رأيكم فى جدولى التدريبى للرجل

معلومات المتقدم بالاستفسار :
العمر : 28 , الجنس : ذكر

الطول :187 متر
الوزن : 104 كيلوجرام



و الاستفسار كالتالي :
السلام عليكم

بتمرن الرجل بالنظام الأتى وعايز أعرف رأيكم

1- سكوات 5 مجاميع 11 متوسط (الدور الأول بوزن خفيف 12 تكرار تسخين)

2-طعن تبادلى بالبار 3 مجاميع

3- هاك وأنا واقف 7 متوسط 3 مجاميع

4- هاك وأنا جالس 3 مجاميع

5- رفرفة أمامى 3 مجاميع

6- رفرفة خلفى 3 مجاميع

7- سمانة 11 متوسط 3 مجاميع

رأيكم إيه؟وأحب لو حد حيعدل على الجدول يقولى إيه سبب التعديل؟مع العلم إن الغرض ضخامة صافية

وعايز أفهم حاجة بالنسبة للسمانة و السكوات برده

لو أنا بتمرن على شكل 11 فى وقفتى برجلى محتاج أتمرن 7 واسع و ضيق وكدة عشان بشوف حاجات عجيبة فى الجيم و المدرب بيقعد يقول لنا 3 واسع 11 و 3 واسع 7 و3 متوسط 11 و3 ضيق 7 وكدة وانا شايف إن دة انتقام مش تمرين والله أعلم

وفى الرجل 11 و 7 و 8 ومشعارف إيه مدى صحة الكلام دة؟مع العلم انى لما اشوف المواقع الاجنبية مفيش أى سيرة بخصوص 7 و 8 و الكلام دة خالص كل التمارن تقريبا 11 متوسط

فهل فى حاجة تثبت صحة الكلام دة؟وهل الحاجات دى ضرورية؟