ولكن نحن نسميه صدر مانسميه نص صدر )
4- قبل لا اروح النادي بنص ساعه اخذ لي حبتين امينو وبعدها اروح النادي وارجع على طول اشرب البروتين ايزو 100 + حبتين امينو + صدر دجاجه مشويه او تونه الي بالماي او سندويش بيض مفور , وبعدها بربع ساعه 5 تمرات + كوب حليب خالي الدسم + ملعقه عسل ( ارجع من النادي الساعه 7 او 7 ونص )
5- قبل النوم اشرب ايزو 100 + حبتين امينو + ملعقه عسل ( انام على الساعه 10 تقريبا )


واتمرن 5 ايام , واليومين راحه العب فيهم 30 دقيقه مشي او 20 دقيقه و تمارين البطن 500 تقريبا


وعلى فكره مااكل شوفان لان فيه نسبه فات عاليه !


هل جدولي الغذائي تمام ؟ + شو ممكن اضيف له عشان يتحسن او يصير افضل ؟


( اخر شي شو الكارب البسيط والكارب العالي وكارب بطيء عالي , ماعرفت الفرق بينهم )


واسف لاني مضيع وقتك لكن جعلها الله في ميزان حسناتك والله

يالغالي انت تنشششف وتسستخدم ايزو ١٠٠ وامينو ٢٢٢٢

مافهمتك ؟ يعني لصالحي ولا لضدي !