عرض للطباعة
السلام عليكم انا ابغا اشتري كمبيوتر مكتبي لي لعبه واو عشان اللعب اللبعه بكل وضوح بس يكون بسعر حلو انا دحين استخدم لابتوب hp والنت عندي تمام بس اعاني من التقطيع و ما اقدر احط اللعبه دقه عاليه فقررت اشتري جهاز فمككن تساعدوني ما افضل جهاز مكتبي انا بشتري لي لعبه واوا فقط وياريت يكون سعرو تمام
والله يالغالي ماحد يقدر يضمنك مواصفات معينه تشغل اللعبه على اعلى دقه
ولكن اتوقع جهاز بحدود 4000 ريال للصندوق فقط يشغلها بالراحه
وكل ما قدرت تزيد في الميزانيه افضل
وعليكم السلام
اذا تبي الافضل انا بعطيك مواصفات اهي الافضل للعبه ووركرافت و اي لعبه في بالك
روح محل كمبيوتر اللي يجمعون القطع , يعني تسوي كمبيوتر بمواصفاتك مو تشتريه جاهز
قوله ابي
i7 كواد كور , واذا تبي افضل منه i7 سكس كور واذا انت دفيع 8 كور
لكن كواد كور ممتاز
32 جيجا رام , 16 ممتازه ايضا لكن كل ما زدت الرقم كل ما صار الجهاز مجرم
اس اس دي 1 تيرا عشان تحط فيه النظام التشغيلي و تحط فيه الالعاب وسريع بالفتح ماتنطر 5 دقايق بس عشان تفتح اللعبه او غيرها من البرامج
كرت شاشه Nvidia GTX 780 واذا انت من عيال التجار 790 ان وجد لأن يعادل كرتين من 780 , يجي هالكرت 3 جيجا , لكن هالشركه صنعت كرت خاص للماك يجي 4 جيجا
اخذ مذربورد اللي يركبله كرتين شاشه مو واحد , واذا عندك فلوس اشتر كرتين شاشه 780 و ركبهم بالجهاز , او كرت شاشه 790 يساوي كرتين و ركب منه 2 , يصير جهاز ابو الاجرام , جهاز مجنون
شفت المواصفات اللي فوق . لو تاخذ جهاز بالمواصفات هذي انا اضمن لك ان ماكو لعبه بالعالم تقطع معاك , كل لعبه تلعبها على اعلى وضوح بدون اي مشكله
سعره الجهاز بدون اي شي فقط صندوق راح يطلع عليك بحدود 1200 دينار , تقريبا 15 الف ريال "عدل ؟"
بس تاخذ القطع من بره راح يطلع نص السعر يمكن , يعني من ايباي و امازون
اذا انت انسان فقير مثلنا
اخذ اي جهاز IMAC وراح يشغل اللعبه بالراحه , بس ركب عليه وندوز 7 و نزل الالعاب والعب
انا شخصيا كنت العب باللابتوب ومثل حالتك تقطيع و كل شوي يفصل , رحت اخذت imac 21 بوصه موديل 2011 , ركبت عليه وندوز 7 "طبعا مو اصلي" و نزلت اللعبه , اللعبه اشغلها على high و الفريم يعطيني بالمدن الكبيره و بالزحمه 40 فريم يوصل الى 60
لكن حتى لو وصل 40 و 30 مااحس بالتقطيع نهائي , العب كأنه 60 فريم , داخل الرايد يعطيني اقل شي 60 فريم ويصعد يوصل 100
مع انه قديم كرت الشاشه ريديوم 6770 اعتقد هذا اسمه ورقمه او قريب حيل منه و 4 جيجا رام و i5 انتل كور , لكن جهاز شغلي اللعبه وانا مرتاح نفسيا مع بعد اللابتوت
بعدين ابتلشت بالسوني 4 وقلت شلون العب فيها لازم اشتري شاشه ثانيه غير الكمبيوتر لأن الكمبيوتر مايشغل السوني على شاشته , وانت عارف الايماك يجي نظام all in one يعني الشاشه اهي الهاردسك وكل شي
رحت بعد تفكير طويل شريت mac mini وشريت شاشه من محل فيها فتحات اتش دي وشبكت الماك ميني و السوني عليها
مواصفات الماك ميني اللي اخذته اهي اعلى مواصفات موجوده بالعادي مو ال server
i7 كواد كور
4 جيجا رام
كرت الشاشه انتل hd 4000 1030mhz
رحت وطورته ركبت 16 جيجا رام و SSD
ملف مرفق 361630
بعد التطوير شبكته بالشاشه الجديده 27 بوصه و جربت اللعبه
الفريم يعطيني 40 على الhigh و ينزل ويصعد لكن بدون تقطيع نهائيا , والحين اشغل لعبتين ووركرافت بحسابين مختلفين و اشغل البوت عليهم و البوت ثقيل حيل وانا مشغل 2
يعطيني الفريم تقريبا 20 وينزل ويصعد . التقطيع خفيف جدا لدرجه اني ادخل باكاونتي الاول الباتل جراند العشوائي مرات 15 لاعب ومرات مثل altrec valley يكون العدد 40 لاعب و الحساب الثاني ادخل LFR مع 25 لاعب وتعال شوف الضرب والالوان
اثنينهم على high والفريم20 و التقطيع يكاد يكون معدوم , مع اني كنت متخوف من الماك ميني انه مايشغل اللعبه , لكن صدمني وشغل لعبتين بنفس الوقت مع البوت لك لعبه
فأنا اقولك
اجهزه apple محترمه ويعتمد عليها , ولو تشتري imac 27 بوصه ابو كرت شاشه nvidia gtx 780 4gb راح تاكل اللعبه ولا تعرف شنو يعني تقطيع
اما اذا ميزانيتك بسيطه اخذ اي دسك توب راح يشغل اللعبه بالراحه , اما اللابتوب راح يعلق لأن الكروت ملات اللابتوب تكون لازقه بالمذربورد وماتتطور نهائي , اللابتوب من apple يشغلون اللعبه بالراحه اما الشركات الثانيه يعطونك جهاز كوكتيل
اما الدسك توب افضل بكثير من اللابتوب بس اخذ مواصفات شوي طيبه فيما يتعلق بكرت الشاشه
اسف عالاطاله
evga gtx 780 ti
ram 16 gb
ssd 250g
motherbord asus
w power supply 900
windows 7 64bit
case haf x coolermaster
seidon coolermaster 120m
i7 4770k
harddisk 2tb
ماتوقع ناسي شي
بس شوف ياخوي انا ماخذ كل شي عالي
كله طلع علي 750 دينار كويتي
انتا تقدر تاخذ اقل مواصفات واقل سعر وتشغل كل الالعاب
واذا انت قادر على السعر اننصح تاخذ نفس مواصفاتي لان ممتاز جدا
fps 70 w fog wow
يعني قلنا كم ميزانتيك ومنها نقدر نحددلك افضل مواصفات
شكراااااااااا ليكم افدتوني انا ابغا الجهاز عشان واو فقط حسوي تجميع كمبيوتر احسن
اقتباس:
المشاركة الأصلية كتبت بواسطة Karazhan
مستحيل ادفع 15 الف عشان جهاز انا ابغا الجهاز عشان واو فقط طيب جهاز ماك الي سعرو تقريبا 4000 ريال كيف كويس ؟ انا ابغا جهاز بحدود 4000 يكون كويس
http://www.mmo-champion.com/content/...p-of-the-Month
شوف هالرابط بتحصل فيه اكثر من تجميع وبحسب الميزانية
شوف يا طويل العمر
انا ابيك تشتري جهاز يشغل اللعبه فوق الممتاز , لكن انت على كلامك الميزانيه محدوده , في اجهزه بالسعر هذا واقل لكن ماادري عنها اذا تعمر معاك او لأ
انا قلتلك عن ال imac 27 وهذا الجهاز قوي لكل الالعاب , يعني حتى لو فكرت على يوم تلعب لعبه غير ووركرافت و رسمها قوي راح تشغلها بالراحه وفوق ماتتصور لأن كرت الشاشه ماله غير عن اللي بالسوق , كرت الشاشه GTX 780 4G واللي بالسوق كلهم 3G
لكن هذا غالي , واللي ياخذه لازم عنده ميزانيه محترمه لأن سعره يوصل 2500 دولار وفوق حسب المواصفات اللي تطلبها
لكن قلتلك عن الماك ميني لأني اخذته وجربته لما بحثت عن اي شخص يعطيني الخلاصه هل يشغل ووركرافت بالراحه او لأ , لأني كنت متخوف من كرته اللي اهو HD 4000 وهالكرت مخصص للابتوبات
لما حصلت معلومات بسيطه عن الجهاز قلت اطلبه و اشوف بنفسي
وانا معروف عند الشباب هني اني اذا تكلمت عن شي اعطيه حقه و اكتب بالتفصيل الممل عن كل شي يتعلق فيه من حسنات و سيئات و ما استند على وكاله "يقولون"
كل شي من تجربه عندي
شوف يااخي هالكلام لك ولكل شخص يبحث عن جهاز خاص للعبه ووركرافت , يمكن انت ماراح تهتم لكلامي بس انا بكتب لك ولأي شخص يفكر ياخذ MAC MINI او يبحث عن معلومات عنه او متردد فيه هل اهو زين او شين
وانا بكتب لأني لما بحثت من قبل ماحصلت ولا واحد في google يتكلم عنه و هل اهو ممتاز لووركرافت , كلهم يتكلمون عنه بشكل عام وانه كمبيوتر لا اكثر
انا اخذت ماك ميني مخصوص للعبه ووركرافت فقط
وكنت متردد بينه وبين imac 27 اللي طلع علي بحدود 3 الاف دولار بالمواصفات اللي طلبتها
ماك ميني سعره ب899 دولار مايعادل 3370 ريال "غير الشحن طبعا"
هذا الرابط
http://store.apple.com/us/buy-mac/ma.../A&step=config
والمواصفات اللي طلبتها stock اللهم بس 2.6 GHz و اثنينهم i7 , يعني لو احد يطلب 2.3 راح يقل السعر 100 دولار
وطلبت من ايباي SSD وطلبت من موقع متخصص بأجهزه الماك RAM و الماك ميني يشيل 16 جيجا فقط
انت مو بحاجه تطلب شي , لكن انا ابي مواصفات قويه اركبها عالجهاز و صوره فوق بالمشاركه السابقه مبين وانا افك الجهاز واركب القطع
المهم نجي للعبه
اللعبه شغاله معاي اخر حلاوه , انسى شي اسمه تقطيع او يفصل بسبب كرت الشاشه انه مايتحمل الرسم ويفصل من اللعبه , اشغل اللعبه على الhigh بدون اي مشكله
الجهاز قوي للعبه وكرت الشاشه ايضا قوي , الssd والرامات مالهم شغل عشان ماتقول يمكن من اللي مركبهم صار اقوى
الssd اهو ذاكره داخليه اللي تخزن فيها و وظيفه الاس اس دي ان يشغل الجهاز ويفتح البرامج بسرعه كبيره , يعني من تضغط زر ال power تحسب 5 ثواني واقل الا الجهاز فاتح
عندك الفويجن درايف اللي عملته ابل منافس للssd ومايقل عنه و تضيف 200 دولار للمواصفات عشان تحطه بالجهاز وايضا سريع للأجهاز يفتح و يتسكر بسرعه والبرامج تفتح بسرعه
و الssd حجم 1 تيرا يكلف 500 دولار وفوق و من ابل 1000 دولار , عشان جذي عملوا فيوجن درايف يكون بالوسط
كل هذا ماعلينا منه ولا داخل في موضوعنا واللي يهتم فيه الناس اللي تبحث عن سرعه التشغيل اذا كانوا يبون يطلبون من ابل وشافوا كلمه فويجن ومايدرون شنو , هني يعرفون
المهم
حاليا استخدم الماك ميني و مشغل 4 اكاونتات مع 4 حسابات للبوت , يعني 4 لانشات ووركرافت مع 4 بوتات شغالين
واذا حبيت العب اشغل لانش الخامس والعب :)
من ناحيه تهنيق , في تهنيق مااقص عليك , لكن مايفصل ولا يعلق
عفيه عليه متحمل 5 لعبات مع بوتاتهم دفعه وحده , مع ان البوت ثقيل ترى
اما اذا انت تبي تلعب بأكاونت واحد وماعندك هالسوالف "بوت" راح تلعب مثل السحر
سلاسه و نعومه اللي تتمناها
هذا بخصوص تجربتي , لكن اذا انت مالك بالماك ولا تحب هالشركه , روح اي مكان يبيع كمبيوترات وشوف اي جهاز يعجبك و اسأل البايع عن مواصفات الجهاز
وتعال هني حط المواصفات ونقولك اذا ممتاز او لأ
انا اعتقد بالوقت الحالي وبعد التطور ان كل جهاز اصداره 2013 وفوق راح يشغل اللعبه بالراحه
لكن اسأل البايع عن المواصفات احسن عشان ما يغشونك يبيعون جهاز بمواصفات قديمه
على فكره
انا طلبت ماك ميني من موقع ابل ولا اخذته من الكويت ليش ؟
لأن اللي بالكويت مو جايبين اقوى جهاز للماك اللي اهو i7 كواد كور
اللي معروض عندنا بالكويت i5 و انتل كور يمكن بعد
يعني مو اخر ما صنعت apple , لذلك طلبته من ابل
لكن تحتاج شاشه , تاخذ شاشه مقاسها 27 بوصه ب1000 ريال يمكن , او تاخذ شاشه 21 بوصه ب600 ريال "شاشات hp" ولكن السوق مليان شاشات full hd بأسعار اقل . ولا تفكر تاخذ شاشه تلفزيون "نصيحه لك ولأي شخص يفكر" اخذ شاشه كمبيوتر وفيها وصل avi اهي تجي لازم معاه و الشاشه ايضا مزوده بمدخل
hd عشان اذا عندك سوني او اكس بوكس تشبكها على الشاشه ويصير كل شي عندك "كمبيوتر+بلي ستيشن" وماتضطر تشبك السوني او الاكس بوكس على شاشه ثانيه "مثل ما انا عملت وكان الهدف من الماك ميني اني اعمل هالطريقه ويكون كل شي عندي بالطاوله الكمبيوتر والسوني"
ملف مرفق 362104
السوني يمين , شاشه hp 27 بوصه , الماك ميني يسار , سماعات "شريت فاره عطوني السماعات هديه" كوب شاي , طفايه , كيبورد
مايحتاج الحين استخدم تلفزيون البيت و اعكر مزاج احد عشان العب سوني , صار كل شي على طاوله وحده و وداعا للنوع بالدوانيه
مافهمت لكن الفكرة حلوة
شنو ما فهمته وانا اخليك تقول الله ينعل اليوم اللي قلت فيه مافهمت
عموما الفكره اللي انا فكرت اسويها بالبدايه و فعلا سويتها اهي ان مااخلي عدد 2 شاشه ينشغلون بسبب الالعاب , يعني كوني انسان متزوج و عندي اولاد و بنات وعددهم 5 و كلهم بعمر بالمدارس ويتابعون التلفزيون + امهم
قلت بيني وبين نفسي ليش اشتري كمبيوتر و اشغل اللعبه فيه و اشتري سوني "بلي ستيشن" و اشبكها على تلفزيون الصاله و احرم هالاطفال الابرياء من ظلم والدهم و تعسفه و حرمانهم من ابسط حقوقهم ؟
خلني اشتري شاشه وحده بس تكون قريبه مني مثل شاشه الكمبيوتر لما تكون المسافه بينك وبينها 1 متر و هذي الشاشه تكون شامله "للكمبيوتر و السوني" و اعتق تلفزيون الصاله و اتركه للعيال وامهم , لأن ماعندي غيره واهو اللي يشاهدونه العيال وامهم , لو عندي غرفه ثانيه كان حطيت فيها تلفزيونين للكمبيوتر والسوني
لكن شقتي اللي ساكنها ضيقه حيل وماتسمح اني اسوي غرفه خاصه فيني تكون للأمور هذي
ففكرت ومثل ماتعرفون انتوا اني انسان , والانسان الله اكرمه بالعقل , صحيح في مشاركات ثانيه قلت اني حمار لكن الاصل وهذا الاهم اني انسان , قلت ياولد شوفلك شاشه فيها وصله HD اكثر من وحده عشان تشبك فيها السوني والهاردسك وتكون هذي الشاشه شامله لكل الاجهزه
وبعدين فكرت اي هاردسك اشتري , الى ان استقريت على ال mac mini لأني من البحث والمعلومات البسيطه اللي حصلتها عرفت انه خوش جهاز , ولما شريته و استعملته شفت انه جهاز محترم وقوي ويشغل اللعبه بسلاسه ونعومه
و انا شخصيا احترم اجهزه apple لأن اجهزتهم مو تجميع اي شي , يعني مو اللي مجمع جهازهم هندي بالسوق القديم و مركب قطع ماتصلح تركب مع قطع ثانيه ويصير بينهم ضربه شوط ويحترق الباور سبلاي او يحترق كرت الشاشه
واجهزه ابل ذات جوده عاليه و موثوقه , ومن بعد الايفون والايباد و الاي ماك اللي كان عندي قبل جهازي هذا , كنت واثق ان اجهزه ابل محترمه و سعرها فيها , مع ان ال imac 21 بوصه اللي عندي صنع سنه 2011 الا انه يشغل اللعبه على الhigh بكل سهوله وبدون مشاكل تذكر
وكان كرت الشاشه قديم و الرامات 4 جيجا و انتل كور i5 لكن كان ممتاز باللعبه , العب pvp 40 لاعب مع الجرافيك high مااحس بأي شي و اروح raid 25 لاعب ولا يهنق او يقطع نفس ماكان يحصل معاي لما كنت استعمل لابتوب
المهم تشجعت واخذت الماك ميني عشان اهو اللي بالسوق يصلح يكون بالخطه اللي عملتها لصغر حجمه و قوه ادائه
حجمه شبر بالطول والعرض و الارتفاع تقريبا 4 سنتميتر و بالصوره فوق تشوفه فوق يسار حاطه تحت الشاشه والسوني يمين تحت الشاشه . يعني طاوله متر x متر شالت كمبيوتري و السوني والشاشه والكيبورد والسماعات والكيبورد و قلاص الشاي
كل شي صار قريب مني , كأني جالس بالسياره و السكان امامي والمكيف والمسجل والجير كلهم في متناول يدي , يعني بالعربي مايحتاج اقوم من مكاني اذا ابي العب بالكمبيوتر او السوني , او اذا بنص اللعبه علق الجهاز ويحتاج ريستارت مااضطر اقوم من مكاني , كل شي تحت ايدي
حتى التايم كبسول "راوتر انترنت من ابل" حطيته تحت الطاوله اللي عليها الكمبيوتر عشان ايضا يكون قريب مني وفي متناول يدي , هذي كانت الفكره
هذا يسمونه الانجليز my tour و بحط فيديو عن الشي هذا
http://www.youtube.com/watch?v=XG4yFQRXJZ0
هذا الشخص مقلدني "شاف مشاركتي وقال بسوي نفسه"
لكن لاحظ الهاردسك حاطه فوق الطاوله و شكله مخرب المنظر بحجمه الكبير , انا عملت نفس الشي لكن مع ماك ميني وحطيته مثل ما اهو حاط السوني
ومشكله الهاردسك ان اذا احتر راح يحرقك ويطلع الهوى الحار يأذيك , ومايخليك تشوف الجهه اليسار لأن صاير مثل الحائط
اهو صحيح ان الهاردسك تقدر تبدع فيه وتحط مواصفات قويه جدا عشان تشغل اللعبه , لكن بالنهايه ماراح تستفيد شي غير الخساره و دفع الاموال خصوصا خصوصا وانت تبيه للعبه ووركرافت فقط
لأن مثل ماقلتلك اي جهاز يشغلها , و اجهزه ارخص من الهاردسك مثل ماك ميني تشغل اللعبه وبنعومه و سلاسه على high و انا دافع فيه 300 دينار
تروح انت تشتري هاردسك تجميع بأقوى المواصفات وتدفع فيه 1000 دينار و تلعب ووركرافت ؟ حرام
لأن ووركرافت ماتحتاج كل هذا , الا اذا انت صاحب العاب ثانيه , يعني تشتري جهاز عشان العاب اونلاين قويه و جديده و تحتاج جهاز قوي جدا عشان بس توصل 60 fps
لكن تشتري هذا ب1000 دينار وتلعب ووركرافت و تحط الجرافيك high ؟ ما عملت شي سوى انك خسرت فلوسك , فوق هذا مو صاحب العاب ثانيه عشان نقول معقوله يدفع هالمبلغ عشان الرجل مدمن العاب ويبي يستانس
حتى لو قلت بحط الجرافيك ultra في لعبه ووركرافت هم انت الخسران , لأن ال high و ultra مابينهم فرق يذكر وصدقني ماراح تحس بأي شي مختلف
والماك ميني سهل النقل و التضبيط لأنك لما تحمله معاك وتروح محل عشان تصليح او تضبيط تحس كأنك شايل معاك كشكول متين وحتى لو تسافر فيه ماراح ياخذ منك مساحه او وزن , بخصوص الشاشه ؟ بتقول طيب والشاشه يا اخ اهي حجمها كبير
اقولك تطمن , كل العالم الحين شاشاتهم hd وفيهم وصله تشبك الماك ميني عليها
مثلا تروح تايلند , بالتلفزيون مال غرفتك تشك الكمبيوتر او تروح تشتري شاشه من Big C تاخذها ب20 ريال صينيه و فل HD وتشبك عليها , واذا بترجع ديرتك تعطيها المدير "مدير الفندق" راح يحبك و يوصي عليك كل مره تجي تايلند فيها , وتعيش ملك بالفندق
لأن هناك الهديه تبين بعينهم , عكس عندنا , لازم بنتلي او فراري او شاشه 70 بوصه سامسونج 4k عشان يرضى عنك
الخلاصه ان الماك ميني يشغل اللعبه و سعره 3770 ريال "حسب سعر موقع ابل و عملت تحويل عملات بالانترنت وطلع معي هالمبلغ" و سهل الحمل و ماياخذ مساحه بل انك تحطه بالمكان اللي ماتحتاج تحط فيه شي مثل ما انا مسوي , تحت الشاشه , او تنزله تحت الطاوله
اسف ياجماعه على الاطاله , انت وكيفك , عشان ما تقول كرزان ابلشني و دبسني بالجهاز وطلع سكه
انت عقلك براسك وتعرف خلاصك , انا مجرد قلت تجربه و ما حرضتك على انك تشتريه
يلا بيباي
اقتباس:
المشاركة الأصلية كتبت بواسطة Karazhan
يديك العافيه وماقصرت والله شكرااااااااااااااااااااااااااااااااا
ابشركم خلاص اشتريت جهاز ممتاز ديل معالج i5 اخررر اصدار ومع كرت شاشه ممتااااز وشاشه 24 بوصه دحين حاسس كاني جيمير هههه:silly: الشاشه والجهاز ديل اخر مديل نزلو اللعبه شغاله على اعلااا وضووح ومافي تعليق وكلو كلفني 3500 ريال تقريبا :psgt: وطبعا الشاشه لوحدها اخذتها بي 1300 ريال كنت ناوي اخد اغلا بس صاحب المحل نصحني بي ذا وطلع مممتتاااااااااااز جدا ان شاء انزل صور لكم للجهاز ورمضان كريم :أفكر:
اقتباس:
شنو ما فهمته وانا اخليك تقول الله ينعل اليوم اللي قلت فيه مافهمت
أحييك ملك اللعبة على سعة صدرك
وشكرا على تفصيلك الجميل للمواصفات