رايكم بجدول تماريني بالنسبة للتضخيم

معلومات المتقدم بالاستفسار :
العمر : 21 , الجنس : ذكر

الطول :176 متر
الوزن : 85 كيلوجرام



و الاستفسار كالتالي :
السلام عليكم ورحمة الله وبركاته

عندي اكثر من استفسار وحاب تفيدوني:

1-رايكم بجدولي التالي :
السبت : صدر
الاحد : باي وتراي
الاثنين : راحة
الثلاثاء :ارجل + صدر
الاربعاء : ظهر
الخميس : كتف + ترابيس
الجمعة : راحة

طبعا الصدر تكرر مرتين لان عندي ضعف بعضلة الصدر والكابتن عطاني الجدول هذا طبعا انا بفترة تضخيم ... ايش رايكم ؟؟


==============

2-عدد التكرارات والجولات بفترة التضخيم :
طبعا قريت بالمنتدى ان اول تمرين يكون اربع جولات وتكون (12-10-8-8) وباقي التمارين (10-8-8) ايش رايكم ايش افضل امشي على كذا او امشي على (10-8-6)؟

==================

شاكر لكم اخواني

تحياتي

إذا عندك ضعف بعضلة الصدر لازم ماتلعبها مرتين يكفي مرة على اوزان عالية وتنوع بالتمارين مثل ماتبي
بالنسبة لطريقة اللعب اربع او ثلاث جولات كل الطرق اللي ذكرتهم صحيحة إنما الوزن هو اللي يحدد عدد العدات مثلا 12 - 10 - 8 - 8 هذا النظام دائما الاوزان تكون فيه متوسطة اما 10 - 8 - 6 - 4 هنا الاوزان تكون عالية .

بالنسبة للجدول افضل لك تلعب عضلة كبيرة مع عضلة صغيرة بيوم مثلا صدر مع باي و ظهر مع تراي وتدخل يوم كارديو وبطن ، وبعدين انا اشوف وزنك زايد فكيف انت قاعد تلعب تضخيم كم نسبة الدهن عندك و كم خذ لك تلعب حديد ؟

لا اخوي لي تقريبا العب سنة واربع شهور وجسمي لو فيه دهون ما تتعدا 22 % والضخامة اللي بادي فيها ضخامة عضل صافي بدون فات .

بالنسبة للبطن طبعا ذا لا بد منه 3 مرات اسبوعيا بس انا ما ذكرته .

والصدر العب اوزان عالية وتمارين مختلفة بس للحين ما تعدل مثل باقي العضلات .. فعشان كذا الكابتن قال العبها مرتين بالجدول اللي عطاني .

فايش رايك الجدول ممتاز وفيه راحة مناسبة بين كل عضلة وعضلة ولا عندك جدول افضل.

بالنسبة لعدد التكرارات ما فهمت كيف اوزان عالية يعني مثلا اقصى وزن لي بالصدر 45 كيف العب الجولات ؟؟ وهل الافضل 3 او 4 ؟؟؟

يعطيك العافية اخوي ما قصرت ؟؟

عدلت على جدولك شوي كذا أضبط بأيام الراحة و الريكافري للعضل :

- صدر
- ظهر
- راحة
- كتف + ترابيس
- صدر سويدي + باي و تراي و سواعد
- أرجل
- راحة

باليوم الاول للصدر ألعب :

1- صدر مستوي
2- تفتيح صدر مستوي
3- صدر علوي
4- تفتيح صدر علوي
5- صدر سفلي

الجلسات 4 ( 12 - 10 - 8 - 6 ) اما التفتيح 3 جلسات ( 12 - 10 - 8 )

باليوم الثاني للصدر سويدي :

1- تمرين الغطس
2- بوش اب العادي
3- بوش اب والرجل تكون على شيئ عالي مثل كرسي
4- بول اوفر بالدمبلز

الجلسات 3 والعدات مفتوحة قدر المستطاع

بعدها تمرينين باي وتمرينين تراي فقط لا تكثر تمارين لهم لانهم شغالين عندك كثير طوال الاسبوع .

الله يعطيك العافية اخوي بويكا ما قصرت يالغلا