السن:20 سنه
مدة اللعب : 8 شهور متقطعه جدا بسبب ظروف الشغل والدراسة
الوزن: 73 كيلو حاليا
اول مابدات اللعبه : 63 كيلو
الطول :175 .. اول مابدأت لعب كنت 172 وكنت بلعب تمارين اطاله جنب التمرينات وزدت الحمدلله 3 سم
المكملات اللي خدتها قبل كده : سيرياس ماس .. منتج ممتاز الحمدلله مكنش له اثار جانبيه غير حبوب عالدراعين واسوأ حاجه فيه صعب الذوبان كرهني في الموز :d
وزدت 10 كيلو الحمدلله وجسمي اتضخم بشكل ملحوظ الحمدلله .
وبطلت لمدة ولسه راجع الجيم تاني قريب وعاوز ارجع للسيرياس عشان لسه عندي منه 2 كيلو وجاب معايا نتيجه كويسه بس عايز اضيفله حاجات..اتنصحت بانيمال بمب قبل التمرين او ان او اكسبلود +انيمال ستاك وبعد التمرين اخد السيرياس
انا شايف ان ده كويس جدا عشان السيرياس لوحده نسبة الدهون هتبقى عاليه اوي غير اني في التمرين محتاج باور بالذات تمارين باي وتراي وكتف
مشكلتي في اللعبه اني جسمي كله استجاب شكلا وموضوعا ضهري ماشاء الله بقى افضل وبقت اوزاني اعلى بشكل ملحوظ والبنج كذلك على الرغم من زيادة الدهون فيه بسبب السيرياس اللي كنت باخده وكذلك الرجل..لكن في 3 عضلات مزهقني باي وتراي وكتف لدرجة ان بقى شكلي شبه غير متناسق جسم كويس جدا وتضخيمه مظبوط الى حد كبير والدراع والكتف مفييييش ! المشكله ان اي تمرينه بتعب نفسي فيها وادوس وافتري لكن تمرينة الباي مبقدرش زي ماانتوا عارفين مثلا اهم تمرينات الباي التبديل والشاكوش لو زودت الوزن بلاقيني برجع كتفي لورا عشان ارفع ! وطبعا ده غلط جدا وممكن يسبب مزق غير انه اصلا مش مفيد للعضله فبحط الوزن ومكملش رغم ان نفسي ادوس على نفسي اكتر والتقدم ضعيف جدا شكلا وموضوعا.. وعضلة التراي اوزانها زادت بشكل كبير الحمدلله لكن الغريب انها بتنتفخ اوي فتره التمرين وبعد التمرين بساعه بتخس العضله تاني وكأن شيئا لم يكن "شكلا"! والكتف تقدمها بطئ جدا شكلا وموضوعا ..نظامي الغذائي جيد جدا ويوميا بيض والبان وجبن ولحوم الحمدلله وكل عضلاتي بتستجيب زي ماوضحت الا 3 عضلات الكتف والتراي والباي !! ايه السبب واقدر اعملهم ايه عشان يتضخموا واقدر اشيل اوزان اعلى برتم اسرع شويه !
وياريت المساعده لان الموضوع بقى سخيف جدا بسبب اني مثلا عضلة البنج بقت قويه الحمدلله بقيت مثلا ارفع تجميع كل ايد 20 كيلو من غير ماعضلة البنج تتعب ولا احس انها سخنت بس مقدرش ازود بسبب ان دراعي هو اللي ضعيف مش قادر ارفع بيه والعضله اللي بمرنها اصلا اللي هي البنج مش حاسس فيها بحاجه!!!!! :(
ملحوظه :حاليا بلعب بدون اي مكملات نهائي
ولو حد عنده حل لضعف عضلات الدراع والكتف ياريت يقولي ..ملحوظه: العصب عندي ضعيف جدااااااا وده زي مرض وراثي عيلتي كلها اعصابها ضعيفه واخواتي شباب في العشرينات وايدهم بتترعش من اقل حاجه ويعتبر انا الحمدلله احسنهم كمان في موضوع العصب ده
وياريت الناس تفيدني الافضل ان او اكسبلود ولا انيمال بامب !؟ لان عرفت ان انيمال بامب عايز ناس بتلعب بقالها سنين
واقدر ازاي اوفق الكورس ده في رمضان لاني خايف من انتخه رمضان طبعا مش هقدر انزل في الصيام وبعد الفطار الوقت ضيق اوي فنصيحه من الكباتن اخلي الكورس في رمضان ولا بعد رمضان افضل !؟
وشكرا مقدما :)
