شرب البروتين بعد تمرين الحديد مع البطن

معلومات المتقدم بالاستفسار :
العمر : 18 , الجنس : ذكر

الطول :170 متر
الوزن : 68 كيلوجرام



و الاستفسار كالتالي :
السلام عليكم



الحمدالله اخواني والله اشكر اعضاء هالمنتدى مررررره على مساعدتهم لي , والهل ماانكر هالجميل استفدت من الكل وسألت كثير واعرف لان كانت خبرتي بسيطه جدا وللحين بسيطه ولكن اكتسبت خبرات منكم وتعلمت الكثير والحمدالله .. الفضل لـ الله ثم لاعضاء المنتدة الكرام :)



بس عندي استفسار بسيط ,


انا اتمرن بطن فالاسبوع من 3 لـ 4 مرات بالكثير , وطبعاً يوم تمرين البطن العب بطن كامل , والعب اكثر من 5 تمرات وتكرارات عاليه توصل لـ 20 تقريبا والحمدالله مرتاح بهالطريقه , وانا عن نفسي حبيت البطن كثير اخر فتره لان عندي كرش صغير وناوي اشيله , المهم مابطول عليكم , انا اكمل في تمارين البطن حوالي 45 دقيقه ( لان التمارين كثير ومتجزئه وانوعها دائما )



وطبعا قبل تمرين البطن يكون مثلا تمرين عضلتين نفس ( صدر باي او ظهر تراي او ...... ) بهالطريقه

وبعد تمرين البطن امشي 20 دقيقه او 15 !



استفساري كالاتي , عندي مكمليت الـ واي بروتين قولد ويقولون طبعا معروف انه سريع الامتصاص , والعضله محتاجه البروتين في اسرع وقت بعد ماتخلص تمرين


طيب الحين لو خلصت تمرين الحديد للعضلتين مثلا الصدر والباي اشرب البروتين واروح العب البطن ؟
ولا كيف ؟


لان البعض قالو لي خلص تمرين الحديد واشربه والعب بطن وبعدين امشي
والبعض قالو بعد تمرين الحديد اشرب نصه والعب بطن وبعده اشرب النص الثاني
والبعض قالي اشرب بعد التمرين كامل ( حديد وبطن )


للعلم : تمرين الحديد ساعه ونص او ساعه وربع , والبطن 45 دقيقه ( يعني كله ساعتين وربع تقريبا )


بانتظار افضل طريقه عشان العضله ماتتعب واوصل لها البروتين في اسرع وقت ( محتاج افضل وقت اشرب فيه , لاني بديت اشك لان صحيح اني اطول في تمارين البطن , ولازم العضله يوصل لها البروتين في اسرع وقت بعد التمرين )



بانتظاركم الله يخليكم

والله من ناحيتي انا اشوف انك تلعب بطن كثير ..ووقتها كثير بعد التمرين ..
عشان تستفيد من التمرين ..اذا ناوي ضخامه ..لازم تخلص التمرين في اسرع وقت ..
ونصيحتي لا تلعب البطن باليوم اللي تلعب فيه عضلتين ..
العبه بعد تمارين الاكتاف ..لانها تقريبا تخلص بسرعه
وحاول تمرين الحديد كله ..مايتعدا 60 دقيقه ..يعني 60 دقيقه في صالة الحديد واطلـع منها ..
والبطن العبه مرتين في الاسبوع ...يوم الراحه ..ويوم الاكتاف

والبروتين اشربه اول ماتخلص من السير
وبعده بعشرين دقيقه وجبـة الاكل ..العشاء

واسمع الاراء الثانيـه
موفق

بعد ماتخلص من تمارينك (الحديد والبطن) ، خذلك الواي بروتين

انزين اخواني ماتحسون ان وقت البطن طويل , وانا متعود ع هالوقت

يعني مع تمارين الحديد بيكون الوقت طويل مره وبهالوقت بيكون خلاص يعني مااضن بحصل الفايده المطلوبه , لان لازم اشرب البروتين على طول !



بانتاظر الاراء الاخرى

المفترض إذا انت بنظام ضخامة مايتعدى تمرينك كله على بعضه ساعة وربع كاقصى حد
يعني مثلا من 45 - 50 دقيقة تمارين الحديد ومن 15-20 دقيقة تمارين البطن وخذا أغراضك وتوكل

بالطريقة والمبالغة اللي انتا مسويها ويسووها كثير من الشباب ماراح يضخم جسمك ابدا