وجهة نظر: الضخامة لمتوسطي القامة وقصار القامة ماتنفع .. نقاش

السلام عليكم ورحمه الله وبركاته

اخواني الأعزاء ... أنا طولي 170 سم اظن والحقيقة جسمي من النوع المستقيم المتناسق
بعد مادخلت عالم كمال الأجسام الجميل والممتع طلعت لي عضلات ترابس علوية وسفلية
طبعاً انا من اشد المعجبين بهذي العضلة لكن لاحظت انها قصّرت من طول رقبتي .. يعني اشوف اول رقبتي احسن كانت اطول بكثير من الحين
لكن حجم الترابس غطى ع طول الرقبة شوي مما اعطى للرقبة قصر مقارنة باول
الشي الثاني عضلات الظهر ... كنها سببت لي انحناء بالظهر ( اقصد من ناحية النظر ) يعني بعض الاحيان اسمع تعليق ظهرك منحني . اقوله لا مو منحني العضلات هذي
عضلات السواعد .. تقصر من حجم اليد ( بالنظر )
نجي للشي الاكثر تاثيرا على الطول ( بالنظر طبعاً )
الي هو عضلات الارجل .......... طبعاً انا احب عضلات الارجل وخصوصا الكالفز
لكن بعد ماظهرت لي عضلات افخاذ وكالفز لاحظت بالنظر بالمرايا ان جسمي الاول المتناسق والطويل ( بالنظر ) أصبح قصير بسبب عضلات الترابس + السواعد + الظهر + الأرجل كاملة
فيوم اجي اقارن صورة جسمي وشكلي بالكامل الحين وقبل 4 سنوات فرررررررررررررررررررررررق شاسع وللأمانة جسمي أول اشوفه احسن وحنيّت لـ شكلي أول

ياشباب المقصد انا ودي يكون جسمي فتنس يعني six packs وصدر حلو وعروق باليد وبس خلاص فرنسي يعني
انا للامانة احب الضخامة لكن من وجهة نظري الشخصية ان الضخامة تنفع لـ طوال القامة 180 وفوق هذولي يابختهم بالضخامة جسمي يقعد حلو مرةةة
فـ ياشباب انا ماقدر اترك الجيم لاني من مدمنين الجيم والأثقال ... ماهي طريقة جداول تمرين الجسم النحيف الفرنسي ؟
من ناحية التمارين والعدات والخ ؟
انا فكرت وفكرت بطريقة تكتيكية وخرجت بـ نتيجة اني امرّن الباي والكتف والصدر والبطن بدون اوزان ... يعني ظهر لا .. ترابس لا .. تراي لا .. أرجل لا ..
مع سباحة وجري وكرة قدم
هل الخطة صحيحة ؟ لا تحرمونا من خبرتكم وشكراً لكم

جسمك تشوفه غير متناسق معناته انه تمارينك غلط لو استمريت على هذا الحال راح تشوف جسمك اشبه بالمعاق
صحح معلوماتك اولا وتمرينك وغذائك

اقتباس:

---

المشاركة الأصلية كتبت بواسطة تي كوفي

جسمك تشوفه غير متناسق معناته انه تمارينك غلط لو استمريت على هذا الحال راح تشوف جسمك اشبه بالمعاق
صحح معلوماتك اولا وتمرينك وغذائك

---

:ponder:
؟؟؟
انت فهمت غلط ... انا مهتم بالغذاء جداً وبالتمارين
أنا أقصد العضلات جميلة لكن تظهرني بمظهر القصير ( بالنظر ) مقارنة بجسمي أول لا أريد أن أعيد كلامي واضح الموضوع

كيف عضلة الصدر العلوية عندك

تمـام ، ليش ؟

وعليكم السلام ورحمه الله وبركاته
الرجال في وادي والنَّاس في وادي :silly::silly: اخوي اكيد دايم الضخامه تبين الواحد اقصر والنحيف دايم يبان أطول هاذا شي معروف ،،،اذا انت متضايق تقدر تظبط برنامج لياقي وسويدي وسباحه ،،أضافه البوش أب والبول أب (ضغط وعقله)٣مرات بالأسبوع وبتلقى جسمك محافظ على العضل وقاعد ينشف ويتقسم ،،يعني احرص على الكارديو ولاتنسى الدايت المظبوط (مو مجاعه ) وترى الموضوع صعب يبي له عزيمه ،،،بالتوفيق يابطل

^^^^^^^
:biggthump

انا ماشوف فيها شي في ابطال قصار واجسامهم متناسقه وبعدين الضخامه فتره فقط مو دايم ثانيا ركز على ال شكل V

اقتباس:

---

المشاركة الأصلية كتبت بواسطة قوي كالصخر

:ponder:
؟؟؟
انت فهمت غلط ... انا مهتم بالغذاء جداً وبالتمارين
أنا أقصد العضلات جميلة لكن تظهرني بمظهر القصير ( بالنظر ) مقارنة بجسمي أول لا أريد أن أعيد كلامي واضح الموضوع

---

كيف فهمت غلط وانت تقول ظهرك مايل مثل سنام البعير راجع كلامك فوق
يدل على ايش انه الترابيز اكبر من عضلات ظهرك معناته
انك تمرن ظهرك غلط واصبح شكلك قصير

عموما هذى وجهت نظرك تخصك ولا تشرك غيرك بعيوبك ولا تعمم ابدا
الناس اللى تفهم تسميها كمال اجسام يعنى جسم متناسق مع الطول والشكل وليس
جمعية الرعاية بالمعاقين

انتهى

اقتباس:

---

المشاركة الأصلية كتبت بواسطة تي كوفي

كيف فهمت غلط وانت تقول ظهرك مايل مثل سنام البعير راجع كلامك فوق
يدل على ايش انه الترابيز اكبر من عضلات ظهرك معناته
انك تمرن ظهرك غلط واصبح شكلك قصير

عموما هذى وجهت نظرك تخصك ولا تشرك غيرك بعيوبك ولا تعمم ابدا
الناس اللى تفهم تسميها كمال اجسام يعنى جسم متناسق مع الطول والشكل وليس
جمعية الرعاية بالمعاقين

انتهى

---

انا مستغرب كيف المشرفين تاركين اشكال قذرة مثلك تمرح بمنتدى محترم زي هذا

اتفق معاك في كلامك ،،
فعلا الضخامه على طول غيييير ،،
مع انه الطويل يتعب لين ما يضخم ،،
عندي واحد من الشباب طوله ١٩٤ ( ما شاء الله ) سوى كل شي عشان يضخم
لدرجة ضرب كورس تيست وللأسف النتيجه أبدا ما كانت مرضيه ،،

في الجهة الاخرى ربيعنا الثاني طوله ١٦٩ وبعد فتره من التمرين
احين الكباتن يقولون له عندك عضل زياده بالنسبه لطولك
وقالوا له لازم تنزل من وزنك دهون وعضل ،،

وبالنسبه لتنسيق الجسم ،،
مثل ما قالوا الاخوان عدل شوي في نظام أكلك ،،
وممكن تدخل السويدي او السباحه و كرة القدم في نظام تمرينك
مع الحفاظ على الكارديو ولكن بشكل محدود حتى لا تخسر عضل كثير ،،

موفق ،،

اتفق معاك في كلامك ،،
فعلا الضخامه على طول غيييير ،،
مع انه الطويل يتعب لين ما يضخم ،،
عندي واحد من الشباب طوله 194 ( ما شاء الله ) سوى كل شي عشان يضخم
لدرجة ضرب كورس تيست وللأسف النتيجه أبدا ما كانت مرضيه ،،

وبالنسبه لتنسيق الجسم ،،
مثل ما قالوا الاخوان عدل شوي في نظام أكلك ،،
وممكن تدخل السويدي او السباحه و كرة القدم في نظام تمرينك
مع الحفاظ على الكارديو ولكن بشكل محدود حتى لا تخسر عضل كثير ،،

موفق ،،

فعلا بعض تشكيلات العضلات تعطيك طول وقصر كنظره سطحيه

احمد ربك 170
ترا اخوك هنا 165