استفسار كورس هرموني + تغذيه + مكملات غذائيه

معلومات المتقدم بالاستفسار :
العمر : 26 , الجنس : ذكر

الطول :179 متر
الوزن : 81 كيلوجرام

نسبة الدهون : 18

و الاستفسار كالتالي :
السلام عليكم ورحمته الله وبركاته


كيف الحال اخواني


انا ناودي ادخل كورس هرموني عضل صافي لأني من قبل دخلت عضل صافي بس ما أستفدت منه لأنه بدون اشراف وبدون اهتمام


قبل البدء بهذا قلت باخذ كلين بترول علشان تنزل نسبه الدهون بسرعه
بوقف الحديد تقريبا 3 اسابيع علشان انزل الدهون


وعظوني رايكم

انصحوني بكورس هرموني

+ تغذيه وإذا تعرفون احد يعمل نظام غذائي بفلوس انا بدفع ما عندي اي مشكله بس يكون نظام صحي


ومكملات غذايه واي بروتين + ملتي فايتامين + امينو تك

السلام عليكم
انا ما عندي معرفة كبيرة في مجال الهورمونات بس نصيحتي حول استخدام الكلين بترول لا توقف تمرين الحديد زود كارديو بين 20 الى 30 دقيقة بعد التمرين و لا تنسى تهتم بنظامك الغذائي

ما شاء الله 54 مشاهد والردود 1


مشكور اخوي على الرد انا في موضوعي هذا اريد نظام غذائي واريد نصيحه

وعليكم السلام
انا ماعندي خبره بالهرمونات بس برد عشان لا تزعل :p
ليه توقف الحديد ٣ اسابيع الحديد مع الكارديو والدايت بينزلون دهونك مادري وش قصدك من توقيف الحديد.
اقرى شوي بعالم المنشطات والاسترات الطويله والقصيره عشان تحدد مده الكورس والاشياء الرئيسيه. وباقي الاشياء بيفيدك فيها اخونا نجر او اخونا dvs..
بالتوفيق

اخوي بامكانك الاستفادة من المكملات بدون هرمون
انا ماشي على جول لي 5 اسابيع و اموري ممتازه

المكملات : بروكمبلكس بلس +انيمل كت +امينو 2222+جلوتامين

الفطور : 4بيياض بيض + شوفان + 3حبات تمر +كوب حليب

الغدا : صدرين دجاج و سلطه و حبة بطاطا مسلوقه

بعدين اروح التمرين و بعد التمرين تاخذ موزه

بعد التمرين ب 45 دقيقه تاخذ علبة تونه و بعديها بساعتين علبة تونه

انيمل كت اول ما تقوم من النوم على معدة فاضيه و قبل التمرين ب 45 دقيقه

البرتين اول ما تقوم من النوم و بعد التمرين

جلوتامين بعد التمرين و قبل النوم

الامينو قبل و بعد التمرين

لمدة شهرين

وعليكم االسلام
أخوي المرشدي 1 بخصوص العضل صافي وما ادراك ما صافي قريت هذا الموضوع من قبل
http://www.montada.com/showthread.php?t=761308

وشهو الكورس اللي أخذته اول ؟ عطني عنه معلومات !!!
( المكونات - المده - طريقة التكديس - دخلت PCT أو " لا " وكم مدته - وبعد كم يوم بديت PCT - ومتى كان آخر يوم PCT - وأخيراً لو انك منتهي منه قريباً كيف وضعك الجنسي )

مشكورين على الرد وبيض الله وييهكم وما قصرتم


كابتن نجر العتيبي

انا كنت انتظر ردك عليه

الله يسلمك اخذ 3 مواد مع قروث صيني كان الكابتن يزيد في الجرعه ولا ارتحت له ووقفته

وقفت منه وكان الحاله الجنسيه تعبانه لأن ما كنت اخذ مضادات ولا اي حاجه يعني مع الخيل يا شقره اول كورس واتعلمت منه والحمد لله انا اشوف رموز تكتبها ولا اعرفها مثل cpt



اريد نصيحتك اخوي نجر

عبود النشمي انا ما اريد انشف وكيف بحصل القوه او الباور في الجيم

والله وانا اخوك ينقصك ويلزمك الكثير لكي تقدم على هكذا خطوه .

على كل حال حالياً كيف وضعك الجنسي وهل قمت باجراء فحوصات معينه ، اذكرها ان وجد ؟
وحط على بالك انه من الكارثي ان تقدم على كورس اخر وانت مانت عارف شي عن الهرمونات ، ناهيك عن ان هرموناتك الداخليه متضرره من الكورس السابق وتحتاج الى علاج قبل كل شي .

وبالمناسبه اذا هرموناتك الذكريه في ادنى مستوياتها فاعتبر نفسك الى الان وكأنك داخل كورس ، يعني اذا بغيت تجي تحسب المده الفاصله بين الكورس والاخر بقدر المده من اخر كورس + التنظيف لابد وان تحسبها بداءً من استعادة نشاط هرموناتك الى مستوياتها الطبيعيه وليس من اخر يوم تنظيف .

عارف انك مافهمتها .
يعني كانت اخر ضربه لك في الكورس بعد اول ضربه ب 60 يوم ، وبعدها وقفت كل شي والى الان وانت ماعالجت وضع هرموناتك المتضرره فلنفترض انها30 يوم ، يصير المجموع 90 يوم ومن ثم بداءت العلاج لمدة 30 يوم اخرى ليصبح المجموع النهائي 120 يوم .
الزبده :- انك اذا بغيت كورس ثاني لاتدخله الا بعد 120 يوم .

الحمد لله من زمان وانا موقف الكورس ونظفت تقريبا 3 مرات والحمد لله الحين انا في افضل حال

تقريبا اخر ضربه كانت قبل رمضان ونظفت 3 مرات ورحت لطبيب مختص والحمد لله الهرمونات عندي جيده وانا قلت حق الطبيب بدخل كورس ثاني قالي بعد ما تخلص من العلاج عادي بس لا تدخل حيواني قلتله انا اريد ابتعد غن الحيواني لانه مضر


بس اخوي نجر افيدني وانصحني الله يرحم والديك

انا ناوي على هرمونات وانزل الشحوم اللي فيني وابني عضل علمني الطريقه مع نظام غذائي

وينكم ما لقيت لي رد