عرض للطباعة
معلومات المتقدم بالاستفسار :
العمر : 25 , الجنس : ذكر
الطول :170 متر
الوزن : 58 كيلوجرام
و الاستفسار كالتالي :
السـلام عليكم ورحمة الله وبركاته ..
يا شباب ممكن تفيدوننا بأرقام أو إيميلات أشخاص عندهم خبرة بالكورسات أبي أستفسر عن بعض الأشياء
قبل ما أبدأ فيهم ، وإذا قوانين المنتدى تمنع هالشئ أرجو أرسالها على الخاص مع الشكر والتقدير ..
نصيحة لوجه الله ... الهرمونات بلنسبه لوزنك رح تضرك متفيدك ... وماعاجبك الاعضاء هنا تريد ارقام واميلات :)
أولا / شكرا على النصيحة أخوي سامي .
ثانيا / أنا أصلا بستفسر عنها بغرض زيادة الوزن وليس زيادة الكتلة العضلية .
ثالثا / ماظن أني قلت الكباتن مب عاجبينن بالعكس فيهم الخير والبركة أنا أبي الرقم أو الإيميل لأني بخاطري أشياء وأسئلة كثيرة لذلك أنا أبي أرقام أو أيميلات أشخاص خبراء بهالمواضيع سوا خارج المنتدى أو داخله .
ولآ رد :(
للرفعع
وعليكم السلام ورحمه الله وبركاته
زياده الوزن وانا اخوك مايبي لها كورسات هرمون ،،يبي لها اكل وتمرين ونوم ،،،اي استفسار عندك أطرحه ونحاول نساعدك ،،،بالتوفيق
+1اقتباس:
المشاركة الأصلية كتبت بواسطة StronGest
اطرح استفساراتك وجاوبك الكابتن :o
ما تقصرون ، أجل أستحملوني شويتين ، وبالنسبة للأخ اللي يقول أكل وتمرين ونوم كلامك صحيح ولكني دخلت نادي لمدة 8 شهور تقريبا والنتيجة 4 كيلو فقط !!
للأمانة صابني إحباط يعني معقولة كل شهرين كيلو مع العلم أني مشيت على نظام مرتب :(
ما أطول عليكم وأبتدي بالآستفسارات :
1/ بالنسبة للكورسات أقدر أستعملها فترة يعني شهر او شهرين بعدين أتركها ؟ والا مدامي أبتديت فيها لازم أستمر عليها ؟
2/ إذا استعملتها فترة ثم تركتها جسمي راح يرجع نفس وضعه الآن والا مع التمارين راح يبقى أتكلم عن ( الوزن ) بالذات ؟
3/ أنا شخص ما يهمني قولت عضل صافي وكذا كل ما أحتاجه زيادة بالبنية الجسمانية ولآ يمنع يكون مع شوية عضل ؟ هل فيه كورسات لمثل حالتي أو لا ؟
* واحد من الشباب أعرفه شخصياً كان جسمه اصغر وأنحف من جسمي بكثير والآن ما شاء الله مو عضل كامل ولكن جسمه متناسق بشكل جميل هل المشكلة من طريقة تمريني أو أكلي !!
مرحبا اخوي، بالنسبة للهرمونات لوزنك وعمرك مارح تفيدك كثير وبيرجع وزنك في حالة تركها (طبعا ما يرجع مثل الوزن اللي بديت فمثلا اذا وزنك 6-7 كيلو وبعد ترك الهرمون بيثبت على 61، عندك مشكلة في التغذية . هرمونات بدون اكل ما بينفع. انا اقول ارفع وزنك الى 65 او 66 وبعدين خذ لك كورس خفيف لمدة شهر ونص. شوف النتايج كيف. طبعا قبل ما تسوي عالعملية اعمل فحص للدم لانه زيادة هرمون التست بيسبب عملية عكسية وبيقل بعد انتهاء الكورس. ويسبب لك مشاكل ثانيه انته في غنى عنها. وانا ما انصح احد ياخذ الهرمون الا اذا تعدى 35 سنة. والله اعلم
السلام عليكم
اول شي نظامك الغذائي غلط ممكن وتمرينك يمكن اي كلام
اتمرن اربعه لي خمسه ايام بالكثير في الاسبوع اتمرن لمدة 45 دقيقه فقط في النادي السبب لانه هرمون التيست والجي اتش يرتفع بعد 45 دقيقه يبدأ بالهبوط ويشتغل هرمون الهدم (الكورتيزول) لا تتمرن اكثر من 5 او 6 تمارين بالكثير للعضلات الكبيره وثلاثه تمارين للعضلات الصغيره
ونيجي لاهم نقطه وهي الاكل ثم الاكل السر كلووو في الاكل حتى لو اخذت هرمونات الدنيا ما راح تستفيد
اول ما تصحى : هايدرو واي بروتين + 10 جرام او 15 جرام جلوتامين بعدها بربع ساعه او نصف ساعه تتوجه للفطور
الفطور : 6 بيضات 2 بالصفار واربعه بدون صفار + حليب 500 مل + توست او شوفان نفرض الساعه 7 الصباح + ملتي فايتمن
سناك : نفرض الساعه 10 او 10 ونصف علبه تونه الكبيره بس صفي الزيت + 2 موز
الغذاء : صدرين دجاج او لحم ستيك او سمك + رز مسلوق او مكرونه او بطاطس مسلوق + لبن زبادي + ملتي فايتمن سلطه نفرض الغذاء الساعه 1 ونصف
سناك : جلوتامين 10 جرام + 2 موز + مكسرات او سنكرز هذا قبل التمرين يعني بعد العصر مباشرتا
بعد التمرين : وانت في النادي تشرب الهايدرو واي + جلوتامين 10 جرام وتقدر تضيف معاهم + 5 جرام كرياتين مونهيدرات بعدها بنصف ساعه تاكل صدرين دجاج او تونه او لحم + رز مسلوق + عصير الي تبغاه
العشاء : لحم بقر (يفضل) او صدور دجاج + رز مسلوق + سلطه + عصير
وجبة قبل النوم : من الوجبات المهمه الي انا نشوفها بالنسبه ليا وهي 10 بياض البيض عاد هذا اكثر شي انا اقدر عليه انت خذ في البدايه 5 لانك ماراح تقدر تاكل 10 في البدايه + حليب 500 مل + جلوتامين
وراح تلاحظ الفرق في اول اسبوعين انك تغيرت بس طبق الي قتلك علييييه ;)
كلامكم صحيح يا شباب ومحد يختلف على هذا ، ولكني خلال الـ 8 شهور اللي تمرنت فيها مشيت على جدول ونظام غذائي مقارب جدا للي تقولونه ولكن للآسف النتيجة مخيبة جدا !!
أنا بسؤالي عن الكورسات مو معناته أني جازم عليها ولكن الفكرة موجودة ، لحد ما احصل أجوبه كافية للاستفسارات اللي قبل والمتبقية ..
شكرا على تفاعلكم وننتظر رأي بقية الشباب ....
اخوي مع كامل احترام 8 شهور ومنت قاعد تشوف نتايج معناها فيه شي لازم يتغير.اقتباس:
المشاركة الأصلية كتبت بواسطة محمد السليمان
الطبيعي شهر كحد اقصا اشوف اذا ماشفت نتايج معناها فيه شي غلط تسويه يا باكلك ماتكل زين ,النظام الغذائي غير مناسب ياطريقة تمرينك غلط
جرب السيريس ماس لي تجربه معه و قريت عنه تجارب اهم شي خذ الكميه المنصوح فيها على العلبه بيفقع بطنك بودره استحمل كلها 8 ايام والتزم بغذائك وصدقني مستحيل تطلع مندون نتيجه مرضيه
بالتوفيق
جسمك من النوع الي يبني بصعوبة ,, انصك ب انيمل ام ستاك مع كورسك و حاول تاكل اكل صحي و تبعد عن الدهون عشان في دراسة تقول ان الناس الي اجسامهم صعب تبني عضل او فات تكون بسبب ان هناك خلايا اول ما تاكل اكل فيه دهون غير مفيدة تروح هذي الخلايا و تقوم بهضم الاكل بسرعة ولا تستفيد من الاكل
و الكارب مافي مانع لو انك توصل 500 - 600 جرام كارب باليوم و المصادر تكون : 200 جرام شوفان فيها 132 جرام كارب
200 جرام رز ابو حبة طويلة فيها 154 جرام كارب و كل توست اسمر و فواكة و جيب ( مكمل كارب ) يعطيك كارب صافي طبعا غير المكمل الاساسي الي يكون فيه كارب عالي و طبعا لا تنسى البروتين ممكن توصل ل 200-300 جرام مع استخدام انيمل ام ستاك باذن الله رح تشوف نتيجة ممتازة
و بالنهاية سر الضخامة بالكارب و بالتوفيق