بخصوص سوبر تشارج

معلومات المتقدم بالاستفسار :
العمر : 30 , الجنس : ذكر

الطول :187 متر
الوزن : 102 كيلوجرام



و الاستفسار كالتالي :
السلام عليكم

بالنسبة للسوبر تشارج رأيكم فى إيه من حيث البمب؟

وياترى فيه خطورة منه فى حالة زيادة الجرعة لسكوبين؟لان السكوبين فيهم 450 مجم كافيين

وحاسس انها نسبة عالية اوى

وخايف من تحذيرات اللى الشركة كاتباها عليه ان ممنوع لو فى تاريخ مرضى فى العائلة كأمراض السكر او الضغط او القلب

هل المنتج دة إتمنع؟لانى ملاحظ من حوالى سنتين كان الكلام عليه كتير انه حلو اوى وملاحظ انه مختفى حاليا

تستطيع زيادة جرعة الكافين الى 450 مج بدون مشاكل ولكن يفضل اخذها بشكل هرمي واذا شفت جسمك يتحمله تقدر تزيد ان شاء الله بدون مشاكل .. يعني تبدأ ب 200 مج وبعدها 300 وبعد كذا 400 .. وبعد كذا تنزل بالعكس .. وبعدها توقف فتره معينه مثلا شهرين .. وترجع من جديد .. حتى تستفيد من الكافيين بشكل كبير ..

بالتوفيق .

بص يا كابتن السوبر تشارج السكوب الواحد فيه 225 مجم كافيين

انا بشرب شاى لكن مش كتير يعنى بمعدل 3 أو 4 أكواب فى اليوم على الأكثر

ومعنى كلام حضرتك ان أقصى نسبة كافيين أمنة تدخل الجسم 450 مجم؟أصل لو كدة يبئا معنى الكلام دة ان السوبر تشارج مستخدم اقصى حاجة ممكن تضر خاصة لو فى يوم شربت كوب شاى صباحا وانا فى شغلى وجيت بعدها بحوالى 6 أو 7 ساعات أخدت جرعة سكوبين من السوبر تشارج كدة يكون خطر؟

واللى عايز افهمه ضرورى ليه التحذيرات الكتيرة المكتوبة على السوبر تشارج؟لاحظت ان مكتوب عليه لو فيه تاريخ مرضى للعائلة كمرض سكرى او امراض قلب محظور استخدامه والكلام دة مش مكتوب على منتجات تانية كتير ليه المنتج دة بالذات؟

انا استخدمت قبل كدة الأزولت والإكسبلود2 والجاك3 دى ومشكلة الكافيين فيه انه كان مبينيمنيش وبيسبب لى قلق شوية

وليه السوبر تشارج مش شايف عنه كلام حاليا فى المنتدى زى من حوالى سنتين أو تلاتة؟هل تم حظره؟او فى ناس شايفة ان نتائجه مش حلوة او له اضرار؟

عند استخدام 1000 ملي جرام من الكافيين في نفس الوقت او دفعه واحده جسمك لن يتقبله وسوف تخرج مافي بطنك .. علشان كذا تقدر تزيد كمية الكافيين الى اكثر من 450 .. ولكن عند الزياده تزداد معها الاعراض مثل الخفقان واضطرابات النوم وفقدان الشهيه .. الخ ..

غالبية منتجات الطاقه تضع نفس التحذيرات او تحذيرات مشابهه .. وغالبية هذي التحذيرات مثل ماتقرأه في الاعراض الجانبيه لدواء معين .. يضعون هذي التحذيرات في أقصى الحالات وحتى يحمون نفسهم قانونيا لو وقع الاسوء ..

ان شاء الله ماله اضرار ولايوجد شيء يميزه عن بقية منتجات الطاقه وبنفس الوقت لايوجد له عيب بالمقارنه بهم .. تستطيع استخدامه ان احببت او تستخدم غيره ..

تمام ياباشا
لاحظت انك بتقول ان لا يوجد ما يميزه عن باقى المنتجات
تقصد إنه عادى؟وفيه أفضل منه كتير؟
ولو فيه أفضل منه كتير كانت إيه تجاربك مع منتجات الطاقة؟
كنت بسمع ان السوبر تشارج أقوى فى البامب من الإكسبلود هل دة صحيح؟

معلش يا حبيبى انا عارف إنى إتثاقلت عليك بإستفساراتى الكتير

اقتباس:

---

المشاركة الأصلية كتبت بواسطة ryko

تمام ياباشا
لاحظت انك بتقول ان لا يوجد ما يميزه عن باقى المنتجات
تقصد إنه عادى؟وفيه أفضل منه كتير؟
ولو فيه أفضل منه كتير كانت إيه تجاربك مع منتجات الطاقة؟
كنت بسمع ان السوبر تشارج أقوى فى البامب من الإكسبلود هل دة صحيح؟

معلش يا حبيبى انا عارف إنى إتثاقلت عليك بإستفساراتى الكتير

---

قد كتبت مواضيع سابقه اوضح فيها نظرتي عن مكملات الطاقه .. تستطيع الاطلاع عليها :

تحليل مكونات منتجات الطاقه

مكملات جيده .. مكملات سيئه .. مكملات مضيعه للوقت ..

فى مقال وجدته خوفنى من مكملات الطاقة والكرياتين
http://www.altibbi.com/%D9%85%D9%82%D8%A7%D9%84%D8%A7%D8%AA-%D8%B7%D8%A8%D9%8A%D8%A9/%D8%A7%D9%84%D8%B5%D8%AD%D8%A9-%D9%88-%D8%A7%D9%84%D8%B1%D9%8A%D8%A7%D8%B6%D8%A9/%D9%85%D8%AE%D8%A7%D8%B7%D8%B1-%D8%A7%D9%84%D9%85%D9%83%D9%85%D9%84%D8%A7%D8%AA-%D8%A7%D9%84%D8%BA%D8%B0%D8%A7%D8%A6%D9%8A%D8%A9-%D8%B9%D9%84%D9%89-%D8%B5%D8%AD%D8%A9-%D8%A7%D9%84%D8%B1%D9%8A%D8%A7%D8%B6%D9%8A%D9%8A%D9%86-1512

وبالنسبة لان مكملات الطاقة ممكن تسبب تضخم فى عضلة القلب لا قدرالله كما ورد بالمقال السابق فليس من الممكن ان يحدث فى حين ان مكملات الطاقة معروف انها تزود قدرة القلب على ضخ المزيد من الدم على عكس المعدل الطبيعى لضخه للدم؟

إيه يا جماعة مفيش حد من الخبراء موجودين من امبارح ولا إيه؟