لأصحاب الخبره لا هنتو عندي مشكله بعضلة الكتف

معلومات المتقدم بالاستفسار :
العمر : 23 , الجنس : ذكر

الطول :168 متر
الوزن : 78 كيلوجرام



و الاستفسار كالتالي :
السلام عليكم ورحمة الله وبركاته .. إخواني عندي إستفسار بخصوص عضلة الكتف
وزني 78 .. و الطول 168 .. والعمر 23

الحمد لله صار لي ب الجم سنه و شهرين اول شي بديت باللياقه وإنقاص وزن وبعدها دخلت بالتضخيم والحين تنشيف ,, المشكله هي عضلة الكتف ما لها أي اثر يعني العضله غير ملحوظه لاكن باقي العضلات مثل الصدر و الأفخاذ و الظهر والباي و الترآي ملحوظين , وانتم تعرفون الكتف عضله مهمه بجسم لاعب كمال الأجسام وانا طول هالفتره ماني ملاحظ الجانبيه ولا الاماميه ولا الترابيس .
بالنسبه للجدول يكون 3 جلسات " 12 - 10 - 8 " :
اليوم الاول : صدر + تمرينين بآي
اليوم الثاني : ظهر + تمرينين ترآي
اليوم الثالث رآحه
اليوم الرابع : أكتاف لحالهن
اليوم الخامس : بآي + ترآي
اليوم السادس : أفخاذ
المكملات اللي آخذها : كومبآت + إيزو 100 + جلوتامين + أمينو 2222 + بآور نو إكس بلود + ملتي فيتامين .
هل تنصحوني بأخذ محفزات زي الأنمال ستاك او انمال تست , او اغير نوعية المكملات او التمارين ولا وش الحل ؟

وششكرآ ..

زي ما ذكرت بكلامك
حاول تغير من التمارين
خصوصا لو كنت تتمرن اكتاف على الاجهزه
حاول تتمرن اكتاف حر
وزيد الاوزان
بس احذر من الاصابات
الأكتاف فيها مفاصل هي االاقرب للأصابات
حاول بالبدايه تلعب تمارين أكتاف حر اوزان خفيفه وبشويش وهدوووء جدا وتركيز عالي
موفق

هلا اخوي بالنسبه لتمارين الاكتاف حسب الجدول هي 6 تمارين
الاول دنابل للكتف العلوي
الثاني بار حر للكتف الامامي
الثالث جهاز للكتف الجانبي
الرابع جهاز للكتف الخلفي
الخامس بار حر للترابيس العلوي
السادس جهاز للترابيس الخلفي
والجلسات 3 .. 12-10-8

اي عضلة بالجسم بدون اوزان ماراح تلاحظ اي تغيير في شكل العضلة والافضل الواحد يتشجع وبرفع اوزان اكبر وبمساعدة الشباب اللي حواليه خاصة باخر جلسة من كل تمرين.

والله ياخوي تعبت وانا اشيل اوزان ثقيله مع العلم اني مثل ما ذكرت صار لي سنه وعليها وللحين مو باينه معالم الكتف بالشكل المطلوب حتى لو احد شافني قال يبي لك تركيز ع الاكتاف لاكن مدري وين المشكله ؟
فكرت اخذ منتج انمال لاكن مدري وش المناسب لحالتي او اني اغير البروتين اللي ذكرته باول الموضوع او اغير التمرين ! الموضوع يبي له مشاركه من اصحاب الخبره والمدربين ماهو صعب عليهم لاكن للاسف ماني شايف مشاركات وافيه !

اها منت شايف مشاركات وافيه ؟
يعني كنت منتظر منا نقولك استخدم ابر هرمون تنفخ اكتافك في ظرف اسبوع ؟@
عشان تكون مشاركاتنا وافيه بالنسبه لك
انت تبي حل بسرعه من المدربين المختصين بالهرمونات وكذا
للمعلومه : العضله الي تجي بسررعه ترووح بسرعه

اها منت شايف مشاركات وافيه ؟
يعني كنت منتظر منا نقولك استخدم ابر هرمون تنفخ اكتافك في ظرف اسبوع ؟@
عشان تكون مشاركاتنا وافيه بالنسبه لك
انت تبي حل بسرعه من المدربين المختصين بالهرمونات وكذا
للمعلومه : العضله الي تجي بسررعه ترووح بسرعه

لا يخوي مو هذا قصدي ومشاركتك على عيني وراسي واقدر لك هالشي وانا موب قصدي اني اخذ ابر تنفيخ او من هالكلام . انت طال عمرك قلت العب حر ورديت عليك وقلت اني الحين انا العب حر وماني شايف نتيجه رغم اني اشيل اوزان عاليه . سؤالي هو اغير شي من التمارين او اغير البروتين اللي استخدمه ووش وضع انمال ستاك و تست و ام ستاك ؟

نسب دهونك عاليه واحتمال كبير هذا السبب لان واجهت نفس المشكله واوزاني كانت بتماربن الصدر و الاكتاف ممتازه ... اذا عضله صدرك كبيره فغالبا بيكون حجم كتفك كويس ... كمل تنشيف وان شاء الله بتتفاجئ بعضلة كتفك انها موجوده ههههه..

بالتوفيق