رد: طريقة تناول البروتينات
عليكم السلام ورحمة الله وبركاته
برأيي اجل الكورس الى مابعد رمضان... بعض اللاعبين في رمضان يوقف لعب وياخذ رست راحة وفيه بعضهم مايطمح لاكثر من المحافظه على المكتسب العضلي لاسباب كثيرة منها التدريب في رمضان + استخدام المكملات مارح يكون فيه تنظيم خاصه مع فتره صيام تتعدى ال 15 ساعة
المطلوب منك تركز على الكارديو+ تمارين حديد خفيفة مثلا الصدر 3 تمارين باوزان خفيفه الى متوسطة ( المشي السريع من 45 دقيقة الى ساعة ) هالشهر وتعتبره مجرد تهيئة للنفس عشانك بعد رمضان بتبدا بنظام غذائي متكامل + برنامج للتدريب+ استخدام المكملات
حاليا اقطع الدهون والسكريات والاكل غير الصحي لاتاكل بشكل كبير وتوصل لحد الشبع والتخمة
ومبارك عليك الشهر
رد: طريقة تناول البروتينات
جزاك الله خير على ردك الطيب ...
وزي ما تفضلت انا فعلا ناوي ابدأ بعد رمضان ..
بس لو اكثر عليك ... ما قلتلي بالنسبة للمكملات كافية لي كبداية ؟؟ وهل ينفع اخذها كلها مع بعض بنفس الوقت ؟؟؟
رد: طريقة تناول البروتينات
حياك ربي
بعد رمضان ارشحلك ..ايزو100 او واي بروتين قولد ستاندر+ الاكستند + ملتي فايتمن من شركه اوبتيمم
كورس حلو
الستخدام بالنسبه للبروتين تحسب كم ناقص بروتين وتكمل النقص .من 2 الى 4 سكوب يوميا
لكن بشكل عام اول ماتصحى الصبح ع الريق مع ماي
بعد التمرين مع ماي
( 150 الى 250 مل)
قبل النوم حليب قليل الدسم او منزوع حسب الرغبه الكميه لكن ماتتعدى 350 عشان المذاق
الاكستيند . سكوب الى سكوبين اثنااء التمرين تاخذ رشفات ( تمزمز) مع ماي بارد لكل سكوب 8 اوز ماي
ملتي فايتمن حبه كل يوم مع الفطور
واذا كنت مقصر بالخضراوات زيد حبه مع وجبه مابعد التمرين
اي خدمة انا حاضر وبعد رمضان اذا الله اعطانا عمر ارجع ارفع الموضوع وبشر كم نرلت ونرتب برنامجك واكلك كان ودك
اذا فيه اخطاء املائية اعذرني من الجوال رديت كنت طالع ؤشفت ردك
بالتوفيق
رد: طريقة تناول البروتينات
من رايي وزنك كبير واذا اخذت بروتينات حاليا يزيد وزنك
الافضل تركز على الكاريو و تنزل وزنك ل 100 كيلو على الاقل وبعدها فكر بالحديد وشد جسمك
رد: طريقة تناول البروتينات
اقتباس:
المشاركة الأصلية كتبت بواسطة humax2007
من رايي وزنك كبير واذا اخذت بروتينات حاليا يزيد وزنك
الافضل تركز على الكاريو و تنزل وزنك ل 100 كيلو على الاقل وبعدها فكر بالحديد وشد جسمك
نفس الرأي
دايت قوي حاول تنزل وزنك مرتفع بشكل كبير وصله بين 100-110 بعدها ادخل في المكملات
رد: طريقة تناول البروتينات
نفس رأي الشباب ..
الافضل تنزل وزنك .. ومن ثم تستخدم البروتين والجلتومين ..الخ ..
رد: طريقة تناول البروتينات
اخوي( قول تم) ما قصرت جزاك الله خير وان شاء الله لي تواصل معاك عقب رمضان ...
والاخوان والله ما قصرتو وجزاكم الله خير ونصيحة طيبة جعلها في ميزان حسناتكم جميعا ...
