عرض للطباعة
معلومات المتقدم بالاستفسار :
العمر : 18 , الجنس : ذكر
الطول :174 متر
الوزن : 79 كيلوجرام
و الاستفسار كالتالي :
السلام عليكم شباب
شباب ابي اعرف وش افضل الاطعمة للاعب كمال الاجسام وانا وزني 79 (مو كل الوزن عضل يوجد ننسبة من الفاات) ابي اعرف كم كمية البروتين اللي لازم اوفرها في اليوم وهذي الكمية لازم تكون يعني 5 وجبات او فوق ولا اقدر اوفرها من 3 وجبات بالاضافة الى المكمل وخلاص
وابي اعرف كم نسبة البروتين في هذي الاطعمة
البيض
الدجاج
المرتديلا
وشكرا لكم
وعليكم السلام
افضل الاطعمة للاعب كمال الاجسام اخوي واجد
لكن ابعد عن المقليات ( كل ماطبخ بالزيت )+ النشويات والسكريات ( خبز ابيض وماشابهه من معجنات وغيره والسكريات الحلويات والمشروبات الغازية ووهالامور )
الباقي تقريبا مسموح لكن بحنكة وترتيب
حتى تعرف كم حاجتك من البروتين اضرب وزنك في 2 وخذ اقل منه او اكثر منه بقليل وان شاءالله تكون وفيت النسبة
اما الكاربوهيدرات في مرحلة التضخيم اضرب وزنك في 3 او 4
والتقسيم بالوجبات ضروري تاخذ بالقليل 5 وجبات مقسمة + جرعة البروتين بعد التمرين
البيضة الواحدة متوسطة الحجم تقريبا فيها 7 قرام بروتين ( البياض 5 قرام ) تقريبا
الدجاج 20% بروتين ويختلف اهم شي الصدر
المرتديلا ماعندي علم بس لاتعتمد عليه خفيف بالبروتين لانه مضاف له بهارات وامور ومواد حافظة وغيره
موفق