ممكن استفسار حـول المنتج الدب الروسي Russian Bear5000

معلومات المتقدم بالاستفسار :
العمر : 42 , الجنس : ذكر

الطول :168 متر
الوزن : 61 كيلوجرام

نسبة الدهون : 15

و الاستفسار كالتالي :
السلام عليكم ورحمة الله وبركاته


كثر التساولة والاقويل بان المنتج الدب الروسى مضروب ..؟


قلت خلينى اروح وتاكد بنفسى واسال المحلات..


المهم ياشباب دخلة على محل روزلست فى الكويت وسالتهم عن المنتد الدب الروسى ..؟


وسالته هل فعلا الكلام المتداول بين الناس صحيح ان المنتج مضروب ؟ قالى اخوى لو المنتج مضروب لايمكن يدخال وخاصة الكويت متشدده بهاذى الامور ولزم يمر على وزارة الصحة والتجارة..والخ...


قلت له طيب شنو المنتج المضروب ؟ قالى بل حـرف الواحد... المنتج المضروب هــو russianbear1000 ...

قلت له كيف طيب ؟ قالى المنتج russianbear1000 وخاصة الى يجى على شكل سطل. هو المضروب فيه مادة ونسبة كرتزون عالى ويضــرب جهاز المناعه..


الى ابى اوصل له الحين كيف او حتا لو شريت منتج الدب الروسى من عندهم شلون راح اعرف انه مضروب ؟ شنو ممكن يبين معاى ..؟

طيب اولا ليش لازم الدب الروسي غير لاي منتج ثاني

وثانيا الافضل انك تطلب من برا تضمن المنتج الي بتشتريه يكون اصلي وتاريخ انتهائه بعيد

اشاعات
ولاتصدق كلامه بخصوص الدب الروسي 10000
تراه اصلي بس الشركه كنديه ولها موقع على النت

سبب عزوف الناس عن المنتج 10000 ان فيه نسبة سكر عاليه جدا مقارنة ببقية منتجات القينر
اما المنتج اصلي ولافيه كرتيزون ولا خرابيط صاحب المحل

بالنسبه للدب الروسي 5000
انا ماادري وش سبب شرائك له
لان المنتج عادي جدا وفيه منتجات افضل منه مثل بروكمبلكس جينر وتروماس
ولايغرك كلمة زيروفات
ترا الشركه استخدم هالجمله لخداع الناس لان الكارب الكثير عن حاجة الجسم يتحول فات :)

كلامه صحيح وخصوصا عند البائعين في السعودية الدب الروسي 10000 مضرووووووووووووووب
انا اقول هالكلام من تجربه اخذت 2 وللاسف مافيه اي زيادة في الجسم وفوق هذا ما عليه تاريخ انتهاء وشكل البودر غريب فيه لمعان مو طبيعي
احس انه مخلوط بقزاز عموما انا حطيت اكس كبيررررر على البائعين في المنتدى وغيرهم في السعودية
والان طلبت واي بروتين من برا وربي تغيير جسمي في اسبوعين رغم اني نحيف والتغذية مو ذاك الزود في رمضان
لكن فعلا هنا بعض البائعين حراااامية نصااابين


سلملم

الله يعطيكم الف عافية يا شباب على الردود وماقصرتوا والله

وبخصوص الى يسالنى ليش الدب الروسى وشنو الى عاجبك فيه !! والله من تجربتى له تغيرت %180 يوم كنت استخدمه كان معطينى اكتاف كبيره وضخامه بصراحه وانا الحين الى ابيه كيف اطلبه من براا والله تعقدت مانى عرف شلون والموقع الوحيد الى يبيع الدب الروسى هو موقع البدى بلدنج كيف اشترى من عندهم وهل الارمكس يصل للكويت ؟

واكثر شى يعقدنى فى موقع البدى بلدنج هـو ZIP CODE ؟؟؟ مانى فاهم شنو المقصود فيه ...


وهل الموقع يقبل الفيزا ؟ او الكاشيوا او شنو يقبل ياليت لقى اجابة بنتظاركم


وشكراا

http://www4.netrition.com/vitol_russian_bear_5000.html
الموقع هذا مضمون و والشحن مع فيديكس