معلومات المتقدم بالاستفسار :
العمر : 23 , الجنس : ذكر
الطول :171 متر
الوزن : 85.2 كيلوجرام
نسبة الدهون : 12.9
و الاستفسار كالتالي :
http://www.montada.com/showthread.php?t=654134
بعد أسبوع كامل من قراءة موضوع بوراشد القيم و الإستفادة و الثقافة اللي حققها لي ..
انا ناوي لخطة مبدئية لمدة 6 شهور بإذن الله أحقق فيها نتائج أولية و من بعدها راح أستمر للتطور و هالامور و أقسم جسمي ..
صورة كرشتي أقدر احطها ؟ ولا ممنوع لأن ما جفت شي يتكلم عن هالموضوع
( للأشخاص اللي جافوا كرشتي ) هل هذي الكرشة عبارة عن جلد نتيجة السمنة ؟ ولا دهون و بتروح بالتمارين اللي موجودة في موضوع بو راشد ؟
شخصياً أقدر اروح الجم كل يوم ماعدا الويكند (الخميس و الجمعة و السبت ) فهل علي تغيير جدولي ؟
بالنسبة لتمارين البطن تكون في كل الايام اللي بروح لها صحيح ؟ و هل لازم اسوي التكرار ورا بعض ولا عادي أستريح شوي لأن ما اعتقد بقدر أسوي كل التكرار مرة وحدة بدون توقف و خاصة أنا في بدايتي
الحين المطلوب كارديو لمدة (؟؟) دقيقة ؟ و
بعده أبدأ التمارين الموجودة في موضوع بو راشد صحيح ؟
بالنسبة لليبو 6 بحثت عنه بالإمارات ما حصلته ابدأ . في حد يعرف اشخاص معينين بالامارات ممكن يوفرونه لي بس بأي فتره و كم مرة لأن مب واضح كثير ممكن أخذه ؟
سمعت أن آخر وقت ممكن آكل فيه عشا يكون قبل الساعة 8 هل هذا صحيح ؟
أنا شخص عزابي ، جدولي الغذائي بسيط لأن ما عندي وقت أطبخ
الصبح ( اناناس _ سلطة فواكه + مناقيش جبن )
الغدا يكون شوربة بحرية أو اي نوع من الشوربات
و العشا يكون عبارة عن مشويات ( دجاجة عالفحم او كباب و هالامور )
هذي مو حمية لكن ما عندي وقت أطبخ و ما اعرف مطاعم زينه في المنطقة اللي انا فيها فهل هالجدول محتاج تبديل ؟
ببدأ بالجم و اخلص تمارين البطن و الكارديو و بعدها بدخل سبا .. هل هذا مفيد ولا ماله داعي ؟
انا الحين همي بس اشيل الكرشة واشيل كل الدهون من جسمي أشدها لمدة 3 شهور أستمر فيها على تمارين البطن و إن شاء الله أقل ، بعدها أبي أبني عضل بدون دهون ( تقسيم ) و راح نتكلم بالتفصيل حزتها و ناخذ شو نحتاج بوقت ثاني إن شاء الله من أخلص من الكرش
أتمنى ما اكون مزعج بالموضوع ببدأ جدياً من الاسبوع القادم ... 3 شهور و راح تجوفون فرق كبير ..
http://www.montada.com/showthread.php?t=654134
