من روايات القراصنة : كنز الصرقعة II يعني الجزء الثاني
أولا
كل عام وانتوا بألف خير بمناسبة عيد الأضحى طبعا
ثانيا
الهوشة اللي صارت امسـ....... لالالا مي سالفتنا دي
القصة اللي كتبتها من قبل هذه تكملتها
للي ماشاف الجزء الأول يضغط هنا
=========
الجزء الثاني
الخريطة
=========
درس الداج في جامعة القراصنة , طبعا درسوا عن هذا الكنز ويقولوا انه موجود بجزيرة اسمها INKY , طبعا ماحد اكتشف هذه الجزيرة ويحتاج إلى خريطة لها
قام خلا دجو كريزي يوصله لجزيرة فات يمكن ياخذ معلومات وماوصل إلا شايف رجل ضخم زي مايقولوا شرطي عملاق مال ايام زمان مع سيف كبير وورقة اعلان يقال فيها:
WANTED : Dego 2222 dead or live
أي للي مافهموا:
مطلوب: دجو عايش أو ميت ومع تفاصيل ...
الشرطي الضخم : اكسيوزمي انت ديجو ؟ الحاكم جمال شكله يبيك (أي العضو جمال)
ديجو: لا يمكن غلطان أنا اسمي naf p:
الشرطي: اقول لاتكذب السينارو يقول كذه .
ديجو: آسف لكني مشغول واجد , قول للحاكم أمر له بعدين .. ويروح دجو للسفينة وكأنه ماصار شيء
وإلا الشرطي شاهر مسدس نوع 9mm : محاولة جيدة ديج
ديجو: خلاص انا جاي معاك ...
ويروح ديجو يلقى مصيره ويدخل هو والشرطي قصر الحاكم ويشوفوا الحاكم وشكل الحاكم سمين وساقط على السرير ولايقدر يتحرك وفيه ماكينة اكل جنبه يرسلون له طعام مخلوط وسائل ويجي بخرطوم لين جدار اللي جنبه ويطير الطعام لفمه والذباب من حوله – شرايكم بالوصف- .
الحاكم جمال: مرحبا بك ياداج
ديجو: حتى انت انحشرت بهذي القصة؟ طيب ليش مقبوض علي؟
جمال: هذا أمر من مشرف الألعاب حاكم منطقة هذه الجزر وبحارها, أنا حاكم هذي الجزيرة وهو الملك يني انت مقبوض عليك!
دجو: طيب ليش ماتتركني , أنا راح اوقفه عند حدوده
جمال: انا قلت كل كلامي وانتهاء , حارس روح دبه في السجن لين ما يجي طلب من مشرف الألعاب!
الشرطي رمى دجو وراء القضبان الحديدية وترك المفتاح عند كلب للحراسة يسمونه (فوفو) كلب ضخم شرس كالديناصور , المهم حق يهرب من السجن قام يطالع اللي يمشوا بالشارع من النافذة مال السجن , ماشاف إلا واحد وقال لنفسه : هذا الشكل مألوف علي , همممممممم هذي الشوشة تذكرني بـ: بوشوشة!
وقام يصارخ : بو شوشة تعال !
بو شوشة: أوه صرت مشهور حتى عند المجرمين !
دجو: لاتقعد تتفلسف انا دجو,و لو ما شوشتك ماحد عطاك وجهة وإلا ماشفت موضوع قديمك نديمك
بوشوشة: اششششششش , مو عيب عليك تقول كذه , طيب وش تبي؟
دجو: طلعنا من هذا المكان الحين
بو شوشة: مجنون أنا؟ أنا واحد من الحراس حق المشرف , لالالالا ماني مسوي كذه
دجو: يالا بو شوشة بلييييييييييز .
بوشوشة : أر بي جي وليش شوشة
دجو : أوكي أوكي بوشـ أقصد ار بي جي
بو شوشة : طيب طيب طيب راح اطلعك بس عشان لاتفضحنا
ويقوم بو شوشة يآخذ المفتاح من عند فوفو وإلا فوفو يقفز لشوشته ويطير المفتاح ليد دجو ويفتح الباب ويقول: شكرا يا بوشوشة , يالا باي
بوشوشة وهو يتكافخ مع الكلب : آر بي جي كم مرة يحتاج اعيد!
طبعا الآن دجو كالعادة صار مفلس وماعنده حتى هللة مصرقعة لأنه مقبوض عليه , قام يداور بالجزيرة وهو مسكين وشاف بياع متجول يبيع عطور ويصارخ زي الأهبل: ريالين ريالين ريالين ...! اشتر واحد كرتون مجان!!
وطبعا دجو شك وقال : كأني اعرف هذا , همممم موب هو المؤدب اللي في وجهه اثر ذلك الحذاء النسائي؟ أوه صح أنه naf ! هيه ناف مدري نواف تعال .
نواف: تبي عطر ؟ اشتر واحد واحصل على كرتون , بل كرتونين عطور , بل ثلاثة , المهم اشتر واحد بخمسة ريال بس!
دجو: هيه نواف هذا انا دجو !
نواف: اوه دجو , أكيد انت تحبني واكيد انت بتثق في اعز اصحابك بالمنتدى , واكيد راح تشتري ولو عطر واحد
دجو: خخخخخخخ اولا هذا العطر ريحته مررررررررررررره , ثانيا انا مفلس
نواف : خلاص معليه بأكنسل هذي الشغلة , لكن وش جيبك في هذه الجزيرة؟
دجو: (...............كل اللي صار قبل هذا السطر..............) فهمت؟
نواف: طيب خلاص !.... ويرمى نواف صندوق مال العطر وعفسته ويقول: بأصير قرصان زيك ونبحث عن الكنز.
دجو: اوكي يالا ندور عن الخريطة ...
ويمشوا ويمشوا ويلاقون واحد عجوز يسمى بـmom_com3 وقال نواف لدجو: ياهو كوم3 نروح له تراه يعرف هالشغلات وذاكرته قوية.
دجو: ياكوم تعال تعرف شيء عن الكنز...؟
موم كوم: لاسلام ولاشيء سلم اول
دجو : السلام عليكم
موم_كوم: وعليكم السلام وش تبي؟
نواف: احنا ندور عن ( .............كل اللي صار قبل هذا السطر.........) والآن تعرف شيء عن اللي ندور عنه؟
موم_كوم: طبعا جدي الأكبر mom_com1 يعرف صاحب هذا الكنز بل كان خوييه وصديقه , لكن يوم صار صاحب الكنز قام وضع صاحب الكنز ثروته بجزيرة محد يعرفها وقام شق الخريطة وقسمها على اربع اقسام ووزعهم بمنطقة جزر: جزيرة سكاب (اللي كنا فيها) وجزيرة فات(حاليا نحن فيها) وجزيرة بووتي(بنروح لها بعدين) وبعد مرور سنين وسنين وسنين وسنين وسنين وسنين وسنين وسنين وسنين ...... صارت دي القصة خرافة وطبعا جدي كوم الأكبر مات من زمان وصار الكلام لايصدق واللي صدقوا وبحثوا عن الخريطة كلهم الآن ماتوا منهم غرق بالبحر ومنهم من تقاتل ...
نواف : اقول دجو همش معاي نشوف عجوز غيره
دجو: يالا نواف ترى موم_كوم صاحبنا مايكذب ولايخرف
نواف : اوكي لكن ماقلت لنا وش الكنز اللي ندور عنه ووش فيه؟
دجو: ما ادري أنا احب المغامرات وماني طامع فيه
موم_كوم3: سمعت من ابي ان ابي سمع عن جدي انه سمع عن جده انه سمع عن جده انه سمع عن جده أن هذه الثروة لم تكن عادية , بالرغم انه صندوق واحد لكنه يمكن يجي 50 ضعف ميزانية السعودية !!
نواف وعواينه طلعت من مكانها: لالالالالا وخروا انا اول من يلمس الكنز
دجو : طيب يالا باي , همش نواف الخريطة في مكان ما هنا مثل ماقال كوم, يالا ناخذ لفة على الجزيرة
ويمشوا ويمشوا ويلاقوا خوباج ! يالله قصة مليانة مفآجات
خوباج كان يتمرن ويلعب ويينج اليفين عشان يطيح وجه عماد في المنتدى , وكان يتحدى الكمبيوتر على الهارد وكان دائما يغلبه ...
دجو: خوباج وعمى!
خوباج: ول! من ذا؟ اوه دجو , ذكرتني بقصة الجني مدري وش اسمه ....
دجو: وش جيبك هنا؟
خوباج: من زمان ماحد حطني بقصة لكن كاسر جابني غصبا عني وجبت معي البلي ستيشن 2 ووينج اليفين عشان اتحدى عماد , وانت وش تسوي؟
دجو: طبعا (.................كل اللي صار قبل هذا السطر.....................) والآن انا هنا
خوباج : ZzZzZzZzZzZz ... أوه هاه وش صار؟ إيه صح تذكرت
دجو: .....
نواف: .....
خوباج : .......
دجو: ........
نواف: ........
خوباج : شفيكم ساكتين؟
دجو: انت خبير بدي الأشياء
نواف: وعندك فلوس وتحبني وتحب العطور وتحب تشتري مني ... أخ مو هذا النص انا قلته وش المفروض اقول؟؟ (كالعادة مضيع)
خوباج: خلاص خلاص بأصير معاكم ....
وفجأة يجي بوشوشة يراكض وراه فوفو المتوحش (شكله يحب شوشته) ويدخل بوشوشة زحمة الطريق في السوق ويضيع الكلب , نواف : هيه بو شوشة تعال نبيك مادام انت واحد من شرطة منطقة هذه الجزر
بوشوشة : أولا انا آر بي جي , ثانيا أنا مطرود لأني طلعت هذا الدلخ دجو
دجو: هيهيهيه(ضحكة صغيرة)
خوباج:هيهيهيهيهي (ايضا ضحكة صغيرة)
نواف : هاهاهاهاهاهاهاهاههاهاهاهاهاهاهاها (ضحكة وش كبرها)
طاخ طاخ طوخ ( طاخ الآولى لدجو وطاخ الثانية لخوباج وطوخ الثالثة لنواف)
نواف: خلاص بصير معاكم بأدور عن الكنز شكله فيه وراء شيء او ثروة كبيرة
الآن صاروا اربعة اشخاص يبحثوا عن اربعة اقسام لخريطة , ومن ذكائهم الخارق قالوا كل واحد يدور عن قسم وافترقوا كلهم ....
===================
كأننا نسينا وش صار لعماد؟
إيه راح عماد لقلعة المشرف وقال له كل اللي صار في الجزء الأول وقال المشرف: خلاص كذه يعني تمرد من الأعضاء , عماد روح انت و جماعتك المراقبين من غير هذولي المتمردين نواف ودجو وبوشوشة واحصل على الخريطة قبلهم لأني بحاجة إليها
عماد: حاضر ياسيدي
==================
الآن وش بصير؟ وش راح يكون مصير الأربعة بوشوشة وخوباج ودجو ونواف؟ ومن سيحصل على الخريطة اولا؟ كل هذا تشاهدونه في الاتجاه المعاكسـ..أخ اقصد الجزء الثالث من القصة..
