قروث السويسري والدنماركي

معلومات المتقدم بالاستفسار :
العمر : 35 , الجنس : ذكر

الطول :180 متر
الوزن : 75 كيلوجرام



و الاستفسار كالتالي :
السلام عليكم

ماادري اذا المكان المناسب لمثل هذه الاستفسارات او لأ , لكن ان كان في المكان الخطأ اتمنى نقله لمكانه الصحيح

انا يااخوان عندي استفسار عن القروث او الجروث . ماادري شلون ينكتب اسمه بالضبط

المهم ان انا جسمي ممتاز , اللهم الا كرش خفيف جدا

لأني مااعرف بأمور الحديد واللي يتعاطونه اهل الحديد عشان يطلعون العضلات , جائني صديق من اهل النادي و يمارس الحديد من سنتين

قالي ليش ما تدخل النادي ؟ قلت مالي خلق و مشوار على ما يبدأ الجسم يطلع

قالي هذا كان قبل , الحين اختلف الوضع , قلت شلون ؟

قال تاخذ قروث عباره عن 3 أبر , كل أبره و أبره بينهم شهر "يعني كورس على 3 أبر"

قال اول أبره راح تنشف كل الدهون بجسمك بما فيهم الكرش الخفيف هذا , ثاني أبره راح تبرز عضلاتك بشكل ملحوظ , ثالث أبره "نسيت شنو قال عنها"

المهم قالي خلال 3 شهور بس راح يصير جسمك ناشف و عضلات بارزه , وانت "يعني انا" تدخل نادي بس عشان تقسم العضلات هذي و تناسقها

تصير مثل بورسلي يعني ناشف و معضل , وقالي انت كيفك تبي مثل بورسلي تاخذ قروث و قالي رقم , مثل قروث 4

واذا تبي مثل سلفستر ستالون تاخذ قروث 12 . واذا تبي مثل ارنولد تاخذ قروض 33

الارقام فوق ماادري مضبوطه او لأ لكن اهو ذكر ارقام مع كل قروث

المهم اني سألته قلت شلون جذي بالسرعه هذي و ليش اهل النادي اشوفهم يدخلون النادي يقعدون سنه مايبين عليهم شي ؟

عالاقل ياخذون القروث هذا بدل التعب مده سنه بدون اي نتيجه ؟ ثاني شي انا سمعت ان القروث مو زين و يترس الجسم ماي "ماء"

قال هذا الصيني و التايلندي المغشوش , الحين سويسري و دنماركي وكلهم مضمونين

وبالنسبه لأهل النادي , هذوله ناس ماتدفع لأن الكورس هذا قيمته ب400 دينار كويتي وفوق "1400 دولار تقريبا"

والناس هذي ماتدفع هالمبلغ ماعندهم , لكن يخافون ياخذون الرخيص الصيني عشان في مضره

المهم عشان مااطول عليكم , قالي اول شي تروح دكتور عندنا بالكويت مشهور يقاله الانصاري , يقول تسوي عنده فحص لأن هذا الدكتور

متخصص بمثل هذي الامور و اهو دكتور هرمونات و غيره

بعد الفحص يقولك شنو افضل لك "اي قروث ينصحك تاخذه و يركب على جسمك"

بعد الفحص تروح الصيدليه او اللي يبيعون القروث وتشتري منهم وتروح المستوصف يعطونك الحقن , كل حقنه بشهر , وبالفتره هذي

ادخل نادي و عدل تقاسيم جسمك و خلاص




انا بسأل اهل التخصص , هل كلامه صحيح او يقص علي ؟

علما انه قالي لو تاخذ القروث بدون تدخل نادي راح ينشف جسمك من الدهون و يتقسم بشكل واضح لكن مايكون متناسق

يعني احنا نسميه بالكويت التكحيل نسبه الى الكحل , يعني يحدد كل عضله و يخلي بين عضله و عضله خط عشان تكون واضحه

اهو قال راح يصير جسمك حلو , بس النادي راح يفيدك بالتقاسيم الصغيره

انا ابي رأيكم بهذا الموضوع هل هو صحيح و هل القروث السويسري مضمون و هل فعلا القروث بدون نادي يسوي جذي

بس اللي معقدني ليش الشباب ما يسوون الطريقه دام انها مضمونه ومافيها خطوره , الواحد يدفع للنادي والاكل بالسنه يكفي انه يشتري الكورس هذا ويفك عمره من التعب

وهل رياضه الجري وحدها تكفي للحفاظ على الجسم اللي مثل ما ذكرت بدون نادي

شكرا وسامحوني على الاطاله

ملف مرفق 362120


قالي بعد الكورس راح يصير جسمك مثل هذا , بدون حتى نادي

والنادي بس يفصل كل عضله عن الثانيه

هههههههههههههههههههههههههههههههههههههههههههههههههههههههه

ماتوقعت فيه كمية فتاوى وجهل وخرابيط بالدرجه هذي

حتى السيليكون مايعطيك هالجسم بدون نادي

خزعبلات. و نتائج القروث لوحده ضئيلة جدا.

لا يكون معطيك ابرة السحر :)))))
دايت القروث اصعب من الدايت العادي و الي ياخذ قروث الافضل ياخذه و هو عنده كتلة عضلية
ثاني شي القروث الدنماركي مو 400 كويتي لو ضرب سعره يوصل 300 دينار

من الاخر هو قاعد يفتي عليك

انا عشان جذي دخلت وسألتكم

بصراحه بصراحه يا اخوان , انا قعدت افكر واقول : صاحبي يقول ان القروث الدنماركي نظيف وبالبدايه ينشف جسمك ويحرق الشحم يخليك تصير جلد و عظم

قالي عن صور عنده بالجهاز ان هالاجسام تلاحظ في شحم عندهم لأنهم يستخدمون قروث ايراني او كوري , لكن الدنماركي افضل منهم ب100 مره وراح ينشف الشحم كله ويخليك عظم و لحم وبعد شهر تاخذ ابره ثانيه واهو نصحني ب4 يونيت وقالي هذا حلو يخلي جسمك فرنسي

وقال الابره الثانيه تبني العضل و تكبرهم شوي وخلال كورس يكون العضل اكبر شوي و جسمك خالي من الفات , مع نادي راح تطلع مثل بورسلي شلون ناشف ويكاد يكون خالي من الفات

فأنا قلت بتفكيري ليش الناس اللي يعانون من السمنه ما ياخذون كورس ؟

في شباب وزنهم يوصل 100 مثلا ويقول انه يعاني منها ويحاول يضعف بس ماكو فايده , انا قلت وينه عن القروث الدنماركي بما انه نظيف بشهاده الكل , ليش ماياخذ الكورس وينشف ويعضل بنفس الوقت

والنساء اكثر ناس يدفعون للرشاقه ليش ما ياخذونه ؟

قالي رفيجي انه غالي عليهم ويخافون , يعني يخاف من العقم او اضرار جانبيه لأنهم مضيعين القروث القديم المغشوش ومافيهم واحد جرئ يجرب مع ان العلم تطور وصنعوا قروث نضيف اللي اهو الدنماركي وكأنه قال سويسري بعد

سألته والبنات اللي يبحثون عن الرشاقه ؟ قال لأن مايصلح لهم لأن راح ينشفهم ويكبر عضلاتهم ويصيرون معضلات

انا قلت بسأل بالمنتدى بما انه في قسم للامور هذي واعرف من اهل الخبره


طيب يا شباب الحين انا طولي 180 ووزني بين 74 و 75 وجسمي عادي ماعندي كرش يعني

لو اخذ كورس دنماركي 4 يونيت شلون راح يكون جسمي لو ما دخلت نادي و استمريت على رياضه المشي وانا امارس هالرياضه بشكل يومي اذا ماعندي شغل

يعني اذا واحد عنده صوره لشخص مثل المواصفات هذي وعمل اللي راح اعمله , او صور تقريبيه من الانترنت اكون شاكر لكم

وهل فيها اي اضرار لو اخذ قروث دنماركي بدون نادي وهل راح يتغير شي او ماراح احس بفرق



اسف على الاطاله يااخوان لكن بصراحه ماشفت بالنت اي رد لأستفساراتي و اغلبهم بالانجليزي وانا مااعرف انجليزي

شكرا ومع السلامه

يا رجال سو دايت وامشي والعب تمارين هوائية بالبيت خل عنك القروث والكسل وشد حيلك

جسم بدون اساس عمره ما راح يستمر ممكن لو تدخل النادي وعلى طول تبدا باستعمال الكورسات تشوف نتيجه وبتنبسط وتقول واو الشغلة سهلة مع ان هالشي " مستحيل يصير " لكن نقول لو يعني صار وشفت نتائج مرضية صدقني مع مرور الوقت وبمجرد ما توقف عن الابر بتشوف كل اللي بنيته يطيح وعاد اذا تركت النادي ما اقول الله يعينك بتقعد تقول " ياليتني ما دخلت نادي كان جسمي ازين " !

كلام ما يصدقه احد يعني لو المسالة بالسهوولة هذي ما كان شفت الابطال مثل " كاي قرين " من 1998 في المنافسات والمنصات وبعد 12 عام بدا يحقق مراكز متقدمه مع العلم ان له ما يقارب 15 - 20 سنه في الحديد ولك بغيرهم مثال : سلفستر - ارنولد - روني كولمن .. الخ حتى الفيتنس موديل ما يجيبون الجسم بسهولة !

لازم اقل اقل اقل شي تكون لاعب سنة حديد طبيعي مع انها ما تكفي لبناء اساس جيد .. عالعموم ابداً لا تصدقه والكلام كله غلط ويفتي من راسه ومثل ما قال اخوي فهاد سو دايت والعب طبيعي وخل عنك القروث وهالسواليف وشد حيلك مافي شي يجي بسهولة .

مشكورين على مشاركاتكم

خلاص برفض طلبه وبظل على جسمي هذا , مع ان جسمي مافي اي شي , يعني لا مكرش ولا متين و انا اصلا ماافكر اني اصير مجسم لكن قالي عن القروث وان بكل سهوله يطلع الجسم بدون اي اضرار وراح يكون الجسم مثل جسمي بس مقسم

عموما مشكورين على مشاركاتكم وما قصرتوا عساكم ذخر