مشكلة في wow

السلام عليكم ورحمة الله وبركاته
اما بعد.
شباب وبنات كبار وصغار
عندي مشكلة في لعبة wow
لكن طبعا في ناس راح تستغرب وبعضهم لا لكن حبيت اضيف
كلمة wow كلمة مختصر
والكلمة الاساسية هي world of warcraft
مشكلتي هي كالتالي:
سمعت عن لعبة wow وقلت خليني اجربها وبعد ما شفت مقاطع فيديو وصور اعجبتني فقررت لعبه لكن تفجئت بانها بفلوس لكن وجدت نسخة starter edition اللي لعبتها وصلتني الى لفل20 بعدها وقفت وسويت كذا شخصية علشان اشوف اي شعب مناسب لي لانهم كلهم زي بعض وابغى اشوف اكثر واحد يعني حبيت اسوي تنوع لكن بعد فترة قررت شراء نسخة the burning crusade اللي هي الجزء الثاني والتي تخليني لفل70 قلت خليني العبها ويوم ما اصير 70 اجيب cataclysm لكن قبلها العب الى لفل70 ان شاء الله
اشتريتها وكان كل شئ تمام وفرحت كثيرا لاني شفت خرائط وسمعت كثيرا عن منطقة outland وعن مهارات death knight
لحسن الحظ كانت منطقة outland من لفل58-70 وdeath knight من لفل55 يعني كان شئ رائع بالنسبة لي
رجعت وفتحت العلبة حقت the burning crusade ولقيت فيها 2سي دي كان الاول عليه رقم واحد والثاني عليه رقم اثنين
شغلت رقم واحد حملي اللعبة لكن مو كلها وشغلت على طوول رقم2 وحملي البقية
فتحت اللعبة وبنفس الحساب رحت احاول اقتل وحوش لكن لاحظت عدم زيادة الخبرة طالعت ولقيت انني ما زلت في starter edition تفاجئت كثير وقلت يمكن خطا احاول باليوم اللي بعده
دخلت باليوم اللي بعده ونفس الشئ وبعدها دخلت الملف احاول الاقي شئ يفيدني ما لقيت
رغم انني ما زلت حتى الان مصدوم وبدات اكرها
يعني يا ريت احد يساعدني بالمشكلة
والصلاة والسلام على اشرف الانبياء
والسلام عليكم.

وعليكم السلام ورحمة الله وبركاته ...



النسخة اللي لعبتها انت " Starter Edition " نسخه مجانيه من لفل 1-20 ..
انت طمرت نسخة لفل 60 ورحت ل 70 علطول .. :)

هم عموماً حالياً دمجوهم مع بعض تحت اسم " World of Warcraft: Battle Chest " هذي اللي مفروض تشتريها و تقدر تلفل ل 80 :) ..
بعدها يجي نسخة :
World of Warcraft®: Cataclysm من لفل 80-85
بعدها :
World of Warcraft®: Mists of Pandaria من 85-90

وبس .. :)

انا كنت العب المجانية وبعدين بدون ما اروح للجزء الاول لاني ما لقيته في الاسواق بس لقيت الجزء الثاني قمت اشتريته

وعليكم السلام



ادخل موقع الشركه battle.net و طور حسابك الى لفل 70 اوBurning Crusade

لأن مو بس تطور اللعبه بجهازك الكمبيوتر و تلعب كل المراحل , لازم تطور حسابك اللي على الايميل الى اخر نسخه من اللعبه عشان اذا فكرت تلعب اللعبه من اي مكان بالعالم و من اي جهاز كمبيوتر فيه ووركرافت تقدر تلعب

يعني لعبه ووركرافت تحتاج تطوير اللعبه في الكمبيوتر و تطوير الايميل اللي فيه حسابك للعبه

اما اللعبه كان المفروض ما تشتريها لأنك تقدر تحملها مجانا من موقعهم او تسأل اصحابك اذا عندهم اللعبه او اي كافيه خاص للألعاب تسأله اذا عنده اللعبه و تنقلها لهاردسك خارجي و بعدين تنزلها بجهازك

لأن اذا اشتريتها بالحاله هذي انت اللي راح تخسر فلوس لعبه وتطويرها وفلوس تطوير حسابك بالباتل نت

انا ما عندي اصدقاء يلعبون في واركرافت او حتى سمعوا عنها هم يحبون الكورة اما انا يعني مختلف شوي عنهم ما العبها كثير لكن صراحتا اغلب كلامك ما فهمت كيف يعني تطوير الجهاز والايميل والحساب والخ ابغى على الاقل شرح مفصل وسهل الفهم لاني صراحتا اغلب كلامك ما فهمته

انت مو دخلت موقع بليزرد وعملت حساب فيه حطيت ايميلك و البيانات , اللي اهو battle.net

معاي انت او تهز راسك بس وماتدري شقول ؟

لما بليزرد قالتلك تعال يا فلان سجل عندنا عشان تلعب مجانا لغايه لفل 20

انت مو رحت موقعهم وسجلت وصرت بعدين تدخل اللعبه عن طريق كتابتك للأيميل والرقم السري

الحين روح هالموقع battle.net واكتب ايميلك و الباسوورد , راح تشوف ان في تطوير للحساب يقولولك طوره لاكسبانشن معين بالسعر الفلاني او طوره لغايه لفل 90 بالسعر الفلاني

انت اما انك تطور حسابك للباتل جست واظن ان الباتل جست لغايه لفل 80 , يعني تطور حسابك من لفل 1 الى 80 او 85 مو متذكر , وبعدين تطور الحساب للجزء الاخير اللي اهو الباندا

فأنت الحين محتاج تطور حسابك , الايميل اللي تدخل فيه الباتل نت و اللعبه , ايميلك هذا اهو رأس المال , اهو اللي فيه كل شخصياتك وكل فلوسك وكل شي , تروح اي بلد ما تاخذ معاك الا ايميلك و تدخل اللعبه

اما اللعبه بالجهاز مالك هذي مالها معنى , هذي بس تدخلك اللعبه , بدون ايميل ماتدخل ولا يكون عندك اي شخصيه

يعني انت تحتاج تطور ايميلك بالموقع و تحتاج تطور اللعبه بالكمبيوتر , اللعبه عادي تطورها بالتحميل من موقعهم مو مضطر انك تشتريها او تاخذها من احد لكن الايميل ضروري تطوره , في لفل 80 وفوق راح تطور اللعبه مجانا من خلال الشركه نفسها

يعني وانت تلعب راح تشوف التحميل وانت داخل اللعبه بدأ يشتغل لأن بليزرد نزلوا التحديثات مباشره , طبعا انت راح تحمل كل شي من البدايه واعتقد انك حملت ازيروث كامله الحين , الاوت لاند جزء جديد و نورثرند ايضا جديد و الكاتا يتحمل من البدايه لأن التغييرات حصلت في ازيروث

والباندا بعدين


لذلك اول خطوه تسويها انك تدخل موقع الشركه و تكتب ايميلك والباسورد ولما تدخل حسابك وتشوف بياناتك راح تشوف عاليمين انك تشتري اللعبه , هذي مو تشتري اللعبه يعني العلبه كامله , هذا شراء الكتروني , يعني تشتري التطوير لحسابك الايميل اللي مسجل فيه باللعبه واهو فيه كل شخصياتك

عشان توصل لفل 70 و اعلى

اتمنى فهمت

يعني لازم اطور حسابي من وضعية starter edition الى وضعية The burning crusade
طيب تطوير الايميل مجانا ولا بفلوس؟
ويا ريت تعطيني صور كمان كشرح
وسف على الازعاج

اوك شباب دخلت على صفحة فيها الابجريد لكن طلب مني رمز من وين اجيب الرمز
للعلم الرمز علشان اقدر اطور حسابي الى حقت لفل70
بليز جاوبوني وبسرعة

اول شي تدخل www.battle.net وتسجل دخول بالايميل والباسوورد اللي سجلت فيهم مسبقا

بعدين راح تشوف هذي الصفحه

تشوف اكاونتك موجود وعليه علامه باللون الاخضر ولما تضع الفاره يقولك اكاونتك ستارتر اديشن والتطوير متوفر بين قوسين

ملف مرفق 357157


اذا ماحصلت الصفحه فوق بالبدايه بدخولك للموقع , ماعليك الا تروح اعلى الصفحه بالموقع وتشوف كلمه اكاونت , تضغط عليها و تاخذ للحساب او اكاونتك


ملف مرفق 357161


بعد ماتضغط على اكاونتك راح تروح لهذي الصفحه , شوف عاليمين مكتوب داون لود بالمستطيل الازرق , انت المفروض ماتشتريها كان دخلت هني و حملتها مجانا

تحت بالمستطيل الاخضر التطوير لغايه لفل 80 يعني نسخه wrath of the lich king بالمختصر wotlk اللي يعطيك تلفل شخصيتك لغايه 80 اعلى شي ومنها تفتح الاوت لاند و نورثرند و هذي يعتبر الباتل جست لأنك شريت 3 نسخ بحساب نسخه


ملف مرفق 357158


لما تضغط التطوير باللون الاخضر راح تروح لهذي الصفحه

عندك اختيارين

اما انك تطور الحساب الى لفل 80 او انك تضيف تطويرات جديده للكاتا اللي اهو عباره عن لفل 85 و تضيف الباندا اللي اهو لغايه لفل 90

الاول اللي لغايه لفل 80 ب14.99 يورو يعني بحدود 5 دنانير كويتي وماادري كم بعملتكم

او انك تحط النقطه على الاختيار الثاني واللي من خلاله تشتري كل اجزاء اللعبه ب54.99 يورو

تضغط كنتنيو وتروح للدفع



ملف مرفق 357159




اذا شريت الديجيتال هذا راح ترفع حسابك باللعبه حسب النسخه اللي انت مشتريها , يعني لو شريت لغايه لفل 80 راح يكون حسابك مفعل من لفل 1 الى 80 و تشوف كل الاماكن بالمدن الخاص اللي نزلت مع الجزء هذا

وكل ما تطور حسابك كل ما تتوسع اللعبه و يزيد اللفل عندك الى ان توصل لأكسبانشن الباندا و اللفل 90 , هذا اقصى حد وصلوا اليه الان


--

اعتذر من رداءه الصور لأني مصور من تلفوني , بيني وبينك مااعرف اصور سكرين شوت , كل ما اتعلمها من ثاني يوم انسى الطريقه , فقلت اصور من التلفون اسرع

ملاحظه يااخي , لا تشتري اللعبه ولا اي جزء لها من اي محل , كل اللي تبيه تحصله بالموقع الخاص فيهم او تعال هني نعطيك روابط تحميل

انت الحين نزلت و خلصت , اذا احد تعرفه يبي يشتري اللعبه قوله لاتشتري و انت انسخها له , خله يجيب هاردسك خارجي و تحطله اللعبه فيه واهو ينقلها لجهازه

احنا ماندفع الا لتطوير حساباتنا , اما شراء اللعبه مو بحسبتنا

يعني لو انك منزلها مجانا وفلوس اللي شريت اللعبه فيه مطور اكاونتك ب15 يورو كان احسن

عموما اتمنى اني افدتك بالموضوع , و اي شي احنا حاضرين لاتتردد

موفق خير

قصدك السيريال نمبر ؟

تحصله بالكتيب اللي يجي داخل العلبه مالت اللعبه


السيريال نمبر ضروري , لا يضيع منك و يفضل انك تصوره صوره واضحه بتلفونك وتحتفظ بالصوره

وتكبت ملف txt بكمبيوترك وتحط فيه السيريال نمبر و بيانات الاكاونت مثل الاسم الاول والاخير و الجواب السري

هذي المعلومات مهمه جدا جدا جدا

ماتقدر تسترجع اكاونتك اذا سرق او نسيت الباسوورد الا من خلالهم واذا نسيتهم بعد سلم على اكاونتك

ممكن سؤال انت اشتريت اللعبه من وين هل اشتريتها من جدة ؟؟؟

يب من جدة ولكن الحين رجعت الى الطائف

طيب يعني من السيريال نمبر اقدر اطور حسابي الى حق لفل70؟ وانا يا اخي اقدر مجهودك لكنني شريت السي دي حق اللعبة اللي يوصلني لى لفل70 وهذا يكفيني ومستقبلا راح اخطط واشوف الامكانيات لشراء كاتاكليزم لكن الان جاوب على سؤالي على يمكن تطوير حسابي من السيريال نمبر وكمان ابغى شرح صور لكيف اطور حسابي مش طريقة شراء اللعبة مع التطوير بنفس لوقت

والله مدري بس من فين من جرير اشتريتها ؟؟؟؟

اخي الكريم اللعبه ماراح تشتريها

اللعبه بما انها في جهازك خلاص انسى شي اسمه شراء لعبه

الموضوع واقف على تطوير حسابك في اللعبه فقط , اللعبه مثل ماقلتلك ان تقدر تحملها مجانا بدون فلوس من هالرابط

https://eu.battle.net/account/download/?show=wow

لكن بما انك شريت اللعبه لغايه لفل 70 فأنت الحين شوف العلبه اللي عندك راح تحصل داخلها سيريال نمبر تحطه بالموقع اللي عطيتك اسمه و تطور ايميلك اللي اهو الاكاونت الى لفل 70

ولا اعتقد ان محتاج هذي النقطه لأنك تسويها بالبدايه وقبل يكون عندك حساب في باتل نت

انت غلطت يوم شريت لفل 70 , المفروض تشتري 80 بنفس السعر او تدخل موقع الشركه وتشتريه ب4 دنانير بس

لكن انت تأكد اول شي او حط صوره العلبه عشان اشوف اي جزء بالضبط لأن حاليا ماتحصل اللعبه لفل 70 , الحين بليزرد تبيع باتل جست اللي اهو من 3 اجزاء "كلاسيك , بورنق كروزيد والاخير wotlk" يعني من 1 الى 60 الكلاسك و من 60 الى 70 بورنق كروزيد و من 70 الى 80 لتش كنغ

كلهم تشتريهم ب4 دنانير . انت ليش شاري بس 70 ؟ انا ماراح اتوقع , انا بشوف العلبه اللي عندك اي نسخه عشان اتأكد اي نسخه عندك

لأن مو معقوله تشتري لفل 70 و تلعب لغايه لفل 20 اللي اهو المجاني لكل شخص يحب يلعب اللعبه , حتى لو شريت اللعبه و طورتها راح يفتح معاك الى لفل 70

ثاني شي , الحين انت مو بحاجه تشتري اي نسخ جديده , يعني لا تفكر انك لو طلع حسابك لفل 70 ان تحتاج تروح محل وتشتريها الى لفل 80 او 85 او 90

كل ماعليك تسويه انك تدخل الموقع و نفس الصور اللي حطيتهم لك تضغط على حسابك و ياخذك للصفحه اللي تطور فيها اكاونتك و لما تطوره تدخل اللعبه وتشوف انه فتح معاك وتقدر تلفل اكثر

يعني اللعبه وشراءها انساه الحين

----

عندك حلين اثنين

اما انك تسوي اكاونت جديد في الباتل نت و تستخدم العلبه اللي عندك , يعني بالتسجيل يطلب منك تحط سيريال نمبر و تحط اللي عندك و تبدأ من جديد

وهذا اللي انصح فيه لأنك احتمال كتبت البيانات بالحساب القديم عشوائيه , فلما تسوي حساب جديد و تضيف اللعبه فيه و تكتب البيانات لازم تحفظهم و تخزنهم عندك بالكمبيوتر و بالتلفون

الاسم الاول والاخير

السؤال والجواب السري

السيريال نمبر

والايميل

لازم ما تنسى ولا شي من البيانات هذي , و تبدأ من جديد

او انك الحين تروح الموقع و تدخل بحسابك الباتل نت و تدخل هني

ملف مرفق 357164
ملف مرفق 357165

و تضيف الاكاونت اللي سويته جديد مع الباتل نت