قصتي مع التخسيس مع الصور بالبرنامج اللي مشيت عليه :)

أولا يا جماعه أنا إسمي أحمد نجاتي .. من القاهره - الهرم أو فيصل (( الطالبيه )) عمري 24 سنه ..
طبيعه جسمي تكتسب الدهون بسهوله جدا ووزني كان 130 كيلو وكنت يائس جدا من الحياه واهي صورتي
ملف مرفق 356079
طبعا كان باين عليا الإكتئاب ومربي دقني لإن زياده الوزن جابت ليا حاله نفسيه وحشه وكانت اي حاجه قدامي كنت بأكلها سواء كنت جعان أو مش جعان لحد ما قلت كفايه ولازم اخس وكلمه كفايه قلتها وانا بعيط وانا لما حالتي النفسيه بتكون وحشه كنت بأكل
:silly:
وبالفعل اتبعت نظام غذائي ومشيت واحده واحده واحده لحد ما وصلت وزني من 130 ل 120

ملف مرفق 356080
وكفائت نفسي بإني لازم اطلب اكله وطلبت ساعتها وجبه كنتاكي + بيتزا وبيبسي 2 لتر وسنكرز .. يعني عملت حفله في البيت بس تاني يوم وزنت نفسي لقتني زدت 2 كيلو والاهم من كده ميأستش وكملت واستمريت على نظام الرجيم والدايت لحد ما بقيت 110
ملف مرفق 356081
وكنت فرحان جدا ان الهدوم بدأت تكون واسعه وملاحظين من الجناب وحلقت دقني وعملت دجولاس :09:
ومرت الايام ومشيت واحده واحده وتاتا تاتا وانا استمر واستمر واعافر وشويه يأس على إحباط على زهق على اكل يكون قدامك والإنسان دعيييييف بدأت افهم الدنيا ماشه ازاي لحد ما نزلت ل 100 كيلو
ملف مرفق 356082
ونزلت جبت ليا شويه اطقم بدلع نفسي بيها وبدأت أحس إني إنسان بمعنى الكلمه ومقاسي اختلف من 44 او 46 ل 40 وساعات 38 بالعافيه .. وكملت الدايت وجات عليا فتره نزلت بقى مع الإمتحانات بيكون اكلي قليل وشرب كافين عالي وصلت لحد 95 كيلو
ملف مرفق 356083
والفتره دي بدأت الناس تأخد بالها مني ومن جمالي :biggthump
لحد ما اتشجعت وكملت لحد 85 كيلو واخدت عين جامده اوي وعملت حادثه

ملف مرفق 356084
الفتره دي تعبت بقى وكلي متجبس حتى الحمام اصحابي كانوا بيدخلوني الحمام .. مكنتش عارف البس او اهرش حتى .. فزاد وزني تاني ل 90 كيلو ! :bigeyes: وهنا خلصت كليه وأصريت بعد الكليه وانا داخل عالجيش ! إني أكمل دايت في الجيش !

ملف مرفق 356085
قعدت تقريبا شهرين في الجيش مكمل وبعتمد على الاكل اللي في الجيش اللي مش بيتخن واصحابي كانو مستغربين اني مش باكل اوي بالرغم من التمارين والمجهود الجبار اللي كان بيحصل فينا كجندي في الجيش بس كان عندي عزيمه واصرار
ملف مرفق 356086
ولسه دلوقتي في الجيش بس إتنقلت لحته اقدر اروح واجي كل يوم الحمد لله واخر صوره نزل وزني ل 75 كيلو

وإستمريت تاني لحد ما لقيت وزني وصل ل 70 كيلو بس شكلي تحس إنه معنديش إكتاف وواقع خالص (( هحط الصور بكره إن شاء الله )) ومن هنا دخلت المنتدى وقريت وفهمت وعرفت ولقيت إن لازم انزل جيم واروح اهتم بشكلي وبالفعل اشتريت علبه ليبو سكس بلاك الترا وعلبه امينو وكارنتين وشاي اخضر للقضاء على الترهلات والحمد لله مبقاش في ترهلات خالص (( بقيه الصور غدا عشان ورايا جيش بكره :) )) والحمد لله هكمل عالنظام ده لحد يوم 25 الشهر الحالي مع العلم إن وزني زاد ل 75 أي تقريبا زياده عضل من 70 ل 75 وفي زياده في الوزن بس إنحضار في الدهون وكمان هكمل في التنشيف او الشد للقضاء تماما على الترهلات والحمد لله مع الرياضه او الجيم عامه حسيت ان جسمي اتشد اوي مع العلم اني بقعد من ساعتين ونصف إلى 3 في الجيم .. ! واليوم اللي خلاني اعمل الموضوع اني قست نسبه الدهون عندي ولقيتها 13 % بس مفيش عضلات بارزه مع العلم إن جسمي إتشد كله معادا منطقه اسفل البطن بسبب عضلات البطن السفلي كنت اهملها اوي (( مش بديها حقها)) بكروتها وللموضوع بقيه وارحب بأي إستفسار أو أي كلمه أو أي حاجه سواء هنا او على الفيس !
ahmed reda sewilam
سوال للخبراء
هل الكورس ده هيفدني إن شاء الله ؟
كرياتين (ess لا يعمل ماء على العضله)) + كارنتين + جلتومين إس أر + واي بروتين + امينو
وهو فيه حاجه ناقصه في الكورس ؟
الهدف بناء عضل صافي :)


غدا بقيه الصور + البرنامج

محجوز :silly:

ما شاء الله عليك يا احمد شغل ممتاااز جدا

واكيد زي ما كان عندك العزيمه عشان تنحف راح تبني عضل وتصير وحش باذن الله

ماشاء الله الى الأمام وبالتوفيق , وبصراحة أهنيك على الأنجاز .

بالنسبة لسؤالك ::
كرياتين (ess لا يعمل ماء على العضله)) + كارنتين + جلتومين إس أر + واي بروتين + امينو


تستطيع الاستغناء عن الكارنتين واستبداله بالملتي فايتمين والأوميغا3 . والأهم جدول تغذية مناسب لجسمك من أجل المكتسب العضلي والحد من الدهون .
واذا تبغى تمشي صح زيد عليهم بروتين كازيين ليلا .

تقبل مروري

ماشاء الله فرق صراحه بين الصور شد حيلك وموفق

* ملاحظه : الصوره اللي فيها الدخان اتوقع لو ماكانت موجده افضل

وحش يا احمد ... :)

بس سؤال و الجلد الزائد ؟

واصل والله يسهل دربك باذن الله : )

‘
ماشاء الله تبارك الله

فرق شاسع بين صورتك الأولى والاخيرة ...

من 130 إلى 70 كم شهـر ؟

رآئــع وآصل يابطل .. موفق

رائع ياوحش استمر وان شاء الله تحقق اللى في بالك

وهنا الصوره لما قلت ليكم إن إكتافي وقعت ولقيت نفسي خسيت زياده عن اللزوم اوي وشكلي بقى وحش والفتره دي تقريبا كنت قاطع الأكل بمعنى الكلمه وكنت عايش على عصير تانج بدون سكر وبس !
ملف مرفق 356098
والصوره اللي جايه لما بدأت ألعب جيم واهتم بأكلي وبنفسي وبصحتي مع الإعتماد على وجبه كارب عاليه قبل التمرين وباقي اليوم بروتينات فقط وتم زياده وزني من 70 إلى 75 خلال شهر من الجيم وشغال تنشيف أو شد الجسم ..! وطبعا الدهون كانت تقريبا شبه معدومه !
ملف مرفق 356099

وأخر صوره بتاريخ اليوم وأنا في الجيم ورحت قست نسبه الدهون والحمد لله طلعت من 12 ل 13 % وناوي اكمل عالنظام ده لحد يوم 25 الشهر الحالي وبعدين اخش ضخامه على نضافه ..
ملف مرفق 356100

وهي دي قصه حياتي بإختصار شديد جدا والرد القادم هيتضمن الجدول الغذائي وتمارين ونصائح والأدويه إللي إستعملتها وكل شي ..! :) والردود عالشباب هتكون في الأخر لتنسيق الموضوع ^_^ ..

مفيش غير 3 بس إللي ردو ! :blackeye:

والرد التاني ولا حد شافوا :33:

ماشالله تغيير كامل، موفق ان شالله

الله يوفقك بمسيرتك وتقدمك رائع ..
بالنسبة لترتيب الموضوع محتاج انك تعطي تجربتك العملية كيف كانت يعني تعطينا معلومات عن جدولك الغذائي جدولك التدريبي وتمارينك هنا الاعضاء راح يستفيدو من موضوعك بشكل أكبر ، وأنت كثرت صور مالها داعي اعتقد الصورة الاولى و الاخيرة تكفي لتبين الفرق قبل وبعد .
وشكرا لك .

متماز ما شاء الله عليك
والى الامام انجاز وعزيمه جباره
بس ياليت تعطينا جدولك مع الوجبات وبالنسبه للترهلات في منطقه البطن هل هناك تحسن كبير

كل الشكر لك

بسم الله الرحمن الرحيم
أولا هبدأ أقول كم حاجه كده وبعدين نقول على النظام اللي مشيت بيه ..
من خبرتي او مع كفاحي اكتشفت او أدرجت إن في نوعين من التخسيس وهو اول نوع تخسيس بدون ترهلات وتخسيس بترهلات .. بإختصار لو واحد عاوز يخس بدون أي ترهلات وجسم مشدود لازم يعمل دايت مع رياضه لكن واحد عاوز يخس بس كده ويكون في ترهلات يعمل دايت بس وده اللي عملته واديني مفحوت في الجيم بسبب الترهلات والحمد لله تقريبا مش موجوده غير اسفل البطن بس ومع الوقت وهتروح :) نيجي اوي حاجه لنظام الأكل .. قعدت تقريبا فوق الشهر ونصف اعمل رجيم كميائي وكنت ممشيه كل 5 ايام مش يومين او 3 وبعدين قعدت فتره تانيه اعتمد بس على البروتينات واكل وجبه واحده في اليوم مع إن ده غلط وقعدت اخر فتره اللي هيا كنت بشرب عصاير بس وبدون سكر .. معلش انا عارف النظام الغذائي اللي كنت بعمله غلط بس انا كنت مليان وكان ده مسبب ليا حاله نفسيه وحشه بس بنصح الإهم من ده كله ممارسه الرياضه يا جماعه ونلخص الأتي بكلمتين
شهر ونصف رجيم كميائي
شهر ونصف بروتينات فقط
شهر عصائر فقط !
والأن في الشهر الخامس بعمل شد لجسمي في الجيم ! :)
وكنت بأخد باكت واحد قبل النوم شاي رويال للرجيم
وفي شهر الجيم للقضاء على الترهلات وشد الجسم بأخد ليبو 6 بلاك ألترا + حبوب الشاي الأخضر + كارنتين + ملتي فايتمن + أمينو
وأي أسئله في خدمتكم :)

نظامك قاسي جداً وصعب اتباعه الله يعينك ، بس بالنسبة للايبو ٦ ماسببلك ارق ورعشة وقت النوم ؟