الام بعد التمرين والاستشفاء العضلي موضوع للنقاش

كيف حالكم ياشباب عساكم بخير وصحة
في موضوع ودي نتناقش فيه وكل واحد يقول لنا راية وتجربتة مع تذكر ان الاختلاف لايفسد للود قضية :09:
الموضوع هو الاستشفاء بعد التمرين او الوجع اللي يجيك في صدرك بعد تمرين الصدر مثلا ...
انا جربت اكثر من برنامج الي هو 5 ايام بالاسبوع ويومين راحة وجربت 4 ايام وجربت 6 ايام يوم واحد راحة ايام البداية يوم الحماس زايد وجربت 3 ايام و4 ايام راحة ادري كثير بيقولون مايكفي بس انا احب اجرب كل الطرق .... وخصوصا ان ناس خبرة كثير وناس فاهمة قالت لي كل ماتكثر ايام الراحة كل ماتضخم اكثر وصراحة كلامهم صح على الاقل بالنسبة لي صدق انه جا معها فات وفله :09: بس بين علي الضخامه والاوزان كل اسبوع تزيد وهاذا اللي كان هامني وصراحة انا كنت اخربط في الاكل فيمكن هو سبب زيادة الفات ....والمهم الم العضلات بعد التمرين ماعرفته الى لما صرت اريح بقدر كافي
يعني اول لما كنت العب 5 و6 ايام والله ماكنت احس بالم بعد التمرين مافية وجع صدر مافي وجع بالظهر ومافية اي زيادة بالاوزان كل اسبوع اجي ابي ازيد الوزن ماقدر واذا غصبت نفسي وزودت الوزن اسوي التمرين غلط غير الم المفاصل والكوع بس الصراحة يوم كنت العب كثيريعني 5 او 6 ايام كان جسمي مقسم اكثر بس صغير.. وهاذا اللي ماكنت ابية كنت ابي اضخم ابي ازيد اوزان ..... وهو الحمد الله الي صار مع زيادة ايام الراحة
ودي اعرف وش سبب عدم وجود الام العضلات عند اللعب باستمرار وبدون راحة ....واذا احد جرب مثلي يخبرنا عن تجربتة ووش هو البرنامج اللي نفع معه انتظر ارائكم

حلو انك تجرب اكثر من جدول واكثر من طريقه

بالنسبه لألم العضلات بعد التمرين يجي في حالات
يا انك قطعت فترة ورجعت حتى لو كانت الفتره اسبوع
يا انك زدت الأوزان
يا انك زدت التمارين او الجلسات

افضل شي لاحظته للاستشفاء السريع وازالة الألم هو النوم
وأعتقد مافي أحلى ولا أريح من النوم.. لا وببلاش بعد
ولا ننسى الأكل طبعا

تسلم على المرور والتعليق
وفعلا النوم مهم بحاول ازيد فترة النوم
وننتظر اراء باقي الاخوان

الاستشفاء على حسب العضلة ، ومقدار تمرينك فيها !
مثل ما قال أخوي سواء زدت في الوزن أو الجلسات !
مثلا / الأرجل بالنسبة لي أستشفائها تأخذ 4 أيام !
لأنها عضلة كبيرة والاوزان كبيرة ! ، ولكن أهم شيء
هو تمرينك للعضلة ، ألم إذن نتيجة !

السبب بسيط جدا انتا لما كنت تلعب كل يوم العضلة ما بتنمو كويس لما اخدت ايام راحة الالم جاك نتيجة تجديد الياف العضل وتراكم حمض اللاكتيك عالعضلة وهذا شي جيد بس اهم شي ما يكون الم وقت التمرين :)

No Pain No Gain

الالم دليل الفايده من التمرين
يعني حالياا انا اكتب لي يومين متمرن افخاذ وحاس رجولي بتتفجر من الالم
بالنسبة لجدول التمرين انا جدولي كل يوم عضله والراحه يوم واحد , صح متعب بس راح بنتهي بنهاية الشهر

مشكووورين على مروركم وطرح ارائكم
انا اشوف انة الالم مايجي الى لما تعطي العضلة راحة وفرصة للنمو
والدليل اللي يلعب كل يوم ومايريح مايحس بالم بعد التمرين

بس انتبه مو شرط الالم يستمر بعد فترة يختفي بس مو معناته او عضلتك ما تنمو