نصايحكم بخصوص مشكلتي : ضعف العضلات

معلومات المتقدم بالاستفسار :
العمر : 22 , الجنس : ذكر

الطول :174 متر
الوزن : 70 كيلوجرام

نسبة الدهون : 18

و الاستفسار كالتالي :
السلام عليكم

يااخوان انا لي 3 اسابيع داخل النادي .. وكل يوم العب حديد
اول اسبوع كان اجهزة ثم حولت ع الحر

مشكلتي ضعف العضلات : الاوزان اللي اشيله بالحر ضعيفة مره وما اقدر استحملهم
يعني اليوم العب دنابل للباي 5 كم والمجموعة الاخيره ماقدر اكملها

والبار 10 كم وما اقدر اكمل المجموعة الاخيره

عضلاتي ضعيفة ابي حل .. هل فيه مكمل يقوي او يعطي العضلات بور اثناء التدريب مع العلم اني استخدم : واي بروتين + كرياتين + ملتي فايتمن + اومقا ثري + جلوتامين

وعليكم السلام

يا طيب ترى لسا بدري تفكر بذا الشي الان

قد ما تقدر خليك على الاجهزة واذا مرة خلي تمرين واحد ولا اثنين دنابل

ترى اكل العنب حبة حبة يا صاحبي


اهتم بالتغذية وحاول تركز بتمارينك ولا تشغل نفسك بالاوزان وان شاء الله بعد فترة تلاقي نفسك ولا احلى

والاهم من كل شي لا تقارن نفسك بغير, كل واحد جيناته مختلفة واكله ونومه واشياء كثير

حبيبي والله شكرا .. بس مانستغني عن نصايحكم ممكن تفيدنا وتقدمنا خطوات للأمام

شكرا ياخوي .. هل كتبت انا بالموضوع اني اقارن نفسي بأحد ؟ والله ماقارنت نفسي بأحد بس عضلاتي ضعيفة حتى المدرب ملاحظ علي .. أقل الأوزان بالكاد أشيلها

ما كتبت بس طبيعي الشخص يحس باحباط لما يشوف احد حوله يشيل وهو مو قادر

عزيزي هذا شي طبيعي بالنسبة لك
خذلك تمر قبل التمرين يعطي باور او شوفان
ومع الايام بتتحسن

اقتباس:

---

المشاركة الأصلية كتبت بواسطة Big Al

ما كتبت بس طبيعي الشخص يحس باحباط لما يشوف احد حوله يشيل وهو مو قادر

---

لا والله ياخوي انا ماناظر أي أحد بالنادي .. ومتفهم مسألة الفروق الفردية جدا .. بس حاس إني بضعف في عضلاتي

​3اسبايع مده غير كافيه اى حد فى الاول كده بعد كده مع استمرارك كل ده هيتغير واهم شى تنويعك فى التمرين والاعتماد على الحر بجانب الاجهزه والتغذيه ثم التغذيه ثم الراحه

عادي عندي صديق اول مادخل على النادي مايقدر يشيل اكثر من 11 كيلو بالجهاز
بعد 4 اسابيع او اقل صار يشيل 18 كيلو والان 25 بالجهاز
عادي مع الوقت تتحسن ركز على التغذيه
وبدري عليك تستخدم كرياتين و جلوتامين اكتفي بالواي والفيتامينات والاوميغا بس