شد وتخسيس عن طريق الحديد

معلومات المتقدم بالاستفسار :
العمر : 22 , الجنس : ذكر

الطول :176 متر
الوزن : 93.8 كيلوجرام

نسبة الدهون : 30.8

و الاستفسار كالتالي :
السلام عليكم ورحمة الله وبركاته

بالبداية حاب احطكم في الصورة الي انا امر فيها
اول شيء كان وزني ( 119 ) وابتديت بحمية واتمرن سويدي شبه يومي ماعدا يوم في الاسبوع راحة
الين اليوم والحمد لله وصل وزني ( 93.8 ) نسبة دهوني ( 30.8 )
من الاشياء الي استخدمتها اثناء التخسيس ( اليبو سكس بلاك ) ( هيدروكسي كت )

-----------------------------------------------------

مشكلتي الآن :
اعاني من ترهلات في جسمي ووزني ينزل بالبطيء اشعر اني فقدت كثير من كتلتي العضلية
لدرجة اني سويت فحوص لجسمي وطلعت النتايج ان وزني بدون دهون ( 65.3 )
ما ادري اذا حسبها مع العضلات الموجودة فيني او لا واذا كان صحيح حسبها مع العظلات أعتقد ان عندي نقص في العظلات

من نتائج الفحوصات علشان ممكن تستفيدوا منها في اعطائي النصيحة الافضل
نسبة الدهون : 30.8%
وزن الدهون : 29 كيلو قرام
الوزن بدون دهون : 65.3 كيلو قرام
الوزن المثالي : 62 إلى 77.1
المعدل الحالي للسمنه 30.4%
المعدل المثالي : 20 الى 24.9

نصحني احد الاخوان واحد المدربين اني ادمج بين السويدي والحديد وراح يفرق معي
بس من باب الاحتياط حبيت اضع استفساري هنا .. هل هذا الشيء صحيح ؟!

ومن مبدأ ان وزني صار ينزل بطيء وزيادت الترهلات فيني
قررت اني اقوي كتلتي العضلية علشان يرتفع معدل الحرق في جسمي
وفعلاً هذا الي صار امس كان اول يوم لي في الحديد
ونظامي ( سويدي ساعه ثم حديد )

عطاني المدرب جدول كل يوم تمارين مختلفه على 3 ايام وارجع اعيدها من جديد
اليوم الاول : تمارين الصدر والباي - تمارين متنوعه 15 عدة لكل تمرين ثلاث مرات
اليوم الثاني : تمارين الظهر والتراي - تمارين متنوعه 15 عدة لكل تمرين ثلاث مرات
اليوم الثالث : أكتاف و أرجل - تمارين متنوعه 15 عدة لكل تمرين ثلاث مرات
وهذكا اعيد الايام بعد ما اخلصها .
مع العلم اني استخدم ( iso100 ) بروتين صافي ( نصحني فيه المدرب )

اكثر شيء حمسني لهذي الخطوة قريب لي يقولي
( العب حديد علشان تشد وبعد شهر راح تلاحظ جسمك تقلص حجمه بغض النظر عن نقص الوزن )
اي انه يبين على الشكل وبشكل ملحوظ ، وهذا الشيء الي لاحظته فيه .

مع العلم هو طوله ( 176 ) ووزنه الحالي ( 86 ) نسبة دهونه ما اذكرها

-----------------------------------------------------

انا اسف اني طولت في كلامي بس ابغى اطلع كل الي عندي علشان احصل اقصى استفادة منكم
ابغى معلومات تفيديني من كل النواحي من المكملات ومن التمرينات الافضل ومن الانظمة الغذائية
بإختصار انا مش عارف وش المرحلة الصحيحة لي في مرحلتي هاذي
وهدفي الحالي ( شد الجسم + خفض نسبة الدهون )

مع العلم انا طموحي جسم رياضي مشدود بدون عظلات ضخمه .

قبل كل شيء وبعد كل شيء الحمد لله على كل حال
، وشكراً لكم .

اول شيء ماشاء الله اخوي سلطان على نزول الوزن .. ولكن الطريق مازال في بدايته .. تحتاج الى انزال وزنك تقريبا 15 كيلو .. ان شاء الله راح تكون سهله مع التنظيم الغذائي الصحيح والكارديو ... اذا وزنك بدأ يخف نزوله .. زيد وقت الكارديو او ابدأ بالجري اذا تقدر .. أهي شي مايصير الكارديو شي تعود عليه جسمك .. يجب عليك ان تتعب بعد الانتهاء منه ... اضافة الحديد شي ممتاز ولكن لايكون على حساب الكارديو ..

الكارديو : هو أي تمرين يقوم بزيادة نبضات قلبك من المشي والجري والسيكل والاوبتكل والسباحه .... الخ

بالتوفيق ..

اقتباس:

---

المشاركة الأصلية كتبت بواسطة ابو دانا الحربي

اول شيء ماشاء الله اخوي سلطان على نزول الوزن .. ولكن الطريق مازال في بدايته .. تحتاج الى انزال وزنك تقريبا 15 كيلو .. ان شاء الله راح تكون سهله مع التنظيم الغذائي الصحيح والكارديو ... اذا وزنك بدأ يخف نزوله .. زيد وقت الكارديو او ابدأ بالجري اذا تقدر .. أهي شي مايصير الكارديو شي تعود عليه جسمك .. يجب عليك ان تتعب بعد الانتهاء منه ... اضافة الحديد شي ممتاز ولكن لايكون على حساب الكارديو ..

الكارديو : هو أي تمرين يقوم بزيادة نبضات قلبك من المشي والجري والسيكل والاوبتكل والسباحه .... الخ

بالتوفيق ..

---

شكراً لك عزيزي ع نصيحتك
اليوم رحت النادي وسويت اوربتراك 25 دقيقه سريع
وبعدها لعبت حديد الظهر والتراي
وبعدها سويت تمارين البطن والخصر ( الصحن الدوار )

اتمنى من باقي الخبراء المشاركة في موضوعي
محتاج نصايحكم انتظر ردودكم بفارغ الصبر