ممكن تعلموني كيف مستواي + كورس تنشيف لأيصال نسبة الدهون 10

معلومات المتقدم بالاستفسار :
العمر : 17 , الجنس : ذكر

الطول :181 متر
الوزن : 87 كيلوجرام

نسبة الدهون : 15

و الاستفسار كالتالي :
السلام عليكم ورحمة الله وبركأإته

اخباركم طيبين


طبعا ياخوان موضوعي هذا وانا في حيرة من امري ومن اراء المدربين وكلام الناس كثير


انا صارلي باللعبة تقريبا سنتين ..

بدايتي باللعبة 15 عاما


استخدمت السوبر قينير وياليتي ماستخدمته

وزني كان 75 وصار 80

^ الأغلب ددهون طبعا

بعدها استخدمت التروماس

وهو منتج حلو تقدرون تقولون .. زادني من 80 لـ 83

وبعدها استخدمت الواي بروتين ووزني صار 87

طبعا المطلوب فالموضوع

ان انا يوم قست نسبة الدهون طلعت تقريبا 17 نسبة مو سهلة

وشديت حيلي وصارت 15 + الوزن 87

وكله انني كنت فترة ضخامة وبديت انشف


وللمعلومة وزني عالي فوق لان الطول عندي شوي كويس ان طولي 181 والوزن 86 والشكل ضخم وعضلات ضخمة


..............


المطلوب فالموضوع ياخوان انا حاب انشف لكي تبرز العضلات لان عندي عضلات ضخمة جدا قمت ببنائها خلال فترة تقريبا 5 شهور
وارغب في اظهار السكس بأك

للمعلومة عمري 17 سنة فقط ! وقد بديت اللعبة وانا صغير وهذا شي جميل



المطلوب بالمووضوع ارغب في معرفة مستواي + اظهار السكس باك واوصل نسبة الدهون ل 10

خصوصا اننا برمضأن ..

وحاب اعرف ماهو الكورس القادم

البروتين ~ اي بروتين استخدم بالنسبة لمستوأي


وشكرا مقدما

اخواني اتمنى تفيدوني ارجوكم :02:

قيس تعداد الكالوري TDEE الخاص بك واخصم 500 كالوري يوميــًا وكمل مشوارك.. راح تخسر 2 كيلو في الشهر بشكل آمن مع الحفاظ على العضلات سليمة.
حافظ على بروتين عالي بشكل مستمر في اليوم... وكل خضروات وفاكهة وقلل من الكاربوهيدرات في أيام الراحة (خبز+صامولي+رز أبيض+سكر+معجنات)

تعديل: تذكرت اننا في رمضان هههههههههه.. كثر من وجباتك في فترة الإفطار واضرب بروتين وقول ان شاء الله ما يروح العضل

اوكي طيب حاب استخدم الانيمال ستاك او انيمال تيست ..

كورسي بيكون

واي بروتين + انيمال تيست + مالتي فايتمن + اوميجا 3


رايكم حبايبي بالكورس ومستواي الي وصلت له ؟؟؟

اقتباس:

---

المشاركة الأصلية كتبت بواسطة dmar.lol

اوكي طيب حاب استخدم الانيمال ستاك او انيمال تيست ..

كورسي بيكون

واي بروتين + انيمال تيست + مالتي فايتمن + اوميجا 3


رايكم حبايبي بالكورس ومستواي الي وصلت له ؟؟؟

---

ما انصحك في انيمال تست أو انيمال ستاك وعمرك 17 !!
أنت تبغى كورس تنشيف وفي الكورس اللي ذاكره فوق ما في أي مكمل لحرق الدهون !! انصحك بـ انيمال كتس ، مع مراعاة الدايت لأنه بدون دايت ماراح تنزل نسبة الدهون.
ماشاء الله ، شيء حلو أنك بديت اللعبة فـ سن صغير و واصلت سنتين :biggthump

بالنسبة لمستواك يفضل ترفع صور لجسمك :)

بالتوفيق ي بطل.

انت متاكد ان نسبة الدهون صحيحه ؟؟
اذا كانت 15
معناها ان السكس باك ظهرت عندك بشكل خفيف
وانت تقول ماظهرت !!