الكبسة والرز في تغذية كمال الاجسام

معلومات المتقدم بالاستفسار :
العمر : 28 , الجنس : ذكر

الطول :193 متر
الوزن : 88 كيلوجرام



و الاستفسار كالتالي :
السلام عليكم ورحمة الله

اخواني الكرام انا فيه اشياء في تغذيتي حاولت استغني عنها لكن ما قدرت احس اني مغصوب عليها

مثل الغازيات المطاعم تفرضه علي فرض حاولت ابتعد لكن المطاعم تفرضه علي غصب

وانا فطوري الحمدلله 5 بياض البيض وبعد الفطور بفترة اخذ حليب قليل الدسم والغدا عندي هو الكبسة وخصوصا من بيت الشواية احيانا اخذه على ربع صدر واحيانا على نصف دجاجة

لكني اكل الدجاج وامسح الرز كله تقريبا واروح اتمرن بعدها وارجع اخذ لي تونة وبروتين وانام

فهل الرز يعتبر يعطي سعرات حرارية عالية للجسد ويخزن دهون ؟؟؟؟؟؟؟؟؟؟

انا اعزب للعلم

فهل فيه احد مدمن كبسة مثلي مع العلم ان هدفي الحفاظ على الجسم الفرنسي اللي بالموت جبته او بالاحرى قربت منه شوي

للعلم دائما اخذ رز مشكل من بيت الشواية

وعليكم السلام
اما جسم فرنسي وبيت الشوايه مايجي :wink2: هههههههههههههههههههههههههههه
والله انا اشوف اذا قبل التمرين مافيه مشكله لانها بتعطيك بور للتمرين .. وخصوصا انك ماتخربها بعد النادي فاشوف ان شاء الله تمام .. واذا حسيت الامور بدت تخرب عطها شوي كارديو زياده ...
اما الغازيات والسكر مالك عذر .. اقلها بدلها بدايت ومرة باليوم ... بالتوفيق ياوحش

احيانن اقول لو انا اعزب كنت طلعت باحلى جسم من زمان ( لاني ماراح اكون ملزوم بغدا اهلي وعشا اهلي )

استغل هالفرصة اخوي وعود نفسك على الطبخ والاكل بنفسك مع الوقت تعود
خصص لك يومين بالاسبوع مثلا جمعة واثنين , ساعه بس تطبخ فيها حق اسبوعك كله ,
وبالثلاجة

حاول واجتهد قدر الامكان
باكلك هذا بسعرات عالية بوجبة واحدة راح تبطيء عملية الايض بجسمك مما يعني راح تسرع زيادة الدهون + تأخر بناء العضل

كلامي لك لو كنت حاب تنتقل لمرحلة جدية وتشوف جسم عليه الكلام , اما لو شفت نفسك مستفيد بطريقتك هذي فهذا كلام ثاني تقدر تستمر عليه رغم انه خطأ بحجة انك هاوي للعبة لا اكثر .


موفق

والله ياخوي كل شيء له حل يعني ممكن وبكل بساطة تاخذ لك نصف دجاجة ع الفحم أو مظبي أو حتى شواية ومن أقرب سوبر ماركت تاخذ لك رغيفين خبز بر

صدقني لما تعزم إنك ترتب أكلك إش ماكانت ظروفك تقدر ترتبه

كابتن عمر

حتى ولو كنت مع أهلك تقدر ترتب أكلك زي ماتبغى مافي أحد بيلزمك تاكل ع كيفه أنا مع أهلي لكن أكلي يختلف كليا عنهم ولا مشاكل :D

اوما كبسة ومن بيت الشواية
وتبي جسم فرنسي ياشيخ دور غيرها

طيب ليه ماتبدل الرز العادي
برز مصري اللي رز بالحليب مررره حلو وخفيف على البطن وانت تقدر تسويه بخمس دقايق

وبخصوص المطاعم انا والله كنت زيك من وجبات ماك كنتاكي وغازيات والله لايوريك قولون وتعب

بس الحمد لله قطعت الغازيات بدلتها بعصائر
والوجبات بدلتها بمشويات وفطائر
وبالشهر مره او مرتين وجبه وبعد ماكل وخلص اتحسف اني اكلت :ee2:

انا من فضل الله تجي تروح عادي الكبسه ذبحني البروتين ودجاج الفحم والخبز والبيض وربي بطني زايد 2 سانتي
بغيت انهبل لازم من الكارديو كل اسبوع مرتين هذا الكلام اللي يجمد علئ الشارب

يعني الرز يحتوي على سعرات حرارية عالية ؟؟؟؟؟؟؟؟؟؟

دجاجهم ما عليه كلام حقيقة خصوصا اذا سبايسي لكن هل الرز بشكل عام فيه سعرات حرارية عالية؟؟؟؟؟؟؟؟


انا الان وزني 88 ونازل من 95 لي قرابة شهر لكن فيه دهون شوي وماني قادر اشيلها فهل الغلط في الكبسة ؟؟؟؟؟؟؟ بالتحديد الرز ؟؟؟؟؟؟؟

أكيييييييييييد لأن رزهم مو مسلووووق رزهم مطبوخ بزيوت ودهووون :D

مشاء الله ياطول !! ههههههههه

بالنسبة للرز .. والله بصراحه مشكلة اكيد .. بس اذا انت ملزم عليه وماتقدر تتركه ! لازم تستخدم كارديو عشان تحرق الدهون ..

والله يا سايروكس اني استخدم كارديو مرعب يعني فوق 45 دقيقة كارديو قبل التمرين

وبعده ادخل التمرين وبعده اكل شريحتين ديك رومي مدخن فقط احيانا ومو دائما

لو اترك الكارديو يومين او ثلاثة احس ان الدهون تزيد بشكل سريع جدا