ياريت لو تفيدوني وتساعدوني
معلومات المتقدم بالاستفسار :
العمر : 22 , الجنس : ذكر
الطول :176 متر
الوزن : 83 كيلوجرام
نسبة الدهون : 24%
و الاستفسار كالتالي :
السلام عليكم
مسـأ الخير على الجميع
بصراحه المنتدى رائع وكتشقته جديد وصرت اقرا في المواضيع طبعا اغلب المواضيع من 2011
الله يعطيكم العافيه جميعا مجهود رائع
يا ريت انكم تساعدوني
انا طولي 176
وزني 83
نسبه الدهون 25%
لي سنه تقريبا في لعبه كمال الاجسام مع بعض التقطيع نظرا للامتحانات الجامعيه
الحين رجعت العب وهاذا الاسبوع الثالث لي بعد انقطاع شهرين
استخدم الحين
whey optimum
russian bear amino
animla stak
الحين انا اخذ سكوب بروتين بعد التمرين مباشره وقبل النوم اخذه مع موز وحليب وجبه وزبده فول سوداني الخ (خلطه يعني بحيث انه ما ينقص علي بروتين وانا نايم لانه الجسم يبني العضلات وهو نايم )
والامينو مكتوب على العلبه انه اخذ قبل الوجبات وقبل وبعد التمرين بس انا اخذ قبل الغدا وقبل النوم وبعد التمرين على طول مع موز
ما ادري وش الصح بصرلحه بالنسبه للامينو
بالنسبه للوجبات الغذائيه
الفطور اربع بياض بيض مع صفار واحد +شوفان وحليب+ وفواكهة
الغدا صدر دجاج مشوي وبطاطا حلوه مشويه وسلطه
والعشا لحمه مشويه او صدر دجاج كمان مشوي طبعا
وقبل النوم اخذ الخلطه الي ذكرتها فوق
وبين الوجبات اكل خب توست مع جبنه قريش وزبده فول
بالنسبه للستاك اخذ قبل بساعه او 45 دقيقه على معده خاليه
وايام الراحه اخذه بهد الوجبه تقريبا بساعتين عشان اضمن انه تكون المعده خاليه
وش رايكم
ياريت تفيدوني
رد: ياريت لو تفيدوني وتساعدوني
يا اخوان وش القصه
الاغلب يدخل يشوف الموضوع ويطلع بدوم ما يعلق او يكتب شي
المفروض انه المنتدى لتبادل الخبرات والاراء !
رد: ياريت لو تفيدوني وتساعدوني
وعليكم السلام
لا تزعل المنتدى له فتره هاجد ومحد يدخل ...
على العموم خلطتك غلط في غلط ... السبب نسبه دهونك مرتفعه مره ... الخلطه اللي تسويها للهارد قينر يعني النحاف اللي يالله يسمنون انت العكس يبي لك تخفف دهونك .. فاول شي تسويه معد فيه خلطه .. البروتين تاخذه بعد التمرين مع موزه ... المره الثانية ياقبل الفطور بنص ساعه يابين الوجبات ... وتقدر تاخذه قبل النوم مع حليب خالي الدسم ... بس افضل قبل النوم تاخذ جبن قريش مع زبادي خالي الدسم .. امتصاصها بطيء ولا يزيدك دهون ويبني لك عضل ... بين الوجبات اذا جعت تاخذ سكوب الواي مع تفاح اخضر ...لا تاكل توست بين الوجبات ... طريقة استخدامك للامينو صح ... لاتنسى المشي عشان تنزل دهونك شوي ... بالتوفيق يابطل
رد: ياريت لو تفيدوني وتساعدوني
اقتباس:
المشاركة الأصلية كتبت بواسطة StrO
وعليكم السلام
لا تزعل المنتدى له فتره هاجد ومحد يدخل ...
على العموم خلطتك غلط في غلط ... السبب نسبه دهونك مرتفعه مره ... الخلطه اللي تسويها للهارد قينر يعني النحاف اللي يالله يسمنون انت العكس يبي لك تخفف دهونك .. فاول شي تسويه معد فيه خلطه .. البروتين تاخذه بعد التمرين مع موزه ... المره الثانية ياقبل الفطور بنص ساعه يابين الوجبات ... وتقدر تاخذه قبل النوم مع حليب خالي الدسم ... بس افضل قبل النوم تاخذ جبن قريش مع زبادي خالي الدسم .. امتصاصها بطيء ولا يزيدك دهون ويبني لك عضل ... بين الوجبات اذا جعت تاخذ سكوب الواي مع تفاح اخضر ...لا تاكل توست بين الوجبات ... طريقة استخدامك للامينو صح ... لاتنسى المشي عشان تنزل دهونك شوي ... بالتوفيق يابطل
شكرا لمرورك يا غالي
ان شاء الله اسوي الي قلت عليه
