شحنه البودي بلدنق بالرياض

معلومات المتقدم بالاستفسار :
العمر : 16 , الجنس : ذكر

الطول :171 متر
الوزن : 80 كيلوجرام

نسبة الدهون : 19%

و الاستفسار كالتالي :
السلام عليكم مساكم الله بالخير ..

اخباركم عساكم طيبين ^__^

معاكم خالد .. العمر : 16 سنه لعب الحديد من سنتين ولله الحمد

ناوي ادخل بكورس بروتينات وابي رايكم !! بس عندي كم استفسار
انا بشتري من الموقع الشهير بودي بلدنق ..

هل الشحنه توصل !! واذا وصلت وين احصلها او وين استلمها بالأحرى

الكورس عباره عن ..
--------------------------------------------------------
واي بروتين قولد استاندر 100% 5 Lps
كازين 2 كيلو
اوبتي مان > فيتامينات
امينو X >> عاجبني الحبه فيها 10 امينو اسيد
كرياتين Universal Nutrition
فيش اويل
نو اكسبلود
--------------------------------------------------------

شرايكم بالكورس حبايبي؟وأنا مو ناوي اخذ كرياتين عشان مايعبي جسمي مياه !! ولو باخذه باخذه فقط قبل التمرين هو والنو اكسبلود

طبعاً سعر الكورس :: $159.99

مع التوصيل $168.97

(( سؤالي الأهم من كل هذا مو بالكورس )) ^_^ الشحنه توصل او لأ لأن خايف صراحه لأن بدفع حول 700 ريال

شاكر لكم

اول شي عمرك صغير على النو اكسبلود والكرياتين ولا تقدر اصلا تستخدمهم كلهم قبل التمرين

ونصيحتي لك اذا وصلت لــ 18 ع الاقل تقدر تدخل مثل هالكورسات

وثانيا بالنسبه للشحن 100% ماراح تدخل

موفق

ماشاء الله تلعب من عمرك 14 شي جميل !
مثل ما ذكر الكوتش لا تدخل بهالأشياء انت جسمك قابل للتطور من غير المكملات الغذائية الفرعيه
تقدر تستخدم الواي بروتين وراح يفرق معاك كثير وانت مو مستعجل على شي خسارة تخسر مرحلة نمو جسمك الطبيعيه واساسها القوي بمكملات يمكن تضرك بهالعمر
بالنسبه لوصول الشحنات صعب توصل الا بالصدفه او اذا تغاضى عنها عامل الجمارك خصوصا اذا كانت الشحنه عن طريق الـ DHL أو البريد العادي هذا اذا ما وصلتك نص مضروبه بسبب معاملتهم السيئه للشحن
الكباتن الموثوقين ماشاء الله في منهم بالرياض وتقدر تتواصل معاهم وينصحوك وتاخذ من عندهم اللي يسرك وبدون تكاليف الشحن اللي مالها لزمه
بالتوفيق

بالنسبه للشحن ان وحظك مرات تخش ومرات تتصادر اذا كانت الكميه بسيطه تعدي
انا اخذت مره النكسبلد علبتين وعدت

ماقصروا الاخوان

ومثل ماقالوا احيانن تمر الشحنة ولكن ماتستاهل المجازفة الا اذا كنت تبي تطلب شي غير متوفر

اما الاغراض الي تبي تطلبها اساسا كلها موجوده هنا وطلبك لها من برا ماراح يوفرلك

لانك تبي تدفع مثل هالمبلغ لشركة الشحنن


وماقصروا الاخوان بخصوص عمرك لاتتعدا البروووتين

انا طلبت علبه انمال ستاك وام ستاك ولي شهرين ماستلمتها :(

انا طلبت اوبتي من فيتامين من شهر 9/2012 والان في 1/2013 والى الان ما وصلني شي اكيد صادروها الجمارك ,,

بعض الاحيان تكون المشكله في شركات الشحن وليست في الجمارك وخاصة الدي اتش ال يضيعون الشحنات او قد يكون في عنوان الشحن وعنوان الفاتوره
فإذا نويت تشتري من برا حاول تتأكد من هذي الامور وتشحن مع شركات كويسه
المشكله البدي بلدنق اغلب تعامله مع الدي اتش