المشاركة الأصلية كتبت بواسطة O.X.Y.G.E.N
مسألة تبني عضل وتشيل كرش وتاخذ مكملات في نفس الوقت هذا شيله من بالك
بتضيع وقتك عالفاضي
قدامك حلين
1- تنحف وتشيل الكرش
تنسى بناء العضل والمكملات الحين وتستمر على الدايت وتمارين التخسيس شهر شهرين لين تقتنع بنحفك
لكن تتمرن في صالة الحديد عادي بأوزان متوسطه وخفيفه
2- تبني اساس عضلي ( مو شرط تصير معضل ) وتلتزم من ناحية التمارين والاكل وبعد سنه حولها تنشف وتشيل الكرش معها
انا من رأيي الحل الاول
شيل الكرش ورتب جسمك وشده بعدها ابني عضل صافي براحتك
عشان مو كل شوي تطالع في ذراعك في المرايه مبسوط وتنزل عينك على كرشك وتنكد عليك
