عرض للطباعة
معلومات المتقدم بالاستفسار :
العمر : 19 , الجنس : ذكر
الطول :1.78 متر
الوزن : 58 كيلوجرام
و الاستفسار كالتالي :
السلام عليكم ورحمه الله وبركاته
عندي مشكله اني ما اقدر ارفع اوزان ثقيله بالبار الصدر ( العالي والمستوي )
حدي ارفع 20 بدون البار وبعض المرات ما اقدر اكمل العدات
هل اقدر اني اغيره بلعب الدامبلز ( المستوي والعالي ) هل يعوضه ؟؟
ده نتيجه انك مش يتنوع فى تمرينك وثابت على روتين واحد تقدر تلغى البار العالى لمده شهر وتلعب العالى بالدنبل وبعده تقدر تلعب العالى بالبار وتنوع فى المسكات من الضيقه للواسعه المتوازى والسويدى هيخولوك ترفع اوازن وهيعلو من مستواك
تقريبا كلها نفس الشي مثل ماقال لك الاخ تقدر تلعب اسبوع كذا واسبوع كذا
عن نفسي افضل الدانبلز
ومع الوقت والتغذيه الجيده بترفع اكثر من هالوزن بتوفيق
طبعاً كل شخص لديه قوه في عضله معينه فيه ناس اقوياء في عضلات الأرجل وناس في الصدر وفيه ايضاً ناس تلعب تمرين الصدر بار علوي افظل من ناس لكن في تمارين اخرى لعضلة الصدر مايقدر يشيل اوزان ثقيله انصحك بأنك تتمرن بأوزن ثقيله عدات قليله واذا ماقدرت تشيل الوزن خل احد يساعدك حتى ولو عده وحده مع الوووقت راح تتطور وتشوف الفرق
الافضل انك تلعب المجموعات بتدرج بالاوزان ومع الوقت تتطور
اما اذا لعبت كل المجموعات بنفس الوزن ماتتطور
مثلا
المجموعة الاولى 5 يمين 5 يسار 12 عده
المجموعه الثانيه 10 يمين 10 يسار 10 عدات
المجموعه الثالثه 15 يمين 15 يسار 8 عدات
المجموعة الرابعه 20 يمين 20 يسار 6 عدات
المجموعة الخامسه فقط تسويها اذا بغيت تكسر وزن فقط عدتين او ثلاث
وايضا لاتنسى تاكل كارب قبل التمرين ب 45 دقيقه
لاني لما بديت اهتم بالكارب بدأت اوزاني تطلع
الله يعطيكم العافيه يا كباتن
وابخذ بنصيحتكم اني العب بالدامبلز هالفتره واتدرج بالاوزان لين الشهر الجاي تكون اوزاني ممتازه ادخل على البار
بس اخواني انا اكل شوفان وكورن فليكس قبل التمرين هل يعتبر من الكارب لان عندي مشكله بايدي ترجف وانا اشيل الاوزان
وهل يوثر على الام ستاك لان لازم على معده فاضيه اضن ؟
اخوي
واضح انك ماتلعب جدولك صح
ابعطيك جدول للصدور وامشي عليه وراح يقوى الصدر عندك باذن الله
1- تلعب متوازي " قد ماتقدر "
2- بار عالي " مو شرط اوزان ثقيله الاهم الوزن الي تقدر ترفعه بدون صعوبه في او 8 عدات "
2- دامبلز عالي " نفس الاعلى "
3 - بار مستوى " نفس الشرح بالاعلى
3- دامبلز مستوى " تمام نفس بالاعلى
4- تلعب تفتيح بالدامبلز او بالجهاز
5- بل اوفر
طبعن تمرين الصدر يعتبر تمرين للعضله الكبيره بالجسم وافضل ايام تتمرن فيها بدايلة الاسبوع لانك تكون مريح قبلها 35 ساعه تقريباً
حتى تحقق زياده في رفع الوزن يجب تمرين العضله بالبار + الدامبلز لانهما وجهان لعمله واحده
الله يعطيك العافيه اخوي
اخوي هذي التمارين اللي اتمرنها دايم بس اغير بينهم
لاني العب عضلتين باليوم ،،، ما تضن انهم كثير ،، انا دايم العب ٥ تمارين للعضله الكبيره و٣ للعضله الصغيره ؟
ومثل ما قالو الاخوان اسبوع دامبلز واسبوع بار و مركز اكثر شي على الدامبلز ؟
هل تسخن كتف امامي وتراي وسواعد وباي تسخين خفيف قبل ما تدخل تمرين الصدر ؟اقتباس:
المشاركة الأصلية كتبت بواسطة الوووو الوووو
لا والله يا خوي
اسخن بس كتف جانبي وتراي وباي
اما السواعد والكتف الامامي ما اسخنهم
وشنو شايفين يجماعه ،،، باخر جوله تكون العدات قليله بس الوزن اقوى ؟
ولا الوزن اللي اقدر اكمل فيه العدات ؟
يشكر اخوي نجر لانه فطني على سؤال كنت بسالك اياه كيف الساعد عندك وتمرينه !!! ممكن يكون سبب ضعف الساعد عندك
الله يعطيكم العافيه
الصراحه انا ما اتمرن سواعد ومأجل موضوعها بعدين ومهتم بالذراع من فوق ؟؟؟
مبدئياً الافضل انك تشيل الوزن اللي تقدر عليه وتجيب فيه على الاقل 10 عدات صحيحه بالمدى الكامل لتعطي العضله فرصه بأن مستواها يتطور ، وبعد فتره تقدر تزيد الوزن بمساعدة زميل يدخل معاك في البدايه فقط ( حتى تستوعب العضله صدمة الوزن الجديد ) + العدات الاخيره .اقتباس:
المشاركة الأصلية كتبت بواسطة الوووو الوووو
مجرد الوقت فقط ، وبعدين راح تقدر ترفع أكثر من هذا الوزن