http://roro44.com/card/piccard/arabromance/arsel.jpg
يادار وين اللي احبه وانا وين
في غربتي والشوق عذب فؤادي
ياليتني طير واملك جناحين
باطير للغالي وبوصل بلادي
مسكين قلبي هزه الشوق مسكين
والجفن من فرقاه فارق رقادي
من يوم ودعته وانا ساهر العين
ماطاب لي نومي ولا طعم زادي
مشتاق له مشتاق له كامل الزين
واكيد هو مثلي من الشوق غادي
يارب ياجامع قلوب المحبين
اسألك تجمعني بغاية مرادي
كل يوم قلبي عايش بين نارين
نار الجروح ونار فرقى ودادي
مدري متى برتاح من غربة البين
وارجع لمحبوبي واعود بلادي
منقول
قصيدة راقت لي اتمنى ان تعجبكم
