كنا متواصلين أكثر !!!

http://www.arabseyes.com/vb/uploaded...1178383593.gif

هاذي اول مره اكتب في العام فحبيت أكون موجوده هالشهر في القسم ^.^
أحب في البدايه اقول اني دايما أفضل اكتب بالعامي...ادري ان الاغلب هني عالفصحى...لكن المواضيع اللي فيها نقاش أرتاح أكتبها عادي
عشان اعبر بسهوله اكثر...ان شاء الله يكون كلامي مفهوم ^^

http://lol.net/c/whatsapp-messenger-iphone.jpg

السالفه وما فيها اني اجوف عندنا ألف طريقه للتواصل: مسنجر - واتس اب - تويتر - فيس بوك - لاين............الخ
لكن الشي الغريب ان كل ماتطوّرت وسائل التواصل وكثرت الناس تبتعد عن بعضها أكثر @@

يعني لو نقارن معارفنا بمعارف امهاتنا واباءنا...هم يعرفون عيال المنطقه اللي ساكنين فيها كلهم
وعلى تواصل مع الاهل واهل الاهل واهل اهل الاهل ونسايب الاهل...الخ
اما احنا يادوب نعرف بيت جدنا وعمامنا وخوالنا وعيالهم لو مب كلهم

اباءنا ما كان عندهم الا تليفون ارضي....واحنا عندنا كل شي ولو تسأل عن احوال شخص السالفه ما تاخذ الا ثانيه ترسل مسج وهو يرد عليك متى ما يفضى
عكس التليفون العادي اللي يكون في الصاله مثلا تنتظر يرن وترد الام وتنادي لك على فلان ولازم يترك شغله ويجي يكلمك...ربع ساعه او نص ساعه عالاقل لين تخلص السالفه وتقفل التليفون
بس فعلا على كل هذا كانت الناس تسأل عن بعض...الحين لما تكتب مسج هذا بس اللي فيه الخير يرد...الاغلب ماله نفس ويترك الرساله تولي >_>

فأستغرب...شلون على كل هالتسهيلات اللي عندنا بدينا نبتعد عن بعض؟؟؟؟ @__@
يعني بالنسبه لجيلي...ايام اللي كان عندنا جوال ومسنجر كنا متواصلين مع ربعنا (اصدقاءنا) اكثر
وكل يوم سوالف نص ساعه ساعتين او اكثر O.o
عالواتس اب الحين ما نقدر نفتح موضوع...ولو فتحنا واحد ينقفل في سطرين
وما نرجع نتكلم الا بعد كم يوم >_>





https://si0.twimg.com/a/1349074900/i...rd-callout.png

شلون تجوفون حياتكم مع وسائل التواصل الحاليه؟

السلام عليكم ورحمه الله وبركاته
فعلا كل الل قولتيه اراشى حقيقى وفعلا بنبعد اوى
انا اكتشفت ان الوسائل دى بتعلم الانطواء عن الناس والمجتمع
مش التواصل اكتر
تقبلى مرورى
ابنة الحريه

يعطيج العافيه ابنة الحريه ^.^

عجبتني هالجمله

اقتباس:

---

انا اكتشفت ان الوسائل دى بتعلم الانطواء عن الناس والمجتمع

---

العجيب ان اسمها "وسائل تواصل" لكن الحقيقه هي "وسائل انطواء"
يعني الواحد يصير انطوائي لما يكلم الناس...العكس تماماً O.o

شكرا لك اختي على هذا الموضوع الجميل

وفعلا انا معاك في كل كلمة قلتيها
واتمنى ان نرى المزيد من المواضيع القيمه

كنت افكر في هالموضوع قبل يوم او يومين >>>> يتأمل ويفكر كثير :33:

اتذكر لما كنا صغار قبل لا تفتح المدرسة بأيام نكون متحمسين نشوف اصدقائنا وخاصة اننا ما نشوفهم الا في المدرسة
ما كان عندنا شي نتواصل به عدى التلفون الارضي مو مثل الحين كل واحد موبايله في مخباه ( جيبه )

الحين عندنا الفيس بوك والمسن والتويتر والبلاك بيري بس التواصل صار اضعف يمكن بس في المسجد ... السلام عليكم .. وعليكم السلام فقط
من كثر القطاعة الواحد ما يعرف الثاني ويشوفه تغير وصار شخص ثاني

عكس اهالينا يعرفون فلان وابوه واهله وشو يقرب له

وعليكم السلام ورحمة الله وبركاته

الواتسب عمل نقلة من ناحيه التواصل. ضغطة زر وانت مع من تحب
والجميل فيه انك تستطيع ان ترسل في اي وقت عكس الاتصال والاجتماع فله أوقات محددة لانتجاوزها
يعطيكي الله العافيه اراتشي

وسائل التواصل اللي انتشرت السنتين اللي راحت على كثر مميزاتها
الا ان لها جوانب سلبية كثير

زمان كان الواحد ما يقدر يعرف اخبار الثاني ولا اي شي عنه
إلا من فترة لفترة , فكنا نشتاق لبعض و نبغى نعرف اخبار بعض بلهفة
عشان كذا كنا مترابطين و متواصلين بقوة

الآن صار بإمكاننا نعرف اخبار بعض و كل صغيره و كبيرة تحصل معنا
عن طريق تويتر او فيسبوك او غيرها بضغطة زر !

فما في حاجة اني اتصل على فلان او ازوره عشان اسأله عن حاله و آخذ اخباره
لأنها توصلني اول بأول بدون ما اكلمه

وعـلـيكـم الـسَّـلام ورحـمـة الله وبـركـاتـه

اقتباس:

---

هاذي اول مره اكتب في العام فحبيت أكون موجوده هالشهر في القسم ^.^

---

حـيـّاك الله ، يـسـعدنـا تـواصـلك بالقسـم العـام


وحـبـذا لـو يـستـمـر عطـائـك ومـنـاقشـاتـك هـنـا دائـمـا http://yoursmiles.org/tsmile/rulez/t2007.gif

فـي البدايـة أنـا اخـتـرت التـصـويـت الثانـي لأسـباب كـثـيـرة


طـبـعـًا التـواصـل مـع الأهـل والنـاس سـابقـًا كـان بالنـسبـة لـي عـادي طـبيعـي جـدّا


لكـن مـع وجـود وسـائـل التـواصـل الحـديثـة مـثـل الـواتـسـاب صـار التـواصـل أفـضـل


مـع أنـّي أكـره أشـوف التـواصـل كـلّـه ينـحـصـر فـي مـربـّع حـوار ومـجـرّد تـبادل حـروف


قـبـل سـنـوات كـان للتـواصـل طـعـم ونـشـاط خـصـوصـًا تـجـمـعنـا الأسـبـوعـي فـي المـجـالـس


لكـن للعـلـم هـذا النـوع مـن التـواصـل صـعـب .. يـعنـي واحـد أو اثنـين مـن أيـّام الأسبـوع نـجـتـمـع


هـذا مـع الأسـرة والأصدقـاء .. أمـا مـع الأقـارب الاجتمـاع يكـون غـالبـًا بـعـد شـهـر أو أسابيـع


حالـيـًا مـثـل مـا قـال الأخ حـجـر أسـاس :

اقتباس:

---

ضغطة زر وانت مع من تحب

---

وأتــذكــّر كـيف كـنت أكـره الـواتـساب مـن طـريقـة الاستـخـدام الخـاطـئـة عـنـد كـثـير مـن النـاس


واتـضـح لـي فـجـأة الكـل اتـجـه لـهـذا النـوع مـن التـواصـل .. جـرّبتـه وتـأقـلمـت ونـوعـًا مـا أحـببتـه .

السلام عليكم ..
شح موارد الاتصال جعلنا اكثر تواصلا مع الاقرباء و الاصدقاء ؛
كما ذكر الان هذا الكم الكبير من وسائل الاتصال جعلنا اقل اهتماماً
و اصبح تواصلنا مجرد كبسات على الكيبورد او لمس على الشاشات !
توصال بدون عمق بل سطحي خالي من اي بعد او عمق وبدون مشاعر :33:

اقتباس:

---

واتمنى ان نرى المزيد من المواضيع القيمه

---

تسلم ليون...كل ماخطر على بالي موضوع نقاشي راح اكتبه باذن الله ^^

اقتباس:

---

عكس اهالينا يعرفون فلان وابوه واهله وشو يقرب له

---

عيال خوالي الصغار ما اجوفهم الا مرتين او 3 في السنه....أتعجب لما اجوفهم طولانين متغيرين O.o
ترى انا ألوم الاهل...يشترون لهم هالايباد والجوالات من هم اعمارهم 4 سنين >_>
صايرين كأنهم مرضى نفسيا لا تعابير وجه جزن او ابتسامه ولا شي...مثل هذا >>>> .__.

اقتباس:

---

والجميل فيه انك تستطيع ان ترسل في اي وقت عكس الاتصال والاجتماع فله أوقات محددة لانتجاوزها

---

هذي ميزه صح...مع زيادة اوقات العمل والزحمه وضيق الوقت صعب انك تتصل في الناس واحد واحد او تزورهم
بس يظل سماع صوت الشخص ورؤيته أفضل وسائل التواصل...الكتابه تحسسك كأنك تكلم كبيوتر مب انسان (ماقصد في كل الحالات طبعا ^^")

اقتباس:

---

---

اقتباس:

---

فما في حاجة اني اتصل على فلان او ازوره عشان اسأله عن حاله و آخذ اخباره
لأنها توصلني اول بأول بدون ما اكلمه

---

توصل وما تكلمه وهو بعد مايدري انك مهتم تقرا أخباره -___-

اقتباس:

---

وحـبـذا لـو يـستـمـر عطـائـك ومـنـاقشـاتـك هـنـا دائـمـا http://yoursmiles.org/tsmile/rulez/t2007.gif

---

احتمال أقتحم القسم بعد :biggthump

اقتباس:

---

لكـن للعـلـم هـذا النـوع مـن التـواصـل صـعـب .. يـعنـي واحـد أو اثنـين مـن أيـّام الأسبـوع نـجـتـمـع

---

بس والله يكفي...تخيل في هاليومين ايش كثر نسالف ونتكلم @@
الحين السوالف تخلص في الواتس اب ولما نتقابل مافي شي نقوله

اقتباس:

---

واتـضـح لـي فـجـأة الكـل اتـجـه لـهـذا النـوع مـن التـواصـل .. جـرّبتـه وتـأقـلمـت ونـوعـًا مـا أحـببتـه .

---

انا نفس الشي كنت أكرهه قبل XD

اقتباس:

---

توصال بدون عمق بل سطحي خالي من اي بعد او عمق وبدون مشاعر :33:

---

وحتى صار للتسليه مب لتأدية الواجب :ponder:

بصراحة موضوعك جميلhttp://arabic.rt.com/forum/imagehost...1330644353.gif
ارشا الرقيقة
والحق غاليتي ان الود والزيارات الناس بعضها البعض ندرت
ولا حتي في المناسبات مثل زمان
فالتغير والتليفون والنت اصبحت اداة لقتل هذا الود الذي كان
وياليت بقي الحال علي ماكان عليه بزيارة الاحباب بعضهم البعض
والاهل والجيران ذي زمان
http://arabic.rt.com/forum/imagehost...1330644353.gif

^^^^
تسلمين على كلامج الطيب ^_^
وصح...الزيارات صارت بس في مناسبات معينه والبعض حتى ما يلتزم فيها -__-

انا اصلا اكره هاذي الوسائل كلها و اجهل سبب تعلق الناس بها
على كل تم التصويت
و شكرا

^^^^
في البدايه حيبت بعضها بس سرعان ما مليت منها...فعلا شي غريب تعلق الناس فيها :28:

اولا شكرا اختي أراشي على الموضوع الطيب.
ثانيا بالنسبة لوسائل الإتصال تنوعت و كثرت و لكن لا اعتبرها مقياس لتنمية العلاقات بين الناس.
هي مجرد وسائل تسهل عملية التواصل مثلا عوض تكبد عناء السفر نكتفي بالإتصال .
انا ارى انها ساهمت في تقليل تواصل الناس مباشرة و اصبح كل واحد منكب على الجهاز و لا يدري بالعالم الخارجي .
و في نفس الوقت أصبحت ضرورية لا نستطيع العيش بدونها , مثلا انا اعيش بالغربة لا اقدر اشوف اهلي كل شهر لهذا اعتبر النت رحمة بالنسبة لي
على أقل اشوف امي و إخوتي عن طريق النت و تخفف عليا ألام الغربة و الوحشة لوالديا و إخوتي .
في النهاية لكل وسائل التكنولوجيا نواحي إيجابية و اخرى سلبية لذا ممكن ان نقول وسائل الإتصال نعمة من ناحية تخفيف مصاريف التنقل و عناء السفر
و نقمة لانها تنمي فينا الكسل و عدم تواصل الارحام مباشرة .