الجمارك حجزت المكملات ,,,, فزعتكم يا شباب

معلومات المتقدم بالاستفسار :
العمر : 22 , الجنس : ذكر

الطول :176 متر
الوزن : 86 كيلوجرام



و الاستفسار كالتالي :
السلام عليكم ورحمة الله وبركاته

الله يتقبل منا ومنكم صالح الاعمال في هذا الشهر الفضيل ....


يا شباب فزعتكم ... واحد من اخوياي قبل اسبوع جاء من امريكا ووصيته على مكملات منقطعة كمية بسيطة (3 علب سوبر تشارج وعلبة جاك 3 ) طلبتها لانها منقطعة من فترة عاد وهو في مطار الرياض حجزو عليها وقالو ما تعدي حاول فيهم يمين يسار ما فاد مع الجمارك ,,, وش الحل يا اخواااااان والله لي فترة استنى هالمكملات لاني لي كم شهر ادورهم بالسعودية وما حصلتهم فايش رايكم وش الحل ؟؟؟؟؟؟


انتظر ردودكم بفارغ الصبر

حاول تدورلك وااسطه و راح تمشي سلام سلام

الأمر بسيط لاتقلق راسل هيئة الدواء والغذاء بالأيميل أو عبر اتصال واطلب فسح وأخبرهم أن لديك طلبية حجزها الجمارك وراح يتعاونون معاك بكل سهوله ويعلمونك الإجراءات ، وهي بكل بساطه أن حجز الجمارك المكملات تجيب له فسح وتأخذ اغراضك

http://www.sfda.gov.sa/ar/drug/about...s/Drug-dr.aspx

طيب يا شباب الله يعطيكم العافية وما قصرتو

طيب خويي مو من اهل الرياض ويوم شافوهم حجزوها مشى وتركهم ورجع لديرته بشمال السعودية

عادي ارسل احد يمرهم ومعاه فسح من هيئة الدواء ولا لازم خويي يمرهم

تصدق اني طالب يمكن خمس مرات وكلها دخلت سليم هههههههه

واخر طلبيه طالبها قبل اسبوع من بدي بلدنج وأستلمتها قبل ساعتين ،، ماجلست في الجمارك ولا حتى نص يوم ولله الحمد ،، طالب تقريبا ثلاث قطع بوززن 15 باوند .

اشوف انك تروح لمهم بنفسك وتكتب لهم تعهد والشكوى على الله

يا شباب فزعتكم احد عنده واسطه منا ولا منا ..... لان هيئة الدواء شغلتهم شغلة ,,, ولازم الشخص اللي تصادرت منه يمرهم وصعبة هذي لاننا بشمال السعودية ما تسوى نتغربل للرياض

شوف اذا المبلغ بسيط ومايستاهل طنشها والله يعوضك ،، واطلب طلبية جديدة اونلاين وان شاء الله تمشي امورك .