عرض للطباعة
معلومات المتقدم بالاستفسار :
العمر : 18 , الجنس : ذكر
الطول :174 متر
الوزن : 86 كيلوجرام
و الاستفسار كالتالي :
السلام عليكم ~
عندي نسة دهون زايده في الصدر والارداف بشكل كبير ..
وسمعت اكثر من طريقه للتخلص من هالشي
الي يقول عليك بالرجيم وتمارين الحرق الي هي التكرار
والبعض يقول العب كمال اجسام وابني عضل وبيغطي على الدهون
شو الطريقه الصح .. يعني في تمارين بنفس الوقت تحرق وتبني عضل
او لازم احرق الدهون وبعدها ابدا مشواري بالحديد ؟
عندي طريقه ممتازه اذا حاب تجربه بكيفك
وانتضر اراء باقي الاخوان
العب حديد ولما تخلص العب كارديو واركض على الجهاز 10-15 دقيقه وشوف الفرق
فكره جميله وسويتها قبل لاكن ماواصلت عليها ..
احد عنده اراء ثانيه ؟.
وشو هي تمارين الكارديوا الي علي اسويها ولها مفعول اكثر..لاني بحثت بقوقل وفي اشياء كثيره
شوف دامك انت تبي تضخيم . فأنا اشوف جسمك ضخم وجاهز . بس يباله صقل : يعني انت زايد على وزنك المفترض 12 كيلو . هذي خليها عضل مو دهون
بمعنى اخر استخدم هذه الدهون للباور . ارفع اوزان ثقيله .. طبعا مع التركيز . بالنسبه للدهون في منطقة البطن . العب بطن يوم ويوم ( العبه بأمنه بعدد الجلسات ) يعني مو تشوف المدرب بعيد عنك وتسحب على جلسه وجلستين ..
بالنسبه للدهون في منطقة الأرداف : فيه بعض التمارين لمنطقة الارداف . بس ما اعرف اسمائها لاني ماني من فئة الوزن الثقيل
فقط وجهة نظر . وان كانت خاطئه ارجو من الكباتن التصحيح
شكرا
جربت من سنه العب واضخم على نظامك تقريبا شهر ونص او شهرين
عضله الصدر صارت عندي قويه لاكن الطبقه الدهنيه كانت فوقها نفس ماهي ..كان في اختلاف بسيط فقط عن قبل من ناحية المظهر الخارجي
جسمك مهوب زايد مره. لو انا مكانك راح العب اوبتكال بسرعه متوسطه لمدة ربع ساعه، بعدها حديد اوزان ثقيله لمده 45 دقيقه ، في الاخير عشرين دقيقه على السير بنظام الفواصل.
ولكن المهم والاهم هو الدايت وتنظيم الاكل.
بالتوفيق.