ابي استشارتكم في هذه المنتجات

معلومات المتقدم بالاستفسار :
العمر : 19 , الجنس : ذكر

الطول :1.69 متر
الوزن : 67.8 كيلوجرام

نسبة الدهون : 23.7

و الاستفسار كالتالي :
السلام عليكم حبيت اني اشترك في هذا المنتدى بصراحه من افضل المنتديات الي شفته من ناحية التجاوب والاستمرار .,
حبيت اسأل الكباتن انا بدش كورس تضخيم صارلي 3 شهور اتمرن وكنت 64 وصار وزني 67 مع التغذيه الصحيحه بس اكثر السمنه تجي في البطن اما الذراع لا يكبر وجسمي يحرق بسرعه الاكل يعني اجي اكل وباليودم ادخل الحمام افرغ مرتين الا 3 عزكم الله .,
اما من ناحية المكملات الي اخذهم فهي ., سيريس ماس + امينو 23.000 دايتمز + جلوتامين + قبل تمرين نو اكس بلود
وحبيت الشهر الجاي اني اخذ سيريس ماس + بي س اي اي امينو اكس بدال الدايمتز + جلوتامين + محتار بين انيمال ستاك وانيما ام ستاك وهل عمري منااسب للانيمال ستاك عمري 19 لكن التسترون عندي قليل يعني عضلتي صغيره ولا تكبر بسرعه وتوزيع تسترون في ذراع قليل مو متساوي ., وشكراً

up up up احتاج الى ردود ما عليكم امر

نااطر الردوود ما عليكم امر :)

وعليكم السلام
ياليت تحط جدولك الغذائي اليومي عشان نفيدك اكثر ..

وعليكم السلام


حياك الله اخوي


بالبدايه لاتحاول تخبص في الاكل بمعنى كل ولكن خل اكلك نظيف مايعرف عند لاعبي كمال الاجسام
بالضخامه النظيفه كأن يكون اكلك اغلبه مبني على الاكلات المفيده
صدور دجاج - ارز بني - رغيف البر - الاسماك - الخضروات - حليب ومشتقاته ...... وغيرها
وتكون بكميات جيده ومقسمه على مدار اليوم


الكثير من الشباب ياخذ راحته في الاكل عالاخر من ثم يفاجأ ان كمية الدهون بجسمه في ازدياد
سريع (على نوع الجسم ونمط الحركه) مقارنه بالمكسب العضلي




عالعموم
بالنسبه للمكملات
اذا باقي ماشتريت شي تقدر تاخذلك
الBCAA + البروتين + ملتي فايتمن من الصيدليه + تقدر تضيف ام ستاك


وللمعلوميه بخصوص هرمون الذكوره
ماله علاقه بتوزيع الدهون في ذارعك او بمعنى اصح التست لاتقاس نسبته او معدله بالجسم
بالنظر لضخامة جزء عن غيره


غالبية الدهون المخزنة في البطن والخصر والمؤخره يكون للانسولين دور كبير في تخزينها
وممن اسباب اطلاق البنكرياس لكميات او دفعات كبيره نسبيا من الانسولين هو تناول الكاربوهيدارت او السكريات السريعه مثل الحلويات .... الخ










بالتوفيق

شكراً اخوي سترو واخوي ذا كاست على الردود .,
انا جدولي الغذائي ., بيض مفيوح 4 بيضات في الصباح بعدها اخذ السيريوس ماس الغداء ارز ابيض مع صدر دجاج او لحم او سمك +تمرين بعد التمرين بروتين شراب وفي العشاء اكل مشوي ستيكات او مشاوي او تونه
وانا صحيح كنت اكل الحلويات والكاكاو والبطاطس جيبس بشكل جنوني لكن الحين صارلي سنه اقطع هالاشياء .,
بس ما عليك امر هل احتاج كارديوو بما انا اريد التضخيم لكن اريد تضخيم صحيح ليس العريض جداً مع نسبه عاليه من الدهون .,
و بالنسبه للانيمال ستاك انا عمري 19 هل تنصحني اخذه ؟ ام اخذ عشبة عصا علي

مانصحك اخوي بالا ستاك عمرك صغير وماتحتاجه وهرموناتك تمام ... جدولك حلو بس مشكلتك بالسيرياس ماس خلصه وحول على واي بروتين او بروكومبليكس او كومبات اي بروتين يكون بدون فات او فات قليل لان واضح ان جسمك يجمع دهون بسرعه وماتحتاج بروتين قينر ..واكلك ممتاز..وحتى مع الضخامه لازم كارديو بس يكون مشي سريع لمده 30 35 دقيقه بعد التمرين ... وجبه الفطور البيض زيد معها شوفان مع حليب خالي الدسم وعسل ... وخل البروتين بين الغداء والفطور يعني بعد الفطور بساعتين 3 ...بالتوفيق

اوك تسلم اخوي ., اهو قليل ويخلص السيريس وانا عندي واي قولد راح اكمل عليه بس جسمي يحتاج بروتين وايد اقدر اخذ الواي 3 مرات بالايوم لان بعض الايام تجيلي حالات ما اقدر اكل فيها كثير ؟ .,
اوك راح ازيد عليها العسل والشوفان ., + راح احاول اللعب سنه ولمن ادش بأوخر 20 راح استعمل الاستااك وشكراً على النصاايح اخوي ستروو