مقطتفات من طفولة خالدأللي هو أنا

مقتطفات من طفولة ابوخلود

من وين ابدا ومنين ابدا... ابدا يومني في بطن كل الدنيا امي (الله يسامحك يلي في بالي(اي اكله اذا زدنافيها الملح وش نقول عنها ؟"شكله يقصد المملوحه") عن الكلام الي قلتيه فيها وجعلس تاخذين وجه البعير اخو ام برغش

ولدتني امي في مستشفى المشاري ( في صفة بيتنا ) الله يرحم حريم اول الي مايعرفون الوحم ولا التعب ولا الدلع لا ومشكومين "يعني مدقومين " وماينعطون وجه ومع ذلك تلقاها تروي فوق راسها المويه وفوق يدها الولد وفي كرشتها ولد ومع كل شغلهم وتعبهم اذا جو البيت قعدو يهمزون الرجال ويقهوونه ويغدونه ويعشونه ووووو.. وكل هذا وهم مطمنين روسهم وحاسين انهم مقصرين مهوب حريم تالي اليين توحمت راحت عند اهلها شهرين وش يقولون …مانتحمل ريحة الطبخ ولا البيت ولانقوى نشيل ولانحط واليين جت للبيت تلقاها مفرشطه "يمكن قصده مشنقله" عند التلفزيون والا التلفون
وعلشان ما اجحد حق حريم تالي فاللحق انهم يستطيعون القيام باعمال مايقوم بها حريم اول
فحريم تالي تقدر تقعد عند الدش خمس ساعات ماغمضت – وتقدر تكبت اليوم كلها نوم _ تقدر تدور على رجليها 8 ساعات بدون تعب ولكن في السو ق ولهم مميزات كثيره نذكرها في موضوع آخر" وين هالموضوع ؟"

,يوم ولدتني امي من زيني خفسو اذني يحسبوني بنيه كنت جميلا جدا تسني (غراب) ويوم جو يسبحوني لقوني وليد المهم كانت توزيني ماتطلعني لان اهل الحوطه يخافون من العين وعاد وشلون لو صار ولدهم مثلي حوري. و كانت امي تعطيني سيريلاك وسميلاك وشي عسى الله مايبلاك (كانو يدورون بي على حريم الحاره يرضعوني) علشان كذا انا حوطي اصيل(وين ثوب)
وطبعا كنت استخدم بيبي جوي وانبسط واضحك وانا صغير على صوت الحفاضة شك شك اليين جت تحفضني الله يخليها (ويخلي الخياش
يوم كبرت كانت امي تخاف علي وكانت تهاوش الدادا حقتي اللين طحت من دبابي (لعبتي الوحيده محفره يحطوني فيها ويعلقونها في الغمىويسمونها مرجيحه
وفي يوم من الايام قام ابوي وطق سواقنا علشانه صك على يدي الباب (كان عندنا حمار متقاطين فيه مع جيرانا
المهم توفى ابوي قدامي وانا صغير وقبل ماادخل التمهيدي (اتعلم الحصاد
و قصة وفاي ابوي محزنه وتوفى وكان عمي عندنا توه جاي من الرياض ويعايرونه (الرياضي) و كان قوي يتفخ سياكل عياله بثمه وياليت عمي مهوب عندنا يوم مات ابوي
قصة وفات ابوي الله يرحمه كان يحرث المزرعه بالحراثه ورقى ذاك الجرف وهو الي ينخرط منه هو والحراثه اللي انقلبت على ابوي خمس مرات والحمدلله ابوي كان مافيه شي وكان عيب يموت عندنا حوطي بسبب حراثه لكن المشكله في عمي المطفوق اللي جا وسدح ابوي في الارض على باله يسويله تنفس صناعي المهم وهو يسوي التنفس الصناعي كان متحمس وفقع رية ابوي ومات (متعود على تفخ السياكل
و الوالده الله يخليها ماتزوجت وقامت تشتغل في المزرعه علشان تكد علينا وكبرنا انا واخواني نويصر وحمد وكنت اكبرهم وقمنا نروح للمدرسه الله يذكرس ياميمتي بالخير كانت تزنطنا بالغتره كلنا وتقول لاتفكونها الى الين جيتوا من المدرسه ونجي ووجيهنا زرق مدري ليش ؟(الجواب عند أي واحد قد انزنط
نسيت اقول لكم الحلاق في الرياض ياخذ من اهل الرياض 10 على الحلاقه ومنا يااهل الحوطه ياخذ ثلاثة ريال علشان روسنا كلها ممساوي شفتوا الفيروس قصده كويات" لا وكانوا اهلنا يتفننون في طريقة التسوي(الكوي) اذكر ان خالا لي كان احسن واحد يتسوي "يكوي" وكان يتفنن فيه لدرجة انه يقدر يجيب قلبتين ويتسويك وهو مغمض . ماعلينا المهم انهم الله يجزاهم خير لو يصيح الواحد جيعان والا موصخ تسووه(كووه)قالوا اكيد مسخن
وكانت امي الله يعافيها تعطينى سندوتش تمر وتربطها(خبزه فيها تمر)ونروح للمدرسه ونرجعها ثانيه مانعرف نفكها
واكثر مايقهرني يومني صغير ان البزران يرجعوني مايخلوني اروح معهم للعبريه