## استفسار عن استخدام مكملات ##

معلومات المتقدم بالاستفسار :
العمر : 29 , الجنس : ذكر

الطول :173 متر
الوزن : 66 كيلوجرام



و الاستفسار كالتالي :
السلام عليكم ومساكم الله بالخير ورمضان كريم

يالاخوان مشكلتي صراحة بالوزن ،، ماعرفت ازيده صراحة ،، كان 72 ونقص لحد 66 من شهرين تقريبا وللحين ماعرفت ازيده ولا كليو ،، فاشتريت مجموعة مكملات بعضها ناصحيني فيها بدي بلدنج وبعضها موجودة عندي من قبل ،، وابيكم تعلموني افضل طريقة لاستخدامها واكون لكم شاكر .

الاول / Twinlab: Gainers Fuel Pro
http://www.bodybuilding.com/store/tl/gainerspro.html

الثاني / Pro complex

الثالث / Serious mass

الرابع / Xtend

استفساراتي يالاخوان مثل ماقلت لكم انا ابي ازيد وزن وعضل ،، فسألت بدي بلدنق قالولي الثلاث الاولى كلها نفس الاستخدام ونصحوني اخذها حبه حبه يعني استخدم الاولى واذا خلصت منها احول للثانية وهكذا ،، اضيف عليها الاكستند .

ومثل ما أعرف ان السيريس ماس لزيادة الوزن ،، لكن البرو كمبلكس العادي مافيه زيادة وزن ابد وخاص للعضل لاني كنت استخدمه ،، والمكمل الاول بصراحة ماعرفه واول مره استخدمه وجايبه لي ولد عمي من امريكا نصحني فيه ،، فكثير نصحوني استخدم سيريس ماس وازيد وزن ثمن استخدم البقيه .

فمدري وش نصيحتكم يالاخوان وياليت ترتبون لي طريقة استخدامها ،، وكم سكوب ،، ومتى نستخدمها ؟؟

مع العلم اني ابي زيادة وزن + زيادة عضل ،،

يالربع منتظرين اجاباتكم لاهنتم .

رمضان كريم

وعليكم السلام .وكل عام وانت بخير
في رمضان استخدم سكوب مع الفطور وسكوب بعد التمرين .واذا اكلك مافيه بروتين كافي زيد سكوب قبل الفجر ... واكيد طريقة الاستخدام تعتمد على جدولك الغذائي ... حط جدول اكلك عشان نفيدك ... ابدا بالسيرياس ماس .. بالتوفيق

فيه بروكومبلكس عادي للتنشيف
وفيه بروكومبلكس قينر للتخضيم

حدد مكملاتك عشان يفيدونك الاعضاء بطريقة الاستخدام

ومكملات القينر تزيد وزنك لكن ( دهون )

اذا حاط في بالك عضلات بطن وتقسيم لا تشتري القينر

خذ لك ايزو 100 , xtend , زيت السمك , كرياتين ( con cret ) , نانو اكس ( بور )

انا محدد وكاتب برو كمبلكس العادي ،، وكاتب المكملات اللي معي يالاخوان يعني مابي اطلب شي ،، ابي اعرف استخدام اللي عندي .

نظامي الغذائي لك عليه صراحه ،، يعني في الايام العادية مثلا افطر عقب الفجر ممكن حبه ساندوتش وعلى الدوام وارجع الظهر اتغدا وادسم ،، عقب المغرب اخذ حبتين سندوتش مثلا او تميس بالجبن ههههه ،، الساعه 10 اتعشى اوقات عشاء خارجي واوقات عشى في البيت ،، فانا كنت استخدم البرو كمبلكس جينر لكن للاسف ماحسيت انه فادني بشي ،، فقلت اغير للسيريس ماس لان كثير نصحوني فيه ولعله يضبط على جسمي .

فعندي هالحين هالمكملات الاربع ،، الاكستند راح استخدم سكوب عقب التمرين هذا اللي قالي عليه المدرب لاني ما حب استخدمه مع التمرين ،، باقي المكملات الثلاثه هذي اللي محتار ومدري أبدأ بشنو فيهم ،، وكم سكوب باليوم .

يعني فيه ناس نصحوني أبدأ بالسيريس ماس لانه حق زيادة الوزن ،، وعقب ما اوصل للوزن اللي ابيه 75 كيلو ،، ابدأ باستخدام المكملات الثانية كل شوي واحد لحد مايخلص ،، لكن انا ابي اخذ أرائكم انتم من خبرتكم ،،

فاللي ابيه منكم لاهنتم ،، تفيدوني أبدا بشنو من المكملات ؟؟؟ وكم سكوب باليوم ؟؟ وفي اي وقت استخدمه ؟؟

مع العلم ان تمريني غالبا عقب الظهر ،، فيوم كان معي البرو كمبلكس الجينر كنت مقدر اتغدا صراحه ،، لاني اعود من النادي واخذ لي نص سكوب من هالكبير وعقب ماخذه بنص ساعه يجي الغداء ومالي نفس فيه ابد .

اذا نظامك الغذائي لك عليه .. جسمك بيصير لك عليه ... هاذا اذا فادتك المكملات اصلا ... على العموم على جدولك تقدر تاخذ سكوب مع العنب الفجر .. وسكوب قبل التمرين بساعه او ساعه ونص
وسكوب بعد التمرين .. واذا غداك بعد التمرين على طول خل السكوب الثالث العصر ... ومثل ماقلت لك ابدا بالسيرياس ماس .. بعدين قينر فيول ..بالتوفيق

يعطيك العافيه حبيبي

3 سكوبات سيرس ماس باليوم ؟؟

ايه 3 سكوبات

اقتباس:

---

المشاركة الأصلية كتبت بواسطة rshoody

انا محدد وكاتب برو كمبلكس العادي ،، وكاتب المكملات اللي معي يالاخوان يعني مابي اطلب شي ،، ابي اعرف استخدام اللي عندي .

نظامي الغذائي لك عليه صراحه ،، يعني في الايام العادية مثلا افطر عقب الفجر ممكن حبه ساندوتش وعلى الدوام وارجع الظهر اتغدا وادسم ،، عقب المغرب اخذ حبتين سندوتش مثلا او تميس بالجبن ههههه ،، الساعه 10 اتعشى اوقات عشاء خارجي واوقات عشى في البيت ،، فانا كنت استخدم البرو كمبلكس جينر لكن للاسف ماحسيت انه فادني بشي ،، فقلت اغير للسيريس ماس لان كثير نصحوني فيه ولعله يضبط على جسمي .

فعندي هالحين هالمكملات الاربع ،، الاكستند راح استخدم سكوب عقب التمرين هذا اللي قالي عليه المدرب لاني ما حب استخدمه مع التمرين ،، باقي المكملات الثلاثه هذي اللي محتار ومدري أبدأ بشنو فيهم ،، وكم سكوب باليوم .

يعني فيه ناس نصحوني أبدأ بالسيريس ماس لانه حق زيادة الوزن ،، وعقب ما اوصل للوزن اللي ابيه 75 كيلو ،، ابدأ باستخدام المكملات الثانية كل شوي واحد لحد مايخلص ،، لكن انا ابي اخذ أرائكم انتم من خبرتكم ،،

فاللي ابيه منكم لاهنتم ،، تفيدوني أبدا بشنو من المكملات ؟؟؟ وكم سكوب باليوم ؟؟ وفي اي وقت استخدمه ؟؟

مع العلم ان تمريني غالبا عقب الظهر ،، فيوم كان معي البرو كمبلكس الجينر كنت مقدر اتغدا صراحه ،، لاني اعود من النادي واخذ لي نص سكوب من هالكبير وعقب ماخذه بنص ساعه يجي الغداء ومالي نفس فيه ابد .

---

السيرياس ماس والفيول راح يملونك دهون

البروكومبلكس العادي موب القينر كويس

اذا حاط ف بالك.تقسيم وعضلات بطن

احذف السيرياس ماس والفيول

استمر ع البروكومبلكس العادي
سكوب الصباح وسكوبين عقب التمرين

الاكستند تشربه وقت التمرين او قبل او بعد

يعطيكم العافية على المشاركة

اخوي زحمة حكي المشكلة عندي الوزن ،، انا ابي ازيد وزني في البداية ثمن اضبط العضلات واسنعها ،، لي سنه تقريبا اتمرن بدون الاعتماد على المكملات ،، حاسس بالعضلات ومقسم شوي الجسم لكن ماش مجرد ماتلبس الثوب تختفي داخله :( ،، لان هيئة جسمي ضعيفه اشوفها ،، ومثل ماتشوف الوزن كان 72 وصار 65 تقريبا ،، فأبي اوصل الوزن لـ 75 كيلو مثلا ثمن اوقف من مكملات الضخامة وامسك البقية .