محاولات للتخسيس و انقاص الوزن مع إصابة :((

معلومات المتقدم بالاستفسار :
العمر : 21 , الجنس : ذكر

الطول :167 متر
الوزن : 105 كيلوجرام



و الاستفسار كالتالي :
السلام عليكم ورحمة الله
يعطيكم العافية


طبعاً عمري 21 سنة , بأحكي لكم قصتي بايجاز
انا كان وزني 126 و طولي 167 , جتني اصابة بالركبة قبل سنة ونصف وقتها كنت متحمس للصاله و اني انزل و ازبط جسمي و حالي
انتظرت فتره 5 شهور ولا طابت الركبة , بديت العب رياضه و نزلت وزني بشهرين الى 96 كيو بس كان شغل حااامي و مافيه أكل و زيادة على ذلك كنت اضحي بوقتي كثير و ضغطت نفسي بشكل مو طبيعي من ناحية الدراسة بس أبي أنزززل
المهم
زاد علي ألم الركبة و عجزت اكمل , ارتفع وزني , رحت اطقطق حديد و زادت كمية العضل بجسمي
بس باااااااقي شحوم وآآجد و من زاد وزني ما عاد نزل ابد مع انه لي فتره العب حديد و اطقطق كارديو ع خفيف اما الفترة الاخيره صارت صعبة حيل الركبة ما تساعدش ابدا
, آبي نصيحتكم وش ممكن أسوي عشان انقص هالشحوم الي جننتني بتمارين ما تعتمد بشكل اساسي ع الكارديو , لانه للأسف الركبة صارت ابدا ما تساعد ,
و مشكورين جدا جدا

اشوف انك تروح تسوي تاهيل للركبه وعلاج طبيعي وبعدها ممكن تبدا رياضه على خفيف كارديو بدايتا اما نزول الوزن ممكن تسوي حميه من الان وراح تنزل على خفيف والرياضه تكون عامل مساعد

up
طبعا الاصابة اللي عندي , هي كدمة بالرباط الصليبي الامام , و التواء بالغضروف الهلالي الوسطي

أتمنى ألقى رد يآ جماعة الخير :)

وعليكم السلام ورحمه الله وبركاته
مثل ماقال الأخ لازم تسوي تأهيل للركبه بالعلاج الطبيعي ،،وبعدها تبدأ تمشي مشي سريع اوسيكل مع الحديد ،،لان زياده الوزن حتئ لو عضل تظغط على الركبه،،والدايت هو الأساس بعدين الكارديو ،،موفق وما تشوف شر

اقتباس:

---

المشاركة الأصلية كتبت بواسطة فهاد الشمري

اشوف انك تروح تسوي تاهيل للركبه وعلاج طبيعي وبعدها ممكن تبدا رياضه على خفيف كارديو بدايتا اما نزول الوزن ممكن تسوي حميه من الان وراح تنزل على خفيف والرياضه تكون عامل مساعد

---

+1

أخصائيين العلاج الطبيعي أدرى بحالتك