أرجو من الكباتن يقولو رايهم ب الجدول الغذائي

معلومات المتقدم بالاستفسار :
العمر : ٢٢ , الجنس : ذكر

الطول :١٨١ متر
الوزن : ٨١ كيلوجرام



و الاستفسار كالتالي :
اليوم جبت نظام غذائي من المدرب ،

وجبة ١ : ١٠٠ جرام شوفان كويكري + ٨ حبات بياض بيض

وجبة٢ : ٢٥٠ صدور دجاج او سمك او لحم بدون دهون ، على الفحم أو مسلوق + رز ابيض أو مكرونة أو بطاطس + سلطة بدون زيت

وجبة ٣: تونة بالماء + سلطة بدون زيت + تفاحة

وجبة ٤ : ٣٠٠ جرام صدور دجاج او لحم بدون دهون او سمك ابيض على الفحم او مسلوق + سلطه بدون زيت + تفاحة + عصير برتقال طبيعي بدون سكر

وجبة ٥ : تونة + سلطة خضراء بدون زيت + تفاحة


طبعاً المدرب لما عطاني الجدول ما قلت له اني بستخدم مكملات ، عشان ما يجبرني اخذ منه لانه يبيع ب اسعار دبل ، ف عطاني هالجدول ، لما اكون استخدم امينو زي ماقلت ٢ حبة بعد كل وجبة و ٣ قبل و٣ بعد التمرين + البروكومبلكس سكوبين مع موياء بعد التمرين ، أمشي على نفس الوجبات ال ٥ او انقص منها ؟

ان كان فيه تعديلات علموني .. وطريقة استخدامي للأمينو والبروكومبلكس كمية كافيه ولا زيادة وشكراً لكم ، انا بديت من اليوم بالمكملات أبي ردكم لو سمحتو

اخوي كم صار لك تلعب +كم نسبة الدهون .... لانك اذا انت مبتدا الجدول هذا ما ينفع لك

اهلا فيك اخوي ، كد لعبت مدة ٥ شهور تقريباً من دون اي مكملات وأي نظام غذائي ، قطعت تقريبا ٧ شهور ، والحين لي ٣ شهور تقريبا اتمرن .. عندي نسبة دهون أتوقع فوق ٢٠ لان جسمي مو ناشف

اخوي دام نسبة دهونك فوق ال 20 انصحك تنزل النسبه ل 12 او عشره بعدين ابني عضل .. لان الجدول هذا راح يزيدك دهون (اجباري ) ..وبعدين اذا كانت نسبة دهونك مرتفعه اكيد مستوى هرمون التست بجسمك راح يكون نازل وراح تلقى صعوبه شوي في بناء العضل ...اذا ما تبي تنزل وزنك ..ابني عضل لكن صافي

انا ما حسبت نسبة دهوني صراحه بس جسمي أحتاج ابنيه عضل عشان يشد لي الجلد اللي مترهل ولا نسبة الدهون ما ادري عنها بس وانا اقدر اثبت على جدول واتبع نظام قاسي واقطع كل شي مسبب للدهون بس اهم شي ابني العضل اللي يشد لي الترهل اللي حصل بالجلد .

http://www.montada.com/showthread.ph...021&highlight=

هذا موضوع كنت حاطه قبل سنة ، موجودة فيه صورة جسمي في خامس رد .. نفس ماهو الحين تقريباً لكن تغيير للأفضل بنسبة بسيطه ، أرجو انك تتطلع عليه

طيب اخوي دامك تبي تبني عضل على شان تشد الترهلات ..ضخم صافي قد ما تقدر لمدة 6 او 8 شهور بلكثير وبعدين قسم وراح تشوف نتايج حلوه ...وانا شفت الصوره .. (تضخيم صافي )..خل المدرب يرتب لك جدول ..وحطه على شان نطلع عليه

تسلم لي عالخدمة تعبتك معي ، وعطيتني دافع كبير تسلم ومشكور ، بس مثل ما انت عارف المدربين ب الصالات خصوصا بالاندية الكبيره ، يهتمون انهم يكسبون فلوس من أصحاب الكورسات ( الابر ) ، هو زين منه يعطيني جدول ويغيره لي كل شهر والجدول الغذائي عطان اياه بعد مده كل شوي يصرفني ، عشان كذا انا مالي الا الله ثم انتم :(

العفو ... بلنسبه لي والله ما جربت التضخيم الصافي ..خخخ تضخيمي شغل جامد ..بس حاول تبعد عن الكربو هيدرات من المغرب وورى ...واقطع السكريات .. بلنسبه للكربوهيدرات خلك على البطاطس والرز المسلوق +الشوفان
وكل وجبه حاول تخلي فيها صدرين دجاج شوي او تونه او بياض بيض +مصدر من مصادر الكربوهيدرات اللي ذكرتها لك ... وان شاء الله اهل الخبره يفيدونك اكثر ..لان بصراحه ما احب اعطيك شغله ما جربتها
لكن هذا اللي اعرف من تجارب بعض الاخوان

اقتباس:

---

المشاركة الأصلية كتبت بواسطة ياضلوم

العفو ... بلنسبه لي والله ما جربت التضخيم الصافي ..خخخ تضخيمي شغل جامد ..بس حاول تبعد عن الكربو هيدرات من المغرب وورى ...واقطع السكريات .. بلنسبه للكربوهيدرات خلك على البطاطس والرز المسلوق +الشوفان
وكل وجبه حاول تخلي فيها صدرين دجاج شوي او تونه او بياض بيض +مصدر من مصادر الكربوهيدرات اللي ذكرتها لك ... وان شاء الله اهل الخبره يفيدونك اكثر ..لان بصراحه ما احب اعطيك شغله ما جربتها
لكن هذا اللي اعرف من تجارب بعض الاخوان

---

شكرا لخدمتك والله يحقق لك اللي ببالك