طريقة اخذ الواي بروتين و الامينو ؟

معلومات المتقدم بالاستفسار :
العمر : 22 , الجنس : ذكر

الطول :175 متر
الوزن : 72 كيلوجرام

نسبة الدهون : ---

و الاستفسار كالتالي :
السلام عليكم

عندي كم استفسار

انا دخلت نادي من شهر تقريبا و و بهالشهر كنت اسوي 15-30 دقيقة كارديو و ساعة سباحة فقط

و اليوم اشتريت Elite whey protein isolate و Amino 2222 Tabs من احد الاخوان في المنتدى و اشتريت زمزمية :D من GNC
و هدفي من البروتين تضخيم اكثر للعضلات لاني تقريبا نحيف مقارنة بطولي

مع العلم اني مافكر ألعب حديد حاليا يعني لياقة و سباحة فقط

دوامي يبدا من 8 الين 5 و الساعة 6 اروح للنادي افطر الساعة 7 و اتغدا الساعة 12 (غصبا عني ) و العشا الساعة 8-9 بعد التمرين

فياريت تفيدوني

كم مرا اخذ البروتين و الامينو و متى ؟ مع العلم اني ماراح اقدر اخذ البروتين معاي الدوام
و عادي اقدر اخذ البروتين ع الريق اول ماصحى ؟
و اقدر اكل موز و تمر قبل التمرين بنص ساعة ولا راح يضرني ؟
و كم ملعقة احط من البروتين ؟

معليش ع الاسئلة الغريبة ^^

وعليكم السلام

اخوي مفهومك عن البروتين خاطئ
البروتين مكمل لوجباتك
تبي تاخذه تقدر ولا راح يضرك
بس ماراح يفيدك ويضخمك ؟ او يفرق معاك بحجم العضل

عضل لازم حديد
سباحه ولياقة فقط ينزل الدهون ويشد الجسم ع الخفيف


تقدر تاخذه حسب نظامك اليومي بالاكل
بحيث انك ماتنقطع عن الاكل او البروتين لمدة 4 ساعات متواصلة

اشكرك اخوي عمر على ردك
الحمدلله اكلي تمام بس ماحس اني ازود جسمي بالبروتين الكافي

طيب اذا لعبت حديد و وصلت للضخامة المطلوبة و رجعت للسباحة مع الاستمرار باخذ البروتين بتصغر حجم العضل ولا لا ؟

و اعتذر مرا ثانية

اخوي هنا تحكم الجينات

فيه ناس فقط سباحة ومع ذلك تلقاه ماشاءالله العضل عنده مرسوم
هنا انرسم عنده الجسم مو من البروتين لا فقط جيناته ساعدته بهالشي لان البروتين مهو شي جديد على جسمك ماراح يتفاجئ فيه جسمك , هو بالاساس يستقبله من الاكل العادي
كذلك خسارة العضل مية بالمية اذا تركت الحديد راح تبدا تخسسر لكن الى اي حد راح تخسر هنا مادري هالشي ايضا يبقى على حسب جيناتك

انا برايي لعبة الحديد لعبة جيدة ومفيده لكل رياضي تقدر تتمرن مرتين بالاسبوع ترا مو شرط دايم تمرين , او حتا تخليه مره واحده بالاسبوع , اذا انت يعني حاب السباحة وماتبي غيرها
بس طبعا كل مابغيت عضل اكثر كل ما احتجت للتركيز ع الحديد اكثر


موفق اخي

صراحة اقنعتني و ان شاءالله راح ابدء بالحديد الاسبوع الجاي و اخليها يومين في الاسبوع و على فكرة ترا احب الحديد بس اللي كان يمنعني من الحديد اني غواص حر يعني تركيزي لازم يكون بالغوص او السباحة لانها اقرب رياضة للغوص الحر

اشكرك مرا ثانية كابتن و الله يسعدك وين مارحت