رأيكم في كورس المكملات الي اخترته للضخامة

معلومات المتقدم بالاستفسار :
العمر : 25 , الجنس : ذكر

الطول :182 متر
الوزن : 70 كيلوجرام

نسبة الدهون : 18 %

و الاستفسار كالتالي :
السلام عليكم اخواني الكباتن .
انا تقريبا صار لي سنة ونص اتمرن حديد بس مو متواصلة يعني استمر لي 6 شهور وبعدين اقطع وبعدها شهرين واقطع ، المهم انا الان صار لي شهر من رجعت تمرين والحمد لله احس مستواي رجع مثل اول اشيل اوزان
بس لان في فترة ماكنت قاطع ماكنت اتمرن ولا اكل زين فنسمت خخخ

حاب اخد رأيكم في مجموعة المكملات الي اخترتها عشان ابدأ فيها كورسي الجديد ، طبعا الهدف ضخامة
1- واي بروتين قولد استاندر --> فقط لبعد التمرين
2- برو كمبليكس قينر --> الصباح + قبل التمرين بساعة + قبل النوم
3- امينو انيرجي --> قبل التمرين اسكوبين + وبعد التمرين اسكوبين
3- جاك 3 دي --> قبل التمرين بنصف ساعة (بس مادري كم اسكوب استخدم)
4 - انترا فول --> اسكوبين ، او اكستند ! اثناء التمرين

فماهو رأيكم بهذا الكورس ؟؟ هل اثبت عليه او اشيل شيء او اضيف شيء
وبالنسبة للاستخدام الي ذكرته اوكي ؟ او لا ؟

وشكرا

وعليكم السلام والرحمة

البروكمبلكس قينر من افضل البروتينات ,, وافضل وقت لاستخدامه بعد التمرين مباشرة
الواي بروتين مايحتاج تاخذه واذا اخذته تاخذه سكوب صباحا مع الشوفان كاوجبة سناك

الامينو اينيرجي والانترافول او الاكستند كلها احماض امينية وواحد منها يغني عن الاخر , الامينو اينيرجي يزيد عليهم بتواجد الكافين مما يتعارض مع استخدامك مع الجاك , فالافضل تختار بين الاكستند او الانترافول
وعلى فكرة ترا لو شريت اكستند لحاله وخذيت قبل التمرين وبعد التمرين وخلال التمرين , نفس الشي اذا شريت الاينيرجي والاكستند واستخدمت بطريقتك .. كلهم امينو بس اختلاف شركات

كورسك ممتاز بس برايي لو تكمل بدون مكملات باور والله افضلك .. لانك للان بسهوله ممكن تتطور باوزانك ومايصلح تتعود على الاوزان بمكملات الطاقة
انا برايي تاخذ كرياتين صافي بدلا عن الجاك افضلك

وان شاءالله موفق

معنى كلامك يعني الانيرجي والانترافول والجاك نفس المفعول ؟
الاكستند والانترافول مو قصدي بخذهم مع بعض ، كنت محتار بين ذا ولا ذا
بالنسبة لمكملات البور انا استخدمت من قبل السوبر شارح وانمال استاك فحبيت اجرب غيرهم هالمرة
عموما اشكرك على تعليقك اخي بردان1
وفيك الخير

لا اقصد الانيرجي والانترافول والاكستند هم الي نفس بعض كلهم احماض امينية
تختار بينهم واحد
اما الجاك فيختلف عنهم بحكم انه مكمل طاقة
لكن قلت ان الانيرجي يفترض انك ماتاخذه مع اي منتج طاقة لان الامينو اينيرجي مضاف له كافيين .. وهالشي راح يسبب لك ضغط

والانيمال ستاك محفز وليس مكمل طاقة

اها الحين فهمت عليك :) ،، تسلم اخي بردان