تنظيف الجلد والبشرة بعد الكورسات الهرمونية و ايقاف حب الشباب المزمن

السلام عليكم ورحمة الله وبركاته


أغلب لاعبين الحديد يواجهون الحبوب والتقرحات التي تظهر عالجسم والوجه لعدة اسباب واهمها تحفيز هرمون الذكورة واكل سعرات حرارية عالية
وافضل دواء وجد لحل هذه المشاكل سواء لاعب حديد او شخص عادي او فتاه هو عنصر الأيزوتريتنوين "isotretinoin". وهو عباره عن "ريتنويس اسيد" مستخلص من الفايتمن ايه "A"
الدواء تم اكتشافه عام 1979 وتم تسجيله في وزارة الغذاء والدواء الأمريكية عام 1982
قد تكون اول مره تسمع بالدواء لاكن منتشر من زمان في البلاد الاجنبية وحاليا يستخدموه في البلاد العربيه, اكثر من صديق استخدمه وماشاءالله تقول ركب وجه جديد :silly:
الدواء له عدة اسماء مثل: accutane - xeractan - roaccutane - isotren
هذه صور للدواء وصور ناس قبل وبعد, وصوره للاعب حديد معروف كان يستخدمه


ملف مرفق 355706

ملف مرفق 355711

ملف مرفق 355707

ملف مرفق 355708

ملف مرفق 355709

ملف مرفق 355710



ملاحظات هامة:
1- يتم اخذ الدواء تحت اشراف دكتور وعمل فحوصات كل فترة خلال اخذه لكثرة اعراضة الجانبية! ولاينصح ابدا بأخذه دون اشراف طبي!! وفي حال الشعور بألم يجب الاتصال بالدكتور الخاص فورا.
2- ابتعاد عن الفايتمن A في فترة المعالجة مهم لانه قد يرفع الاثار الجانبية وخطورتها.
3- عدم استخدام اي منتجات تنظيف او تقشير البشرة خلال فترة المعالجه او بعدها مباشرة.
4- عدم التعرض للشمس بصوره حادة "تان او التسمير" خلال فترة المعالجه او بعدها مباشرة.
5- عدم التبرع بالدم خلال فترة المعالجه او بعدها مباشرة.


الجرعات ومدة المعالجة:
يتم أخذ بنسبة 0.5 الى 1ملغ لكل كيلو بالجسم, وتقتصر مدة العلاج على حالة المصاب, عادة مابين 3-6 شهور


الأعراض الجانبية:
- صداع
- اكتئاب
-غثيان
- اضطرابات بالجهاز الهضمي
- جفاف الشفايف (الاكثر ظهورا)
- تشوه الجنين (للنساء)
- ولادات مبكرة (للنساء)
- مشاكل بالسمع والبصر
- آثار جانبية اخرى


بالنسبة للاعبي الحديد:
- يمنع اخذه مع الكرياتين لانه يساعد على تخزين الماء ايضا
- يمنع اخذه مع منتجات حوارق الدهون او المحفزات او الباور او الملتي فايتمن. وبعض الاطباء نصحوا بعدم اخذ الواي او ايزو بروتين.
- يمنع اخذه خلال كورس هرموني او بعده مباشرة.


النتائج:
اغلب الي تعالجو بالدواء ما رجعوله لقوته على ازاله البثور وتصفية الجسم من الندب القديمة (نتائج جبارة)


السعر:
الاسعار تختلف حسب تركيز الكبسوله, فيبدأ سعر الكبسوله من 0.5 دولار الى 3 دولار (مكلف)



الموضوع تحت اشراف المنتدى
أبـــوجوزيــــف

يعطيك العافيه ...الاثار الجانبيه اول ما قريتها جاني اكتءاب هههههه

ماشاء الله كل هذه أعراض جانبية للدواء :

الأعراض الجانبية:
- صداع :blackeye:
- اكتئاب :bigeyes:
-غثيان :boggled:
- اضطرابات بالجهاز الهضمي :32:
- جفاف الشفايف (الاكثر ظهورا) :31:
- تشوه الجنين (للنساء) :cray:
- ولادات مبكرة (للنساء) :cray:
- مشاكل بالسمع والبصر :33:

- آثار جانبية اخرى :blackeye::blackeye::blackeye:

عزة الله هذا سـم مو دواء ، أنا عندي أتم على هذه الحبوب بالجسم ولا اجيب لي كل هذه المصايب :blackeye: ..

000000000000

يعطيك العافية أخوي عمر واصل إبداعك ..

يعطيك الف عافيه اخوي على هالموضوع المهم

بالنسبة للاعراض الجانبية ماشوف فيها شي غريب !
اقرا روشته اي دواء لابد من ذكر الاعراض الجانبيه
والغثيان صداع اكتئاب ومثل هالاعراض نقرأها بشكل ثابت مع كل العلاجات

اشكرك اخي عمر على هالموضوع

RIP ZYZZ :02:

جزاك الله خير اخوي

لكن اسمح لي بمداخله بسيطه انت ذكرت وقلت انه يمنع اخذه مع الكرياتين لانه يساعد على تخزين الماء ايضا !!!

بل العكس طال عمرك الحبوب هذي roaccutane تسبب جفاف للوجه منطقة الشفايف والوجه كاملا يعني يسحب السوايل ولابد الاكثار من الماء وقت استخدام العلاج
وانت ذكرت انه يسبب جفاف وخاصه للوجه معناته يسحب السوائل مايحبسها

وقبل مايستخدم لازم يفحص على وظائف الكبد والدم وغيره

واعتذر على المداخله وجزاك الله خير على الموضوع

الصراحة موضوع كان حاب انزله من زمان لكن سبقني بما اني عضو كسوووووول جدا
طبعا انا مشيت على ايزوتروتنين لمدة شهرين وبعدها وقفت وسبب استخدامي له خشيت كورس تست وبعد ماانتهيت منه طلع حبوب في وجهي بشكل غريب جدا
المهم بعد استخدامه لمدة شهرين شفت ان البشرة لاول مره تستقر في حياتي مايطلع حبوب فوقفت بعد العلبة الثانية مباشرة ومارجعت للدكتور الا بعد شهرين طبعا الدكتور زعل وقال كان ودنا نمشي علية شهرين زيادة بس بما ان بشرتك استقرت فما يحتاج نعطيك مره ثانية
الدواء ممتاز جدا جدا بس له تأثير سلبي على انزيمات الكبد ولازم تسوي تحليل لانزيمات وظائف الكبد بين فتره واخرى وايضا يرفع الكليسترول في الدم فيحتاج تسوي فحص للكليسترول بين فتره واخرى طبعا اعراض الدواء ليست سيئة كما تتوقعها هو يسبب جفاف في الوجهة وخاصتاً في الشفايف فينصح بغسول مرطب و مرطب شفايف .
طبعا في حاجة انا انزعجت منها جدا وهي الأئار اللتي ينتجها جفاف حب الشباب بواسطة هذا الدواء ( ندبات مثل الحفر ) الان اعمل جلسات لتحسين هذي الندبات وهي في تحسن ولله الحمد ....
الدواء ممتاز جدا كما ذكرت سابقا وسعره في حدود ال 200 ريال بس لازم تحت اشراف طبي وفحوصات من وقت لاخرى . طبعا جلسات تحسين الندبات اراها مكلفة نوعا ما . والجلسة بحدود 450 ريال وتحتاج ع الأقل لاربع جلسات مع بعض الأدوية اللتي تستخدمها لتحسين البشرة .

اي استفسار انا حاضر .

هذا والله اعلم

اقتباس:

---

المشاركة الأصلية كتبت بواسطة بردان1

يعطيك الف عافيه اخوي على هالموضوع المهم

بالنسبة للاعراض الجانبية ماشوف فيها شي غريب !
اقرا روشته اي دواء لابد من ذكر الاعراض الجانبيه
والغثيان صداع اكتئاب ومثل هالاعراض نقرأها بشكل ثابت مع كل العلاجات

اشكرك اخي عمر على هالموضوع

RIP ZYZZ :02:

---

ونسيت :

- تشوه الجنين (للنساء)
- ولادات مبكرة (للنساء)
- مشاكل بالسمع والبصر

قد تكون الاعراض اللي ذكرتها انت عادية ، لكن ردي كان للأعراض المذكورة أعلاه على وجه الخصوص لانها غير عادية وتدل على أن الدواء قوي وله سلبيات كثيرة .

اقتباس:

---

المشاركة الأصلية كتبت بواسطة Booyaka

ونسيت :

- تشوه الجنين (للنساء)
- ولادات مبكرة (للنساء)
- مشاكل بالسمع والبصر

قد تكون الاعراض اللي ذكرتها انت عادية ، لكن ردي كان للأعراض المذكورة أعلاه على وجه الخصوص لانها غير عادية وتدل على أن الدواء قوي وله سلبيات كثيرة .

---

لا مانسيتها انا كنت اقصد فقط الثلاثة المشتركة باغلب الادوية هذا قصدي
ومن ثم لكل دواء بعض الاعراض الاخرى وطبيعي جدا الي اقصده ان الوضع مهو مخيف ,
وايضا حتى مشاكل الحمل مع النساء دائما باغلب الادوية .

اقتباس:

---

المشاركة الأصلية كتبت بواسطة ياضلوم

يعطيك العافيه ...الاثار الجانبيه اول ما قريتها جاني اكتءاب هههههه

---

اقتباس:

---

المشاركة الأصلية كتبت بواسطة Booyaka

ماشاء الله كل هذه أعراض جانبية للدواء :

الأعراض الجانبية:
- صداع :blackeye:
- اكتئاب :bigeyes:
-غثيان :boggled:
- اضطرابات بالجهاز الهضمي :32:
- جفاف الشفايف (الاكثر ظهورا) :31:
- تشوه الجنين (للنساء) :cray:
- ولادات مبكرة (للنساء) :cray:
- مشاكل بالسمع والبصر :33:

- آثار جانبية اخرى :blackeye::blackeye::blackeye:

عزة الله هذا سـم مو دواء ، أنا عندي أتم على هذه الحبوب بالجسم ولا اجيب لي كل هذه المصايب :blackeye: ..

000000000000

يعطيك العافية أخوي عمر واصل إبداعك ..

---

اقتباس:

---

المشاركة الأصلية كتبت بواسطة بردان1

يعطيك الف عافيه اخوي على هالموضوع المهم

بالنسبة للاعراض الجانبية ماشوف فيها شي غريب !
اقرا روشته اي دواء لابد من ذكر الاعراض الجانبيه
والغثيان صداع اكتئاب ومثل هالاعراض نقرأها بشكل ثابت مع كل العلاجات

اشكرك اخي عمر على هالموضوع

RIP ZYZZ :02:

---

الله يعافيكم ويديم عليكم الصحة
وصراحه اشوف مثل ما قال الأخ بردان: أغلب الأعراض الجانبية موجودة بالأدوية الأخرى, ودام انه في جلسات وتحاليل مع الدكتور فانشاءالله ما يصير الى كل خير

للعلم اغلب الي استخدموه ما شافوا الا الجفاف يابويكا ..

اقتباس:

---

المشاركة الأصلية كتبت بواسطة absolutely

جزاك الله خير اخوي

لكن اسمح لي بمداخله بسيطه انت ذكرت وقلت انه يمنع اخذه مع الكرياتين لانه يساعد على تخزين الماء ايضا !!!

بل العكس طال عمرك الحبوب هذي roaccutane تسبب جفاف للوجه منطقة الشفايف والوجه كاملا يعني يسحب السوايل ولابد الاكثار من الماء وقت استخدام العلاج
وانت ذكرت انه يسبب جفاف وخاصه للوجه معناته يسحب السوائل مايحبسها

وقبل مايستخدم لازم يفحص على وظائف الكبد والدم وغيره

واعتذر على المداخله وجزاك الله خير على الموضوع

---

كلامك سليم 100% ياخوي
انا انلحست وانا اقرأ بالمقالات لكن الكل اجمع على انك ماتقدر تاخذه مع الكرياتين
بعدل الموضوع, مشكور على التوضيح ياكابتن

ياليت احد المدراء يساعدنا بالتعديل لاني ما أقدر أعدل..

‘

سبق وان استخدمته بفترة كنت متوقف فيها عن ممارسة الرياضة ، نتائجة جبارة ورائعة

من سلبياته سعرة الغالي ، جفاف وتشققات بالشفايف ، احيانا تكون رؤية العينين ضبابية

هذي صورة من الأمام لعلبة الدواء

ملف مرفق 355735

وهنا صورة تبين السعر
ملف مرفق 355736


قبل الاستخدام ضروري جدا مراجعة الطبيب وعمل الفحوصات اللازمـه

انا طلعت لي حبوب مؤلمه جدا ( دمامل كبيره ) من بداية الاكتاف الى نهاية الظهر + الصدر

صار لي ثلاث شهور انام وانا قاعد .. و اغلبها تحول جروح .. والدم يطلع منها على طول

حتى اللبس اعاني منه بشكل ما تتخيلوه


طبعا متابع مع افضل دكتور عندنا .. ووصف لي الـ ( roaccutane )

ومستمر عليه .. فعلآ جاب نتايج حلوه معاي ..

وبالفعل له تأثير قوي على الكبد والكلى والكوليسترول .. وماينصرف لك الا بعد فحوصات كامله

سعره عندنا 275 ريال ..

اكثر شي يتعبني هو الجفاف في الوجه لانه الشفايف تكون ناشفه على طول والمرطب معاك لازم وين ماتروح ومع ذلك يطلع دم


بصراحه الاعراض الجانبيه متعبه جدا لكن ما فيه حل الا هالدوا ..


ما انصح اي احد ياخذه بدون استشاره .. هذا الدوا مو مثل اي دوا ممكن تمشي امورك معاه وخلاص



طبعا اسباب اللي فيني .. الاغلب اتفقوا على انها دهون فالجسم ولازم تطلع .. مع العلم نسبة الدهون عندي 3



حبيت افيدكم .. لان مثل هالتعب والله الواحد مايتمناه حد لـ عدوّه !


بالتوفيق

اقتباس:

---

المشاركة الأصلية كتبت بواسطة 3issa

انا طلعت لي حبوب مؤلمه جدا ( دمامل كبيره ) من بداية الاكتاف الى نهاية الظهر + الصدر

صار لي ثلاث شهور انام وانا قاعد .. و اغلبها تحول جروح .. والدم يطلع منها على طول

حتى اللبس اعاني منه بشكل ما تتخيلوه


طبعا متابع مع افضل دكتور عندنا .. ووصف لي الـ ( roaccutane )

ومستمر عليه .. فعلآ جاب نتايج حلوه معاي ..

وبالفعل له تأثير قوي على الكبد والكلى والكوليسترول .. وماينصرف لك الا بعد فحوصات كامله

سعره عندنا 275 ريال ..

اكثر شي يتعبني هو الجفاف في الوجه لانه الشفايف تكون ناشفه على طول والمرطب معاك لازم وين ماتروح ومع ذلك يطلع دم


بصراحه الاعراض الجانبيه متعبه جدا لكن ما فيه حل الا هالدوا ..


ما انصح اي احد ياخذه بدون استشاره .. هذا الدوا مو مثل اي دوا ممكن تمشي امورك معاه وخلاص



طبعا اسباب اللي فيني .. الاغلب اتفقوا على انها دهون فالجسم ولازم تطلع .. مع العلم نسبة الدهون عندي 3



حبيت افيدكم .. لان مثل هالتعب والله الواحد مايتمناه حد لـ عدوّه !


بالتوفيق

---

الله يقويك ياوحش وانشالله تحصل الشفاء الدائم, واحد من الشباب استخدم نفس الي تستخدمه ونفس الشي عانى من الأعراض الجانبية, اكثر منتج يمدحونه xeractan ولكن حسب ما سمعت انه مقطوع عندكم