استفسارات بخصوص عضلات(الكتف والسبانه) وتصنيف الملاكمه بالجدول

معلومات المتقدم بالاستفسار :
العمر : 25 , الجنس : ذكر

الطول :169 متر
الوزن : 62 كيلوجرام

نسبة الدهون : 12

و الاستفسار كالتالي :
السلام عليكم


اخواني الاعزاء

كلنا نعرف هناك مايسمى بالدالية الاماميه والدالية الخلفية والدالية الجانبيه في عضلة الكتف وكلنا نعرف ان تمارين العضلة الكبيره بالجلسة لاتتعدى 5 تمارين ، سؤالي هنا ماهي التمارين المفيده وسهلة الاداء في المنزل لعضلة الكتف وياليت صور متحركه لخمس تمارين للكتف تخص هدفي اللي هو ( لياقه وشد الجسم ) علما يوجد لدي بالمنزل ( بار + دمبل + جهاز هوم جيم )


سؤالي الثاني بخصوص الملاكمه ألعبها في أي يوم بالجدول في يوم التراي ولا يوم الباي ولا يوم السواعد ؟ وهل تعتبر تمرين احسبه في عدد تمرينات العضله او يعتبر تسخين ؟


سؤالي الثالث بخصوص تمرين الـ البوش اب انا جدول تماريني اربع ايام بالاسبوع هل تمرين البوش اب اسويه يومياَ او 4 ايام مع التمارين ؟


سؤالي الرابع والاخير ياليت صور لتمارين عضلة السبانه ؟ وهل تمرين النط بالحبل مع الوقوف بمشط القدم داخل في تمرين عضلة السبانه ؟


وشكرا لكم

استغفر الله واتوب إليه

لازلت انتظر الرد من الاخوان الاعزاء

للرفع استغفر الله واتوب إليه

وعليكم السلام
للاسف ماعرف ارفع صور والى كان رفعت لك صور تمارين الكتف ... عموما الكتف عضله صغيره ... او مجموعه عضلات صغيرة ... الللي انت ذكرتها تقدر تلعب تمرين رفع للاعلى بالدامبلز او البار ... وتمرين رفرفه جانبيه ... وتمرين للدالية الخلفيه ... وكلها متوفره باليوتيوب ... الملاكمه تعتبر كارديو وتستنزف من قوة العضلات يعني تقدر تخليها يوم لحالها وتقدر تخليها يوم الكتف ... وهي على حسب مجهودك وانت اللي يقرر اذا تحتاج يوم لحالها والى مع تمارين الحديد .. البوش اب يفضل تلعبها بس يوم الصدر وتقدر تخليها مرتين بالاسبوع ... نط الحبل يشغل السمانه ... ان شاءالله ماكون نسيت شي .. ولا تنسى انت الللي تحدد تمرينك ووش تحتاج .. حنا نعطيك نصائح بس ... بالتوفيق يابطل

اقتباس:

---

المشاركة الأصلية كتبت بواسطة StrO

وعليكم السلام
للاسف ماعرف ارفع صور والى كان رفعت لك صور تمارين الكتف ... عموما الكتف عضله صغيره ... او مجموعه عضلات صغيرة ... الللي انت ذكرتها تقدر تلعب تمرين رفع للاعلى بالدامبلز او البار ... وتمرين رفرفه جانبيه ... وتمرين للدالية الخلفيه ... وكلها متوفره باليوتيوب ... الملاكمه تعتبر كارديو وتستنزف من قوة العضلات يعني تقدر تخليها يوم لحالها وتقدر تخليها يوم الكتف ... وهي على حسب مجهودك وانت اللي يقرر اذا تحتاج يوم لحالها والى مع تمارين الحديد .. البوش اب يفضل تلعبها بس يوم الصدر وتقدر تخليها مرتين بالاسبوع ... نط الحبل يشغل السمانه ... ان شاءالله ماكون نسيت شي .. ولا تنسى انت الللي تحدد تمرينك ووش تحتاج .. حنا نعطيك نصائح بس ... بالتوفيق يابطل

---

هلا اخوي العزيز stro اشكرك على الرد هذا اولا ، بالنسبه لعضلة الكتف انت قلت انها عضلة صغيره وهي بالاصح عضلة كبيره مدري يمكن خطأ مطبعي منك؟ ، عموما انا سألت عن تمارين لعضلات الكتف لاني لقيت مدرب باليوتيوب ينصح بالنسبه لتمارين الكتف ما احد يؤديها وهو واقف تجنباَ للإصابات وهذا رابط فيديو للإفاده لك ولباقي الزملاء http://www.youtube.com/watch?v=7rE1bfMfub4 ولقيت تمارين للكتف في وضعية الجلوس والحمدالله تم اختيار اربعه منها ، بالنسبه يا اخوي للبوش اب انت تقول ألعبها يوم الصدر او مرتين بالاسبوع ؟ انا قريت عن ناس كثير يسوون بوش اب قبل مايدخلون حديد في بعضهم اربع مرات وبعضهم خمس مرات بالاسبوع يعني كلن على حسبه جدوله هل تتوقع فيه ارهاق للعضلة اذا سويت بوش اب اربع مرات بالاسبوع ؟

العفو ياعزيزي ماسوينا غير الواجب ... لا مو خطا مطبعي انا اعتبر الكتف من العضلات الصغيرة.. العضلات الكبيرة بوجهة نظري الصدر الظهر والفخذ ... الكتف انا اعتبرة مجموعه عضلات صغيرة مثل ماقلت عضله جانبية والعضلات الامامية والدالية الخلفيه .. واعرف ان كثير يعتبرونها من العضلات الكبيرة ... بس انا اختلف معهم واشوف انها من العضلات الصغيرة ... واحس انها مقاربه للباي والتراي من ناحيه الحجم ... عموما مو موضوعنا ... قلت لك اللي يحدد التمرين هو انت ... يعني اللي يلعب بوش كل يوم او خمس ايام ... يا انه يكون يلعبها بسرعه ومن غير تركيز بس عشان يسرع ضخ الدم في الجسم ويحمي مفاصله ..او انه متقدم مرة في اللعبة والبوش اب مايسوي له شي .حتى اللي متقدم يقدر يلعبها بيد وحده. طريقة لعبك للتمرين هي اللي تحدد ... مثل ماقلت لك ناس يلعبها بحركه بطيئة يالله يوصل 10 15 عده ... وناس يلعبها بسرعه مرة لدرجه يوصل ل 30 او 40 بوش اب بس ماثرت زي اللي يلعبها ببطء وتركيز ... وفيه ناس تلعب عقله وبوش اب كل يوم تسخين قبل التمرين ... كل واحد له طريقة ولا انت لاقي فكر واحد يجمع عليه الناس ... عشان كذا قلت لك انت اللي تحدد الطريقة الصح وتشوف اللي يناسب جسمك وتطبقة.. عموما عشان اريحك اذا تمرنت اول يوم بوش اب وجيت تتمرن ثاني يوم بوش اب وحسيت بوجع بعضله الصدر معناته انت قاعد ترهقها ... ولا تلعبها الى اذا راح الالم .. تقريبا 3 ايام
اذا حسيت الوضع طبيعي وتقدر تسوي وانت مرتاح دوووس وكمل ...ومعليش على الكلام الكثير حبيت اشرح لك بتعمق عشان تقدر تقرر بنفسك ... بالتوفيق