اصبت بانزلاق غضروفي فمن السبب..؟؟

معلومات المتقدم بالاستفسار :
العمر : 30 , الجنس : ذكر

الطول :180 متر
الوزن : 85 كيلوجرام



و الاستفسار كالتالي :
السلام عليكم
شباب الله يحفظكم من الامراض والاصابات والعين
انتبهوا تروا العين حق
عموما سبب الاصابة ماتهمكم للاسف اتمرن والناس على باب الصالة مثل الدرابيل الحمد لله
المهم
جاني الم مفاجئ شديد جدا اسفل الظهر
رحت للدكتور عطاني مسكن وقال رح ارتاح
الالم كل يوم يزيد رجع للدكتور قال لازم نعمل رنين
عمل الرنين
طلع عندي نتوء في القرص بين الفقرات 3-4 و 2-1
والحمد لله القرص سليم ماتعرض للفتق والنواة سليمة
لكن الالام مستمرة اسفل الظهر + ظهور اعراض عرق النسا في القدم اليمنى
هذا الموضوع صار قبل رمضان يوم 28 / 8
اخوان اجاركم الله من هذا المرض وحصنوا انفسكم العين حق
*
وش رايكم يا اخوان في حالتي هل ارجع امارس الرياضة ؟؟
هل يرجع القرص مكانه
كم احتاج راحة ثم ارجع او خلاص باي باي كمال اجسام؟؟
هل احد له تجربة

من ناحيه العين مايحتاج فيه ناس عيونهم حاره مره واحد قدام عيني تكلم على واحد وطاح عليه البار .. واحيانا الواحد يحسد بدون قصد عشان كذا عود نفسكم تذكرون الله على اي شي

اما بالنسبه لأصابتك من رايي انك تريح اي اصابه عضل او عضام تحصل الدكتور يقول لك ارتاح ريح لين ماتشوف الالم خف او راح وماعليك من المدربين الي يقول لك تمرن عليها عشان تفك وهوما يعرف نوع الاصابه من الاساس هو انزلاق هو تمزق هو الم بسيط ماهو دكتور عشان يتفلسف وعشان ماتمل لاتقطع النادي روح تمرن على السير او كارديو حسب الاستطاعه عشان مايترهل جسمك شوي شوي لين ترجع تتمرن والف سلامه عليك وماتشوف شر

ماتشوف شر يالغالي وسلامات إن شاء الله
بالنسبة لحالتك طبعا ماراح تقول باي باي حديد ، ولكن في تمارين راح توقف عنها مثل السكوات ، الديد لفت ، اي تمرين يخص عضلة الترابس ، تمرين القطنية العبرة اي تمرين يعمل ضغط على هذه المنطقة .

وانا من رأيي انك تتابع إصابتك مع الطبيب وتتبع نصائحه إلى ان تحس انه الوضع مطمن لتدخل هذه التمارين اللي ذكرتك أياها .

خليك مع الدكتور .. وحاول تشوف احد متخصص

زميل عانا من نفس المشكلة .. خلك على كلام بويكا .. ولاتهمل الاوميقا ٣ واذا قدرت تاخذ انيمال فليكس يكون ممتاز

ماتشوف شر ياخوي