رأيكم بجدولي الغذائي الاول ( من اعدادي )

معلومات المتقدم بالاستفسار :
العمر : 18 , الجنس : ذكر

الطول :172 متر
الوزن : 65 كيلوجرام

نسبة الدهون : !!!!

و الاستفسار كالتالي :
السلام عليكم ورحمة الله وبركاته

اريد اخذ ارائكم حول جدولي الغذائي الاول

بعد اعداد طال كثير وحسبة ووجع راس < ان شاء الله يطلع مفيد :D

الجدول :

الساعة 10 << فطور >> :
2 بياض بيض + علبة تونة << المصفى 70 جرام >> + خبز أسمر + عصير برتقال

الساعة 1م << غداء >> :
كوب أرز مطبوخ + 100 جرام صدر دجاج + طماطة واحدة معصورة + عصير برتقال

الساعة 4م << سناك >> :
جزرة + كوب لبن خالي الدسم

الساعة 7م << قبل التمرين >> :
صدر دجاج + خبز أسمر + عصير برتقال

الساعة 10م << بعد التمرين>> :
علبة تونة + خبز أسمر + عصير برتقال + بياضة بيض


.. القيمة الغذائية للجدول ..

كارب = 233,72 (( ناقصة قيمة 100 جرام صدر دجاج لاني لااعرف قيمتها ))

بروتين = 130,7 تقريبا

دهون = 7,21 (( هذي ناقصة قيمة صدر الدجاج + التونة + بياض البيض + زيت الطبخ لاني لااعرف قيمتها طبعا ))

الكالوري = 1281.94 سعرة حرارية


اتمنى منكم تعطوني رايكم + انا خايف من كثرة الكربو هدرات ياليت تعطوني عصير مفيد غير البرتقال لانه الكربو هدرات فيه كثيرة بنسبة 25

وشرايكم في الجدول ؟ هل تشوفون انه بيفيدني بالتضخيم وهل منه خوف من ناحية السمن


تحياتي لكم

طبعا الجدول يتناسب مع وقتي والاكل المقبول عندي

+ بعد اسبوعين راح اقسم الجدول لـ 6 وجبات (( علشان يتناسب مع المدرسة ))


ارائكم

صدر الدجااج مافي كارب يعني لا تحسبه + جدولك حلو وانت تبي تضخم يعني تحتاج كارب لا تخاف اهم شي الفات لا تكثر منه اهو الي يسبب الدهون ., والكارب تحتاجه يساعدك على التمرين يعطيك طاقه وراح تحرقه

يعطيك العافية على التجاوب السريع

الله يطمنك :D

ننتظر اراء البقية

اخوي الكالوري عندك 1512 تقريبا.
اضرب الكارب والبروتين * 4
والدهون اضربها * 9
يطلع المجموع مثل ماذكرت ، طبعا غير الاشياء اللي ماحسبتها انت. يعني زيد عليها اقل شي 50 - 100 كلوري.

اقتباس:

---

المشاركة الأصلية كتبت بواسطة ابو دانا الحربي

اخوي الكالوري عندك 1512 تقريبا.
اضرب الكارب والبروتين * 4
والدهون اضربها * 9
يطلع المجموع مثل ماذكرت ، طبعا غير الاشياء اللي ماحسبتها انت. يعني زيد عليها اقل شي 50 - 100 كلوري.

---

ممكن اضيف كوب مكرونة مطبوخ =197 كالوري

لكن انا خايف من زيادة الكربوهدرات لانها تعدت النسبة المناسبة لجسمي بكثير وخاصة اذا اضفت 200 كالوري زيادة

اخاف تصير بدل التضخيم ( سمنة )

اتمنى اشوف اراء الخبراء وهل الجدول يأهل أني اخش كورس التضخيم فيه او لا

فيه طريقه لمعرفة كم تحتاج من كالوري حتى تقوم بالتنشيف او التضخيم بشكل عام .
اول شي يجب عليك معرفة كم كالوري تحتاج يوميا حتى تحافظ على وزنك الحالي (تقدر تعرفه عن طريق الموقع http://www.freedieting.com/tools/calorie_calculator.htm) بالنسبه لك تحتاج الى بين 2000 - 2200 كالوري يومياً لتحافظ على وزنك الحالي , للتنشيف تقوم بإنقاص عدد الكالوري بين 500-800 يوميا وللتضخيم تقوم بزيادتها نفس النسبه تقريباً (او حسب ماتراه يناسب جسمك من ناحية كمية العضل والدهون المكتسبه) .

خلاصه الكلام انت تحتاج الى بين 1200 الى 1700 كالوري يوميا حتى تقوم بإنقاص وزنك .

تحياتي

اقتباس:

---

المشاركة الأصلية كتبت بواسطة ابو دانا الحربي

فيه طريقه لمعرفة كم تحتاج من كالوري حتى تقوم بالتنشيف او التضخيم بشكل عام .
اول شي يجب عليك معرفة كم كالوري تحتاج يوميا حتى تحافظ على وزنك الحالي (تقدر تعرفه عن طريق الموقع http://www.freedieting.com/tools/calorie_calculator.htm) بالنسبه لك تحتاج الى بين 2000 - 2200 كالوري يومياً لتحافظ على وزنك الحالي , للتنشيف تقوم بإنقاص عدد الكالوري بين 500-800 يوميا وللتضخيم تقوم بزيادتها نفس النسبه تقريباً (او حسب ماتراه يناسب جسمك من ناحية كمية العضل والدهون المكتسبه) .

خلاصه الكلام انت تحتاج الى بين 1200 الى 1700 كالوري يوميا حتى تقوم بإنقاص وزنك .

تحياتي

---

يالغالي انت فاهم الموضوع غلط

هذا الجدول للتضخيم ماهو لانقاص الوزن

اتمنى اذا بتقدر تعدل على الجدول عدل عليه علشان يتناسب معي في فترة التضخيم

اللي فهمته منك لازم تكون نسبتي اليومية من الكالوري 3000

هذا اضنه شي مستحيل لاني اشوف الجدول اللي سويته اكلاته كثير

ويمكن 3000 سعرة حرارية ماتقوم بالتضخيم يمكن تسمني على الفاضي

اتمنى تشوف الوضع اذا لك خبرة

ياشباب وينكم ؟؟؟

السؤال في هالحالة

هل جدولي كله غلط لان السعرات 1200 سعرة ؟؟

الجدول يوفر لي الكمية المناسبة من البروتين + الكارب لكن السعرات ماعندي خلفية عنها


يعني اذا مشيت على هالجدول ينزل وزني ولا كيف ؟؟

اتمنى الاجابة

شوف اخوي انا اقصر منك طولي 168 واسمن منك وزني 72
اتناول يوميا بما يعادل 1200 كيلوري وهدفي هو التخسيس ...

اذا الله سهل لي وبدأت بالتضخيم سوف استخدم نفس المعادله وأزيد 300 كالوري على معدل الاستهلاك اليومي وأشوف الوضع اذا كان مناسب استمر والا أغير .

معنى ذلك اذا همك التضحيم المفترض انك تتناول ( تبدأ من 2300 كيلوى وتشوف الوضع اذا ناسبتك الضخامه مع كمية الدهون المكتسبه اذا لا زيد عليها ) .

عند الضخامه سوف تكسب بعض الدهون تختلف من شخص لآخر حسب جسمه وطريقه تمارينه وأكله .

بالتوفيق ...

اخوي ابو دانا ماقصرت

لكن استفسار اخير

انا ممكن اوصل السعرات لـ 2000 لكن يقابلها زيادة في الدهون + الكارب ( زيادة عالية في الكارب )

هل الزيادات راح تأثر يعني هل ممكن انها تسبب سمنة بدل تضخيم ؟؟

اتمنى الاجابة علشان اعدل على الجددول

ماقصر الكابتن عطاك المفيد امش على الجدول الي انت مسويه وزيد عليه كوبالمكرونه وشوف وضع جسمك قاعد يزيد ممتاز . إذا ثابت زيد ٣٠٠ كالوري ثانيه الين تلقى الرقم اللي يناسبك . ولا توس وس بالسمنة . انت قاعد تتمرن منت متسدح ببيتكم .. وجبه الجزر باللبن زيد علبه زبادي والى كأس ثاني لبن . بالتوفيق

اقتباس:

---

المشاركة الأصلية كتبت بواسطة خالد ,,

اخوي ابو دانا ماقصرت

لكن استفسار اخير

انا ممكن اوصل السعرات لـ 2000 لكن يقابلها زيادة في الدهون + الكارب ( زيادة عالية في الكارب )

هل الزيادات راح تأثر يعني هل ممكن انها تسبب سمنة بدل تضخيم ؟؟

اتمنى الاجابة علشان اعدل على الجددول

---

اول شي لاتخاف ماراح تسمن فجأه ويطلع لك كرشه بدون ماتدري
نصيحتي لك تابع وزنك أول بإول ونسبة الدهون في جسمك
لايوجد رقم مثالي أحد يقدر يعطيك أياه بخصوص التضخيم بدون دهون او دهون قليله
أفضل طريقه انك تجرب وتشوف , ابدا مثل ماتفضلت ب 2000 كالوري وشوف الوضع اذا ناسبك التضخيم وزيادة العضل استمر , ماناسبك زيد عليها 200-300 كيلوري , حتى تاصل للرقم المناسب لك .

تحياتي .