حاب توصل نسبة هرمون النمو (gh) بلجسم لحد 2000% (بدون هرمون ) ... تفضل !!!!

السلام عليكم ورحمة الله

كيف الحال يا شباب .. باختصار اليوم حاب اتكلم عن برنامج ( IF ) للتغذيه ... تضخيم او تنشيف
بصراحه يمكن الجدول هذا مش معروف عندنا (العرب) .القليل يمكن يعرفه .. واللي يعرفه وسمع عنه ما جربه .. لكنه معروف عند الاجانب
ومجربينه ونتايجه واضحه في اليوتيوب ..
برنامج (IF) باختصار : عباره عن الانقطاع عن الاكل ( صيام ) لمدة 16 الى 20 ساعه بليوم وما تبقى من وقت يكون فترة الاكل اللي تدخل فيها على جسمك كل الكالوري اللي تحتاجه سواء في التضخيم او التنشيف .. واول وجبه اللي تكسر فيها الصيام تكون بعد التمرين مباشره (التمرين على معده فاضيه ) .. مسموح استخدام مكملات البمب والبور وحوارق الدهون وال BCAA (الاحماض الامينيه بشكل عام) اثناء الصيام (قبل التمرين)
واثناء البرنامج مسموح شرب شاي وبلاك كوفي ( بدون سكر ) + علك (بدون سكر ) .. وشرب ماي كثير اثناء الصيام
.. والبرنامج هذا له فوائد كثيره جدا مثل
1. رفع هرمون النمو بلجسم لحد 2000% للرجال و 1300 للنساء
2. رفع هرمون التستسترون لاعلى مستوياته ..
وفوائد ثانيه كثيره ... وهذا الكلام حسب الدراسات وراح ابينها لكم في مقاطع الفيديو والروابط اليي حطيتها
http://www.youtube.com/watch?v=W1fiGJxkFWU هذا المقطع يتكلم عن هرمون النمو

http://www.youtube.com/watch?v=Q4mP1-x8mhQ

واشكر اخوي (معتز) اللي كان له موضوع قبل كم يوم وذكرنا باهمية هذا النضام ....
اي تعليق او استفسار انا بلخدمه .

راح اجرب .. لكن مافهمت قصة الوجبة .. يعني اصوم 19 ساعة واروح الجيم واتمرن كذا عدت 20 ساعة وارجع البيت واكل وجبة فيها 3000 سعرة حرارية ؟؟
السؤال هو وشهي الوجبة الي تحتوي على 3000 سعرة حرارية ؟

اقتباس:

---

المشاركة الأصلية كتبت بواسطة متعطش

راح اجرب .. لكن مافهمت قصة الوجبة .. يعني اصوم 19 ساعة واروح الجيم واتمرن كذا عدت 20 ساعة وارجع البيت واكل وجبة فيها 3000 سعرة حرارية ؟؟
السؤال هو وشهي الوجبة الي تحتوي على 3000 سعرة حرارية ؟

---

هههههه مرحبا اخوي متعطش يشرفني مرورك .. انا حاليا شغال على هذا الجدول ما صار لي اسبوع .. بس شغال تنشيف .... خلني اشرح لك .. اذا تصوم 18 ساعه راح يكون عندك 6 ساعات تاكل فيها كل الكالوري .. انت احسبها على انها 24 ساعه يعني يوم كامل .. صوم 18 ساعه من 24 ساعه الباقي = 6 اساعات اللي هي فترة الاكل ..واحسب فترة التمرين خلنا نقول ساعه ... احسبها ضمن ال 18 ساعه اللي انت تصومها .. والوجبات كل ساعتين وجبه بمعدل ثلاث وجبات ..خلال 6 ساعات ... كل وجبه حاول تاكل فيها 1000 كالوري او حسب تقسيمك للوجبات .. في اليوتيوب في وصفات كثيره للنضام هذا من قبل اشخاص مارسو هذا النضام اكتب INTENRMTEN FASTING BULK MEAL وراح يطلع لك ... واكيد مش كل اكلك راح يكون صحي لازم تخرب شوي على شان تكسب كالوري .. مثل الكورن فلكس 100 جرام منه يحتوي على 88 جرام كارب ممتاز جداا مع نص لتر حليب .. + بروتين بودره + كم ملعقة فول سوداني ..في هذي الحاله راح تغطي حاجتك ... طبعا في المضام هذا لا غتى عن البروتين بودره وراح تعتمد عليه بشكل اساسي لاني مثل ما قلت لك اذا على الاكل ما راح تلحق ..مع كل وجبه حط لك سوب ونص او سكوب بروتين .. ولا تنسى الكارب كثر منه

غريب النظام هذا خصوصا اذا كان لمرحلة التضخيم بس ان شاء الله يمشي معاك ووافينا بالنتائج لا تنسى : )

طبعا للفائده هذي بعض المقاطع اللي تبين النضام الغذائي لل ( IF) للتضخيم .. لان التنشيف يختلف يكون قليل الكارب والدهون ...http://www.youtube.com/watch?v=AMMHakbX6rI

http://www.youtube.com/watch?v=HIFPLgqD8yQ


http://www.youtube.com/watch?v=0JKs0nLkIGw

اقتباس:

---

المشاركة الأصلية كتبت بواسطة Black Volcano

غريب النظام هذا خصوصا اذا كان لمرحلة التضخيم بس ان شاء الله يمشي معاك ووافينا بالنتائج لا تنسى : )

---

هههههه ان شاء الله اي نتايج راح اخبركم .. انا حاليا تنشيف ...

حلو هذا النظام كم يخسر الدهون في اسبوع في التنشيف علما اني داخل تنشيف ياليت تنصحني كيف اطبقة وعلما ان التمرين بعد صلاة الظهر مباشر
والاكل ومن متى ابد اكل ومن متى ابد اوقف الاكل
وشكرا

هوا النظام شكلو جيد شفت الفديوهات بس انا من رأي انك ما تبدأ فيه لو انك مبتدأ يعني بعد ما تبني جسم متوسط وفوق المتوسط يكون جسمك اتكونت فيه الياف عضلية تساعدك خصوصا الصيام فترة جدا طويلة صراحة بس ماعرف هل استشارو الطبيب فيه ولا لا :33: لان الغذاء ليس فقط للعضل وانما للاعضاء الاخرى عندك الدماغ الاعضاء الداخلية

اقتباس:

---

المشاركة الأصلية كتبت بواسطة ياضلوم

طبعا للفائده هذي بعض المقاطع اللي تبين النضام الغذائي لل ( IF) للتضخيم .. لان التنشيف يختلف يكون قليل الكارب والدهون ...http://www.youtube.com/watch?v=AMMHakbX6rI


http://www.youtube.com/watch?v=0JKs0nLkIGw

---

الادمي هذا اشوف انه يغير وجهته من كمال اجسام الى طباخ ههههههههههههههه

والله اني محتار انا لي شهر في فترت تنشيف الامور ماشيه ممتاز لكن البرنامج الناس شافت نتائج جباره ناوي عليه نهاية الاسبوع ..
لو كان عندي يوم كارديو نفس الكلام اللعب علي بطن فاضي ؟!

مع احترامي البرنامج هذا ماينفع مع اعمالنا او مع جونا الحار
مثلا انا معلم ومن الصباح للظهر وانا اشرح وينهد حيلي وفوق هذا اصوم 18 ساعه
وايضا الجو الحار يجعل الجسم يفقد السوائل بسرعه

الله يعطيك العافية صراحة برنامج جدا روعة خصوصا اني ارتحت من وجبة الفطور لي اسبوع مستمر عليه واحس ببور عالي جدا وقت التمرين عكس قبل طبعا استخدم نو اكسبلود.

اقدر العب كارديو بالليل وقت الصيام ؟

السؤال كم المده الي امشي فيها على هذا البرنامح ؟
يعني مره بالاسبوع بالشهر ولا كل يوم ؟

اقتباس:

---

المشاركة الأصلية كتبت بواسطة Musaad 87

والله اني محتار انا لي شهر في فترت تنشيف الامور ماشيه ممتاز لكن البرنامج الناس شافت نتائج جباره ناوي عليه نهاية الاسبوع ..
لو كان عندي يوم كارديو نفس الكلام اللعب علي بطن فاضي ؟!

---

توكل على الله ... العب على معده فاضيه يفضل لو انك تستخدم اتوميك 7 او اكستند (هذي مكملات ريكفري وتحمي العضل ) ..خذ سكوب الصبح + سكوب قبل التمرين .. ... لا تنسى شرب الماي كثير

اقتباس:

---

المشاركة الأصلية كتبت بواسطة humax2007

مع احترامي البرنامج هذا ماينفع مع اعمالنا او مع جونا الحار
مثلا انا معلم ومن الصباح للظهر وانا اشرح وينهد حيلي وفوق هذا اصوم 18 ساعه
وايضا الجو الحار يجعل الجسم يفقد السوائل بسرعه

---

الله يعينك .. ههههههه ... يا اخوي يصير تشرب ماي قد ما تقدر وتشرب شاي وتشرب قهوه سوداء (كلهم بدون سكر ) وتقدر تاكل علك بدون سكر ..والجو الحار راح يساعدك تخسر كالوري ... انا طالب جاامعه وش اقول وانا ادور من كليه لكليه .. اقدرها باكثر من ثلاث كيلو مشي يوميا في الجامعه وخارج الجامعه .. هذا غير الكارديو قبل التمرين 20 دقيقه وبعد التمرين 30 دقيقه ( مشي متوسط ) .. جرب والله يعينك