طريقة استخدام المكملات الغذائيه

معلومات المتقدم بالاستفسار :
العمر : 21 , الجنس : ذكر

الطول :174 متر
الوزن : 64 كيلوجرام



و الاستفسار كالتالي :
السلام عليكم ورحمة الله وبركاته

أنا ان شاء الله ناوي اغير نظامي الغذائي وأستخدم مكملات غذائيه

واي بروتين + أمينو 2222

طبعا قريت في النت كثير عن طريقة استخدام الواي بروتين وللحين ما لقيت الجواب الواضح
ناس تقول 3 مرات ( قبل الفطور وبعد التمرين و قبل النوم )
وناس تقول مره وحده بعد التمرين

فـ ياليت لو أحد يتكرم ويشرح لي الطريقه الأصح
ومتى وقت أستخدام الأمينو

وسؤالي الأخير عن الملتي فيتامين
تنصحوني بنوع معين !!! او اي نوع يكفي بالغرض ؟
مع العلم اني قريت في أحد المنتديات واحد ينصح اني ما استخدم ملتي فيتامين يكون فيه امينو اذا باستخدم امينو 2222

ياليت لو احد يتكرم ويوضح لي .. لاني بديت أتلخبط من كثر الاراء المتناقضه

شكراً
اخوكم زياد

الفرق بين الطريقتين اخوي زيادة
ان الي يستخدمه ثلاث مرات ماعنده وقت بين الوجبات ياخذ فيها وجبة خفيفة فيعوضها بالبروتين او ان وجباته الاساسية مافيها بروتين كافي
لكن انا انصحك انك توفر فلوسك وتخلي البروتين بعد التمرين والامينو 4 حبات قبل التمرين و4 بعد
وعلبة وحدة ماتكفي اقل شي ثلاث علب على فترة 3شهور
اخر نقطة الفيتامين
اوفر لك مر الصيدلية واطلب ديناميزان "ملتي فيتامين" ممتاز جدا وعن تجربة
وبالتوفيق